ആലപ്പുഴ: മരണാനന്തര ചടങ്ങിൽ പങ്കെടുത്ത് മടങ്ങവെയുണ്ടായ വാഹനാപകടത്തിൽ മൂന്ന് വയസുകാരന് ദാരുണാന്ത്യം. പുന്നപ്ര പറവൂർ കൊല്ലാപറമ്പിൽ ലാൻസന്റെയും ലിജിയയുടെയും മകൻ ലിയാനാണ് മരിച്ചത്. ആലപ്പുഴ ബൈപ്പാസിൽ കാറും ഓട്ടോറിക്ഷയും കൂട്ടിയിടിച്ചാണ് അപകടം.
പൂങ്കാവിൽ മരണാനന്തര ചടങ്ങിൽ പങ്കെടുത്ത് മടങ്ങുകയായിരുന്നു കുടുംബം. ലിയാന്റെ അച്ഛൻ ലാൻസണാണ് ഓട്ടോറിക്ഷ ഓടിച്ചിരുന്നത്. അപകടത്തിൽ ലാൻസണും ലിജയയ്ക്കും പരിക്കേറ്റു. കാലിന് പരിക്കേറ്റ ലാൻസൻ മെഡിക്കൽ കോളജ് ആശുപത്രിയിൽ ചികിത്സയിലാണ്.
Also Read : വരവായി വള്ളംകളിയുടെ നാളുകള്; ആകെ 77 വള്ളങ്ങൾ, പാസുള്ളവർക്ക് മാത്രം പ്രവേശനം, നെഹ്റു ട്രോഫി വള്ളംകളിക്ക് പുന്നമട സജ്ജം
വാഹനാപകടത്തിൽ ഗുരുതരമായി പരിക്കേറ്റ കുട്ടിയെ മെഡിക്കൽ കോളേജ് ആശുപത്രിയിലേക്ക് കൊണ്ട് പോയെങ്കിലും അപ്പോഴേക്കും മരണം സംഭവിച്ചു.
ആലപ്പുഴ ജില്ലയിലെ മുഴുവൻ വാര്ത്തകളും ഒറ്റ ക്ലിക്കിൽ ഇവിടെ വായിക്കാം