ആലപ്പുഴ: വൃക്കദാനം ചെയ്ത് ഭാര്യയെ ജീവിതത്തിലേക്ക് തിരികെ കൊണ്ടുവന്ന സബീഷ് ഇപ്പോള് പ്ലാസ്റ്റിക് കുപ്പികള് ശേഖരിച്ച് പറയന് ചാലിന് പുതുജീവന് പകരുകയാണ്. ദീര്ഘകാലമായി ജലാശയത്തില് കുന്നുകൂടിയ പ്ലാസ്റ്റിക് മാലിന്യങ്ങള് വള്ളത്തില് ശേഖരിക്കുകയാണ് ചേര്ത്തല മണവേലി സ്വദേശിയായ ആര് സബീഷ് എന്ന പ്രകൃതി സ്നേഹി. തണ്ണീര്മുക്കം പഞ്ചായത്ത് 20-ാം വാര്ഡിലെ പ്രധാന ജലാശയത്തില് നിന്നാണ് 3 ആഴ്ചക്കാലമായി ദിവസേന പ്ലാസ്റ്റിക് മാലിന്യങ്ങള് ശേഖരിക്കുന്നത്. ഇതിനകം തന്നെ 2000ല് അധികം പ്ലാസ്റ്റിക് കുപ്പികള് ശേഖരിച്ച് കഴിഞ്ഞു.
വള്ളം നിറയുന്നതിന് അനുസരിച്ച് ചാക്കുകള് കെട്ടി കരയിലേക്ക് മാറ്റും. വിദ്യാഭ്യാസ സ്ഥാപനത്തിന്റെ ഉടമയായ സജീഷ് ജോലി സമയം കഴിഞ്ഞാണ് ഓരോ മണിക്കൂര് വീതം പ്രകൃതി സംരക്ഷണത്തിനായി മാറ്റി വയ്ക്കുന്നത്. പ്ലാസ്റ്റിക് വിറ്റുകിട്ടുന്ന പണം ഗ്രാമത്തിലെ പാലിയേറ്റീവ് പ്രവര്ത്തകര്ക്ക് വിതരണം ചെയ്യുമെന്നും സബീഷ് പറയുന്നു.
സബീഷ് പ്ലാസ്ററിക് ശേഖരിക്കുന്ന വിവരം ഫേസ്ബുക്കിലൂടെ അറിഞ്ഞാണ് ആലപ്പുഴ ജില്ലാ പഞ്ചായത്ത് പ്രസിഡന്റ് കെജി രാജേശ്വരി പറയന് ചാലിന്റെ തീരത്തെത്തിയത്. ജില്ലാ പഞ്ചായത്ത് അംഗമായ ആര് റിയാസും സാക്ഷരതാ മിഷന് ജില്ലാ കോര്ഡിനേറ്റര് കെവി രതീഷും ഒപ്പമുണ്ടായിരുന്നു. സബീഷിനെ ജില്ലാ പഞ്ചായത്ത് പ്രസിഡന്റ് പൊന്നാട അണിയിച്ച് ആദരിച്ചു. വേമ്പനാട് കായലിന്റെ കൈവഴിയായ പറയഞ്ചാലിന്റെ നവീകരണത്തിനും സൗന്ദര്യവല്ക്കരണത്തിനും എല്ലാ പിന്തുണയും നല്കുമെന്ന് ജില്ലാ പഞ്ചായത്ത് പ്രസിഡന്റ് ഉറപ്പ് നല്കി. 30 വര്ഷങ്ങള്ക്ക് മുമ്പ് മദമിളകി വന്ന ആനയെ ഈ ചാലില് വെച്ച് പോലീസ് വെടിവെച്ചു കൊന്നതിനാല് ആനച്ചാലെന്ന വിളിപ്പേരും പറയന് ചാലിനുണ്ട്.
വള്ളം നിറയുന്നതിന് അനുസരിച്ച് ചാക്കുകള് കെട്ടി കരയിലേക്ക് മാറ്റും. വിദ്യാഭ്യാസ സ്ഥാപനത്തിന്റെ ഉടമയായ സജീഷ് ജോലി സമയം കഴിഞ്ഞാണ് ഓരോ മണിക്കൂര് വീതം പ്രകൃതി സംരക്ഷണത്തിനായി മാറ്റി വയ്ക്കുന്നത്. പ്ലാസ്റ്റിക് വിറ്റുകിട്ടുന്ന പണം ഗ്രാമത്തിലെ പാലിയേറ്റീവ് പ്രവര്ത്തകര്ക്ക് വിതരണം ചെയ്യുമെന്നും സബീഷ് പറയുന്നു.
സബീഷ് പ്ലാസ്ററിക് ശേഖരിക്കുന്ന വിവരം ഫേസ്ബുക്കിലൂടെ അറിഞ്ഞാണ് ആലപ്പുഴ ജില്ലാ പഞ്ചായത്ത് പ്രസിഡന്റ് കെജി രാജേശ്വരി പറയന് ചാലിന്റെ തീരത്തെത്തിയത്. ജില്ലാ പഞ്ചായത്ത് അംഗമായ ആര് റിയാസും സാക്ഷരതാ മിഷന് ജില്ലാ കോര്ഡിനേറ്റര് കെവി രതീഷും ഒപ്പമുണ്ടായിരുന്നു. സബീഷിനെ ജില്ലാ പഞ്ചായത്ത് പ്രസിഡന്റ് പൊന്നാട അണിയിച്ച് ആദരിച്ചു. വേമ്പനാട് കായലിന്റെ കൈവഴിയായ പറയഞ്ചാലിന്റെ നവീകരണത്തിനും സൗന്ദര്യവല്ക്കരണത്തിനും എല്ലാ പിന്തുണയും നല്കുമെന്ന് ജില്ലാ പഞ്ചായത്ത് പ്രസിഡന്റ് ഉറപ്പ് നല്കി. 30 വര്ഷങ്ങള്ക്ക് മുമ്പ് മദമിളകി വന്ന ആനയെ ഈ ചാലില് വെച്ച് പോലീസ് വെടിവെച്ചു കൊന്നതിനാല് ആനച്ചാലെന്ന വിളിപ്പേരും പറയന് ചാലിനുണ്ട്.