ആലപ്പുഴ( Alappuzha): മകന്റെ മർദ്ദനത്തിൽ അച്ഛൻ കൊല്ലപ്പെട്ടു. എണ്ണക്കാട് പെരിങ്ങലിപ്പുറം അരിയന്നൂർ കോളനിയിൽ ശ്യാമളാലയം വീട്ടിൽ തങ്കരാജ് (65)ആണ് കൊല്ലപ്പെട്ടത്. മകന്റെ മർദ്ദനത്തെ തുടർന്നാണ് തങ്കരാജ് മരിച്ചത്. പ്രതിയായ മകൻ സജീവിനെ മാന്നാർ പോലീസ് കസ്റ്റഡിയിൽ എടുത്തു.
രംഗശ്രീ കലാജാഥയ്ക്ക് ജില്ലയില് തുടക്കം
ആലപ്പുഴ: സംസ്ഥാന സർക്കാറിന്റെ ഒന്നാം വാർഷികത്തോടനുബന്ധിച്ച് കുടുംബശ്രീയുടെ കനിവ് രംഗശ്രീ കലാസംഘം ജില്ലയിലെ 20 കേന്ദ്രങ്ങളിൽ 26 വരെ പര്യടനം നടത്തും. രാവിലെ 9.30ന് കൈനകരി പഞ്ചായത്തിന് സമീപം ജില്ലാ പഞ്ചായത്ത് പ്രസിഡന്റ് കെ.ജി. രാജേശ്വരി പരിപാടി ഉദ്ഘാടനം ചെയ്തു. കൈനകരി പഞ്ചായത്ത് പ്രസിഡന്റ് എം.സി. പ്രസാദ് കലാജാഥ ഫ്ലാഗ് ഓഫ് ചെയ്യും. തുടർന്ന് ഇന്ന് ചമ്പക്കുളം, രാമങ്കരി, കാവാലം, മുട്ടാർ എന്നിവിടങ്ങളില് കലാപരിപാടികള് അവതരിപ്പിക്കും.
മെയ് 24ന് തകഴി, അമ്പലപ്പുഴ, പുറക്കാട്, തോട്ടപ്പള്ളി, തൃക്കുന്നപ്പുഴ 25ന് കരുവാറ്റ, ഹരിപ്പാട്, കായംകുളം, ചാരുംമൂട്, കാർത്തികപ്പള്ളി, 26ന് അരൂർ, തുറവൂർ, ചേർത്തല, ആലപ്പുഴ, പുന്നപ്ര എന്നിവിടങ്ങളിലും കലാ സംഘം പര്യടനം നടത്തും. സർക്കാർ നടപ്പിലാക്കിയ ജനക്ഷേമ പ്രവർത്തനങ്ങൾ, നടപ്പാക്കാനുദ്ദേശിക്കുന്ന പദ്ധതികൾ എന്നിവ ഉൾപ്പെടുത്തി കരിവെള്ളൂർ മുരളി സംഗീതം നൽകിയ നൃത്തശില്പം, റഫീഖ് മംഗലശ്ശേരി രചിച്ച, കരിവെള്ളൂർ മുരളി സംവിധാനം ചെയ്ത കേരള വർത്തമാനം എന്ന നാടകം എന്നിവയാണ് കുടുംബശ്രീ കനിവ് രംഗശ്രീ കലാസംഘം വിവിധ കേന്ദ്രങ്ങളിൽ അവതരിപ്പിക്കുന്നത്.
Topic: Alappuzha News, Alappuzha Thankaraj murder, Alappuzha son killed father