സൈനികനായ മകൻ മദ്യപിച്ചെത്തി 70കാരിയായ അമ്മയെ തല്ലിച്ചതച്ചു

ആലപ്പുഴ (Alappuzha): ഹരിപ്പാട് മുട്ടത്ത് സൈനികനായ മകൻ വൃദ്ധ മാതാവിനെ ക്രൂരമായി മർദ്ദിച്ചു. മുട്ടം സ്വദേശിയും സൈനികനുമായ സുബോധാണ് മദ്യപിച്ചെത്തി അമ്മ ശാരദാമ്മയെ ക്രൂരമായി മർദ്ദിച്ചത്. വീട്ടിൽ മദ്യപിച്ചെത്തിയ സുബോധ് അസഭ്യവർഷം നടത്തി വൃദ്ധയായ അമ്മയെ ക്രൂരമായി മർദ്ദിക്കുകയായിരുന്നു. പലതവണ പ്രതിരോധിക്കാൻ ശ്രമിച്ചെങ്കിലും വീണ്ടും മർദ്ദനം തുടരുകയായിരുന്നു. അർത്തുങ്കൽ പള്ളിയിൽ മകരം തിരുനാളിന് തുടക്കം; കുർബാനയ്ക്കായി വെർച്വൽ ക്യൂ ബുക്കിങ്, നിയന്ത്രണങ്ങളിങ്ങനെ, വീഡിയോ കാണാം


വീട്ടിൽ തന്നെയുള്ള മറ്റൊരു മകൻ ദൃശ്യങ്ങൾ മൊബൈലിൽ പകർത്തി സാമൂഹ്യ മാധ്യമങ്ങളിൽ പ്രചരിപ്പിച്ചത്തോടെയാണ് സംഭവം പുറത്തറിഞ്ഞത്. ഇതിനെതുടർന്ന് കരിയിലക്കുളങ്ങര പോലീസ് സുബോധിനെ കസ്റ്റഡിയിൽ എടുത്തു. മാതാവിന്‍റെ മൊഴി രേഖപ്പെടുത്തിയിട്ടുണ്ടെന്ന് പോലീസ് പറഞ്ഞു. കഴിഞ്ഞ ഒൻപതാം തീയതിയാണ് സുബോധ് നാട്ടിൽ ലീവിന് എത്തിയത്. മകൻ മുൻപും തന്നെ മർദ്ദിച്ചതായി ശാരദാമ്മ പോലീസിന് മൊഴി നൽകിയിട്ടുണ്ട്. മാതാവിനെയും വൈദ്യപരിശോധനയ്ക്ക് വിധേയമാക്കുമെന്നും പോലീസ് അറിയിച്ചു.

കഴിഞ്ഞ ദിവസം രാത്രി വീട്ടിൽ മദ്യപിച്ചെത്തിയ സുബോധ് അമ്മയുടെ വളയും മാലയും ഊരി മാറ്റാൻ ശ്രമിച്ചിരുന്നു. അമ്മ ഇത് തടയാൻ ശ്രമിക്കുന്നതിനിടെയാണ് മർദ്ദനം ഉണ്ടായതെന്നാണ് റിപ്പോർട്ട്.

Topic: Mother Beaten by Son, Son Attacked Mother, Harippad Mother Attacked