ആലപ്പുഴ: ഷാനിമോള് ഉസ്മാനെ വിമര്ശിച്ച ജി സുധാകരന് മറുപടിയുമായി പ്രതിപക്ഷ നേതാവ് രമേശ് ചെന്നിത്തല. അരൂര് എംഎല്എ ഷാനിമോള് ഉസ്മാന് വികസന വിരോധിയാണെന്ന വിമര്ശനത്തോടാണ് ചെന്നിത്തലയുടെ പ്രതികരണം. ഷാനിമോള് ഉസ്മാന് വികസനത്തിന് എതിരാണെന്നും തികഞ്ഞ പരാജയമാണെന്നും ജി സുധാകരന് കഴിഞ്ഞ ദിവസം വിമര്ശിച്ചിരുന്നു.
വികസനവിരോധികൾ പ്രതിപക്ഷത്തുള്ളവരല്ല, സംസ്ഥാന സർക്കാരാണ് വികസന വിരോധികൾ.
പാലങ്ങൾ പണിയേണ്ടത് ഭരിക്കുന്നവരാണ്. പ്രതിപക്ഷത്തുള്ളവരല്ല. പ്രതിപക്ഷത്തുള്ള ഷാനിമോൾ ഉസ്മാൻ എങ്ങനെയാണ് വികസന വിരോധിയാവുന്നത്. പെരുമ്പളം പാലം ഉൾപ്പെടെയുള്ളവ നിർമ്മിക്കേണ്ടതിൻറെ ഉത്തരവാദിത്വം മന്ത്രിക്കാണെന്നും ചെന്നിത്തല പറഞ്ഞു.
Also Read: താങ്കള് സംഘിയാണോ?; മാധ്യമപ്രവര്ത്തകന്റെ ചോദ്യത്തിന് മാസ് മറുപടി നൽകി നടന് കൃഷ്ണകുമാർ
എൽഡിഎഫ് സർക്കാർ തെരഞ്ഞെടുപ്പ് കാലത്തു ഒരുപാട് വാഗ്ദാനങ്ങൾ ജനങ്ങൾക്ക് കൊടുത്തു. അത് പാലിച്ചില്ലെന്ന് മാത്രമല്ല പ്രതിപക്ഷത്തെ കുറിച്ച് വ്യാജ പ്രചാരണങ്ങള് നടത്തുകയും ചെയ്യുന്നു. അതുകൊണ്ട് തന്നെ ജനങ്ങൾ ഇത് തള്ളിക്കളയുമെന്നും ചെന്നിത്തല കൂട്ടിച്ചേർത്തു. ചേര്ത്തലയിലെ തെരഞ്ഞെടുപ്പ് പ്രചാരണത്തിനിടെയാണ് ചെന്നിത്തലയുടെ പ്രതികരണം.
ആലപ്പുഴ ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ