ആലപ്പുഴ(Alappuzha): പോലീസ് ക്വാർട്ടേഴ്സിൽ മക്കളെ കൊന്ന് അമ്മ ആത്മഹത്യ ചെയ്ത കേസിൽ ഭർത്താവായ റെനീസിന് വട്ടിപ്പലിശക്ക് വായ്പ നൽകുന്ന ബിസിനസ് ഉണ്ടായിരുന്നുവെന്ന് പൊലീസ്. റെനീസിനെ കസ്റ്റഡിൽ വാങ്ങി ചോദ്യം ചെയ്തതിന് പിന്നാലെയാണ് റെനീസിൻ്റെ പണമിടപാടുകൾ സംബന്ധിച്ച് അന്വേഷണ സംഘത്തിന് വിവരം ലഭിച്ചത്.
ഇത് സംബന്ധിച്ച രേഖകളും പണവും റെനീസിൻറെ ബന്ധുവിൻറെ വീട്ടിൽ നിന്ന് കണ്ടെടുത്തിട്ടുണ്ട്. നജ്‍ലയും കുഞ്ഞുങ്ങളും മരിച്ചതിന് പിന്നാലെ ഇതടങ്ങിയ ബാഗ് ബന്ധുവിൻറെ വീട്ടിൽ റെനീസ് ഏൽപ്പിച്ചിരുന്നു. നിരവധി ആധാരങ്ങളും ചെക്ക് ബുക്കുകളും ഒരു ലക്ഷത്തിനടുത്ത് നോട്ടുകളും ബാഗിലുണ്ട്. വട്ടിപ്പലിശക്ക് വായ്പ കൊടുക്കുന്നതിനായാണ് നജ്ലയെ കൂടുതൽ സ്ത്രീധനം ചോദിച്ച് റെനീസ് പീഡിപ്പിച്ചതെന്ന് പൊലീസ് പറഞ്ഞു.
വട്ടിപ്പലിശ ബിസിനസ് നടത്തിയതിന് റെനീസിനെതിരെ കേസെടുക്കും. നജ്ലയുടെ മരണത്തിന് പിന്നാലെ റെനീസിനെ അന്വേഷണ വിധേയമായി സസ്പെൻറ് ചെയ്തിരുന്നു. വകുപ്പുതല അന്വേഷണവും റെനീസിനെതിരെ പ്രഖ്യാപിച്ചിട്ടുണ്ട്. സ്ത്രീപീഡനം, ആത്മഹത്യാ പ്രേരണ കുറ്റങ്ങൾ ചുമത്തി റെനീസിനെ അറസ്റ്റ് ചെയ്തിരുന്നു. കുന്നുംപുറത്തെ പോലീസ് ക്വാർട്ടേഴ്സിലാണ് നജ്ലയേയും മക്കളായ അഞ്ചുവയസുകാരൻ ടിപ്പു സുൽത്താനേയും ഒന്നര വയസുകാരി മലാലയേയും മരിച്ച നിലയിൽ കണ്ടെത്തിയത്. മക്കളെ കൊലപ്പെടുത്തിയ ശേഷം നജ്ല ജീവനൊടുക്കുകയായിരുന്നു. റെനീസ് നിരന്തരമായി നജ്ലയ പീഡിപ്പിച്ചിരുന്നതായും മറ്റൊരു സ്ത്രീയുമായി ബന്ധമുള്ളതായും നജ്ലയുടെ കുടുംബം ആരോപിച്ചിരുന്നു. സ്ത്രീധനമായി ലക്ഷങ്ങൾ കൈപ്പറ്റിയിട്ടും വീണ്ടും പണം ആവശ്യപ്പെട്ട് നജ്ലയെ പീഡിപ്പിച്ചിരുന്നതായും ആരോപണം ഉയർന്നിരുന്നു.
Topic: Alappuzha News, Renees money lending, Renees Najla