ആലപ്പുഴയില്‍ ഒരു കുടുംബത്തിലെ 16 പേര്‍ക്ക് കൊവിഡ്; രോഗികളില്‍ 8 വയസുള്ള കുട്ടിയും

ആലപ്പുഴ։ സംസ്ഥാനത്ത് കൊവിഡ് രോഗബാധ ആദ്യമായി ഇരുന്നൂറ് കടന്നതിന് പിന്നാലെ സമ്പര്‍ക്കത്തിലൂടെ കൊവിഡ് രോഗബാധയും ഉയര്‍ന്നതും ആശങ്ക ഉയർത്തുകയാണ്. അതിന് പിന്നാലെ ആശങ്ക ഉയര്‍ത്തി ഒരു കുടുംബത്തിലെ 16 പേര്‍ക്ക് രോഗബാധ കണ്ടെത്തി.

Also Read : സംസ്ഥാനത്ത് സംമ്പര്‍ക്കത്തിലൂടെ 27 പേര്‍ക്ക് കൊവിഡ്։ ഏറ്റവും ഉയര്‍ന്ന് നിരക്ക്

രണ്ട് ദിവസത്തിനുള്ളില്‍ ഒരു കുടുംബത്തില്‍ ഇത്രയധികം രോഗികളുണ്ടായിരിക്കുന്നത്. ആലപ്പുഴയാണ് ആശങ്ക ഉയര്‍ത്തിയിരിക്കുന്ന സംഭവമുണ്ടായിരിക്കുന്നത്. ഇന്ന് കുടുംബത്തിലെ 11 പേര്‍ക്കാണ് രോഗം സ്ഥിരീകരിച്ചിരിക്കുന്നത്. ഇക്കൂട്ടത്തില്‍ എട്ടും ഒന്‍പതും വയസ്സ് പ്രായമുള്ള കുട്ടികളും ഉള്‍പ്പെടുന്നുണ്ട്.

പച്ചക്കറി വ്യാപാരിക്കാണ് രോഗം സ്ഥിരീകരിച്ചിരിക്കുന്നത്. എന്നാല്‍, ഇയാള്‍ക്ക് എവിടെ നിന്നാണ് രോഗം കണ്ടെത്തിയിരിക്കുന്നത് എന്ന് വ്യക്തമല്ല. തിരുവനന്തപുരം, എറണാകുളം നഗരങ്ങളിലും മലപ്പുറം ജില്ലയിലെ പൊന്നാനി താലൂക്കിലും സാഹചര്യം ഗുരുതരമാണെന്നും ഇന്ന് വാര്‍ത്താ സമ്മേളനത്തില്‍ മുഖ്യമന്ത്രി പറഞ്ഞിരുന്നു.

Also Read : നിരീക്ഷണത്തിലുള്ളത് 1,7711 പേർ; ഹോട്ട് സ്‌പോട്ടുകളിൽ വീണ്ടും മാറ്റം, കേരളത്തിലെ സമ്പൂർണ കൊവിഡ് വിവരങ്ങൾ

കേരളത്തില്‍ ഇന്ന് 211 പേര്‍ക്കാണ് കൊവിഡ് രോഗബാധ റിപ്പോര്‍ട്ട് ചെയ്തിരിക്കുന്നത്. സംസ്ഥാനത്ത് ഇതുവരെയുണ്ടായിരിക്കുന്നതില്‍ ഏറ്റവും വലിയ പ്രതിദിന വര്‍ദ്ധനവാണ് ഇന്ന് ഉണ്ടായിരിക്കുന്നത്. ഏറ്റവുമധികം സമ്പര്‍ക്കത്തിലൂടെ രോഗികള്‍ ഉണ്ടായിരിക്കുന്ന ദിവസവും ഇന്നുതന്നെയാണ്. 27 പേര്‍ക്കാണ് ഇത്തരത്തില്‍ രോഗബാധ റിപ്പോര്‍ട്ട് ചെയ്തിരിക്കുന്നത്.