മാരാരിക്കുളം കൃപാസനം പള്ളിയിൽ കൊവിഡ് പ്രോട്ടോകോൾ ലംഘിച്ച് പ്രാർഥന; 50 പേർക്കെതിരെ കേസ്

ആലപ്പുഴ: മാരാരിക്കുളം കൃപാസനം പള്ളിയിൽ കൊവിഡ് പ്രോട്ടോകോൾ മറികടന്ന് പ്രാർഥന. 50 പേർക്കെതിരെ പോലീസ് കേസെടുത്തു. പള്ളിക്ക് നോട്ടീസും നൽകി. കൃപാസനത്തിൽ ആൾക്കൂട്ട പ്രാർഥനയെന്ന പരാതിയുടെ അടിസ്ഥാനത്തിലാണ് നടപടി.

Also Read: ഡിസിസി ജനറൽ സെക്രട്ടറിയെ വെട്ടി കെഎസ്‍‌യു ജില്ലാ സെക്രട്ടറിക്ക് സീറ്റ്; കായംകുളത്ത് കോൺഗ്രസിൽ തർക്കം, പരസ്യ പ്രസ്താവനകളുമായി ഒരു വിഭാഗം

കൊവിഡ് വ്യാപനത്തിൻ്റെ പശ്ചാത്തലത്തിൽ ആരാധനാലയങ്ങളിൽ ആൾക്കൂട്ടം പാടില്ലെന്ന ആരോഗ്യ വകുപ്പിൻ്റെ നിർദേശം മറികടന്ന് പ്രാർഥന നടത്തിയതിനാണ് കേസ്. 50 ലേറെപ്പേർ ഇവിടെ ഒത്തുചേർന്നു പ്രാർഥന നടത്തുന്നതായി പരാതി ഉയർന്നിരുന്നു. ജില്ലാ പോലീസ് മേധാവിയുടെ നിർദേശാനുസരണമാണ് മാരാരിക്കുളം പോലീസ് കേസെടുത്തത്. സാമൂഹിക അകലം പാലിക്കാതെ, കൊവിഡ് പ്രോട്ടോകോൾ മറികടന്നു കൂട്ടം കൂടിയതിനാണ് കേസ്. കൃപാസനം പള്ളിക്കെതിരെ കേസെടുത്ത് നോട്ടീസും നൽകിയിട്ടുണ്ടെന്ന് മാരാരിക്കുളം സിഐ എസ് രാജേഷ് അറിയിച്ചു.


ആലപ്പുഴ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ


ആലപ്പുഴ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ