തുറമുഖവകുപ്പിന് പണികൊടുത്ത് മോഷ്ടാക്കൾ! പാർക്ക് ചെയ്ത ജീപ്പുമായി കടന്നു, സംഭവം ആലപ്പുഴയിൽ

ആലപ്പുഴ: ആലപ്പുഴയിൽ തുറമുഖവകുപ്പിൻ്റെ വാഹനം മോഷ്ടിച്ചു. ബീച്ചിലെ ഓഫീസിനു മുന്നിൽ പാര്‍ക്ക് ചെയ്ത കെഎൽ- 58 ജി 7777 എന്ന നമ്പരിലുള്ള ബൊലേറോ ജീപ്പാണ് മോഷണം പോയത്. സംഭവത്തിൽ തുറമുഖവകുപ്പിൻ്റെ പരാതിയിൽ ആലപ്പുഴ സൗത്ത് പോലീസ് അന്വേഷണം തുടങ്ങി.

Also Read: ശസ്ത്രക്രിയക്കിടെ സച്ചി എന്നോട് സംസാരിച്ചു: സച്ചിക്ക് എന്താണ് സംഭവിച്ചത്.. ഡോക്ടർ പറയുന്നു

ബുധനാഴ്ച രാത്രിയിലാണ് സംഭവം. ഓഫീസിനു മുന്നിലെ ഷെഡിൽ ഡ്രൈവര്‍ വാഹനം പാര്‍ക്ക് ചെയ്തശേഷം ഷെഡ് പൂട്ടി പോകുന്നതാണ് പതിവ്. ഡ്രൈവര്‍മാര്‍ മാറിവരുന്നതിനാൽ ജീപ്പിൻ്റെ താക്കോൽ വാഹനത്തിൽ തന്നെ സൂക്ഷിക്കും. ഇത് മനസിലാക്കിയാണ് മോഷ്ടാക്കൾ എത്തിയതെന്നാണ് പോലീസിൻ്റെ നിഗമനം. ഷെഡിൻ്റെ പൂട്ട് കള്ള താക്കോലിട്ട് തുറന്നശേഷം ജീപ്പുമായി മോഷ്ടാക്കൾ കടക്കുകയായിരുന്നു. വ്യാഴാഴ്ച രാവിലെ ജീവനക്കാര്‍ എത്തിയപ്പോളാണ് മോഷണവിവരം അറിയുന്നത്. അതേസമയം സ്ഥലത്ത് സിസിടിവി ക്യാമറകള്‍ ഇല്ലാത്തതും അന്വേഷണത്തിന് തിരിച്ചടിയാകും. വാഹനവുമായി ബന്ധപ്പെട്ട് വിവരം ലഭിക്കുന്നവർ പോലീസുമായി ബന്ധപ്പെടണമെന്ന് ആലപ്പുഴ സൗത്ത് പോലീസ് അറിയിച്ചു.

Also Read: കണ്ണൂരിൽ കൊവിഡിന് ജനിതകമാറ്റമോ?എക്സൈസ് ഡ്രൈവറുടെ മരണത്തിൽ വിദഗ്ദ്ധാന്വേഷണം തുടരുന്നു


Also Read: കിണഞ്ഞു ശ്രമിച്ചെങ്കിലും ആ ജീവന്‍ രക്ഷിക്കാനായില്ല; സച്ചിയുടെ വിടവാങ്ങൽ, മലയാള സിനിമയ്ക്ക് തീരാനഷ്ടം!