ആശങ്കയോടെ കൊച്ചി; ജില്ലയില്‍ ശനിയാഴ്ച 13 പേര്‍ക്ക് കൊവിഡ് സ്ഥിരീകരിച്ചു, നഗരത്തിലെ 5 ഡിവിഷനുകൾ കണ്ടെയ്മെൻ്റ് സോണിൽ

കൊച്ചി: കൊവിഡ് രോഗികളുടെ എണ്ണം വർദ്ധിക്കുന്ന സാഹചര്യത്തിൽ കൊച്ചി നഗരം ആശങ്കയിൽ. നഗരസഭയ്ക്ക് കീഴിലുള്ള 5 ഡിവിഷനുകൾ കണ്ടെയ്മെൻ്റ് സോണായി പ്രഖ്യാപിച്ചു. 43, 44,46,55, 56 ഡിവിഷനുകളാണ് കണ്ടെയ്മെൻ്റ് സോണാക്കി പ്രഖ്യാപിച്ചത്. പാലാരിവട്ടം, ചക്കരപറമ്പ്, കരണക്കോടം, ഗിരിനഗര്‍, പനമ്പിള്ളിനഗര്‍ പ്രദേശങ്ങളാണിവ. പിറവം നഗരസഭയിലെ പതിനേഴാം ഡിവിഷൻ, പൈങ്ങോട്ടൂർ പഞ്ചായത്തിലെ അഞ്ചാം വാർഡ്, പറവൂർ നഗരസഭയിലെ എട്ടാം ഡിവിഷൻ, കടുങ്ങല്ലൂർ പഞ്ചായത്തിലെ എട്ടാം വാർഡ്, തൃക്കാക്കര നഗരസഭയിലെ 28-ാം ഡിവിഷൻ എന്നിവയും കണ്ടെയ്മെൻറ് സോണായി ജില്ലാ കളക്ടർ എസ് സുഹാസ് പ്രഖ്യാപിച്ചു.

Also Read: പിസി ജോർജ് വീണ്ടും യുഡിഎഫിലേയ്ക്ക്? മകൻ ഷോൺ ജോർജ് പൂഞ്ഞാറിൽ സ്ഥാനാർത്ഥി? ജോസഫ് വിഭാഗവുമായി ജോർജ് ലയിക്കുന്നു!!

ശനിയാഴ്ച ജില്ലയിൽ 13 പേർക്ക് രോഗം സ്ഥിരീകരിച്ചു. ജൂലൈ 1 ന് മുംബൈ കൊച്ചി വിമാനത്തിലെത്തിയ 41 വയസ്സുള്ള ഗുജറാത്ത് സ്വദേശി, ഹൈദ്രബാദ് കൊച്ചി വിമാനത്തിലെത്തിയ 49 വയസ്സുള്ള നോർത്ത് പറവൂർ സ്വദേശിനി, ജൂൺ 30 ന് സൗദി കൊച്ചി വിമാനത്തിലെത്തിയ 52 വയസ്സുള്ള തമ്മനം സ്വദേശി, ജൂൺ 30 ന് ദമാം കൊച്ചി വിമാനത്തിലെത്തിയ 58 വയസ്സുള്ള ചെല്ലാനം സ്വദേശി, ജൂൺ 30 ന് ദോഹ കൊച്ചി വിമാനത്തിലെത്തിയ 54 വയസ്സുള്ള കീഴ്മാട് സ്വദേശിയും, അതേ വിമാനത്തിലെത്തിയ 51 വയസ്സുള്ള ഇദ്ദേഹത്തിൻ്റെ അടുത്ത ബന്ധു , ജൂൺ 12 ന് കുവൈറ്റ് കൊച്ചി വിമാനത്തിലെത്തിയ 40 വയസ്സുള്ള കാലടി സ്വദേശി, കൂടാതെ 54 വയസ്സുള്ള വെണ്ണല സ്വദേശി, 52 വയസ്സുള്ള കടവന്ത്ര സ്വദേശിനി , 35 വയസ്സുള്ള പാലാരിവട്ടം സ്വദേശി, 51 വയസ്സുള്ള തൃക്കാക്കര സ്വദേശി, 51 വയസ്സുള്ള കടുങ്ങല്ലൂർ സ്വദേശി ,29 വയസ്സുള്ള പറവൂർ സ്വദേശി എന്നിവർക്കാണ് രോഗം സ്ഥിരീകരിച്ചത്.

Also Read: മഴപെയ്താല്‍ പുറംലോകവുമായി ബന്ധപ്പെടാനാകില്ല; മുണ്ടേരി വാണിയം പുഴ കോളനി നിവാസികള്‍ ഭീതിയില്‍!!

ഇതോടെ ജില്ലയിലെ ആശുപത്രികളിൽ കൊവിഡ് രോഗം സ്ഥിരീകരിച്ച് ചികിത്സയിൽ കഴിയുന്നവരുടെ എണ്ണം 191 ആയി. വീടുകളിലും ആശുപത്രികളിലുമായി 13033 പേർ നിരീക്ഷണത്തിലാണ്. അതേസമയം കടവന്ത്ര ഇന്ദിരാ ഗാന്ധി സഹകരണ ആശുപത്രിയിലെ 15 ആരോഗ്യ പ്രവർത്തകരോട് നിരീക്ഷത്തിലിരിക്കാൻ ജില്ലാ ഭരണകൂടം ആവശ്യപ്പെട്ടു. കഴിഞ്ഞ ദിവസം ഒപിയിൽ എത്തിയ രോഗിക്ക് കൊവിഡ് സ്ഥിരീകരിച്ചതിനെ തുടർന്നാണിത്. രോഗിയെ കണ്ടെത്തി കളമശേരി മെഡിക്കൽ കോളേജിൽ പ്രവേശിപ്പിച്ചു.