ആലുവ മുൻസിപ്പാലിറ്റി പൂർണമായും അടച്ചു; ആശങ്കയായി സമ്പർക്ക കേസുകൾ; ജില്ലയിൽ 20 പേർക്ക് കൂടി കൊവിഡ്

കൊച്ചി:എറണാകുളം ജില്ലയിൽ ഇന്ന് 20 പേർക്ക് കൂടി കൊവിഡ് രോഗം സ്ഥിരീകരിച്ചു. ഇതിൽ 15 പേർക്ക് സമ്പർക്കം വഴിയാണ് രോഗം സ്ഥിരീകരിച്ചത്. ഇതോടെ ജില്ലയിലെ ആശുപത്രികളിൽ കൊവിഡ് രോഗം സ്ഥിരീകരിച്ച് ചികിത്സയിൽ കഴിയുന്നവരുടെ എണ്ണം 229 ആയി. കളമശ്ശേരി മെഡിക്കൽ കോളേജിൽ 86 പേരും അങ്കമാലി അഡല്ക്സിൽ 139 പേരും ഐഎൻഎച്ച്എസ് സഞ്ജീവനിയിൽ 2 പേരും, സ്വകാര്യ ആശുപത്രിയിൽ 2 പേരും ചികിത്സയിലുണ്ട്.

ജൂൺ 27 ന് ഖത്തർ കൊച്ചി വിമാനത്തിലെത്തിയ 36 വയസ്സുള്ള കുട്ടമ്പുഴ സ്വദേശിനി, ജൂൺ 24 ന് ദുബായ് കൊച്ചി വിമാനത്തിലെത്തിയ 30 വയസ്സുള്ള വൈറ്റില സ്വദേശി, ജൂൺ 24 ന് ചെന്നെ കൊച്ചി വിമാനത്തിലെത്തിയ സ്വകാര്യ ഷിപ്പിംഗ് കമ്പനി ജീവനക്കാരനായ 51 വയസ്സുള്ള തമിഴ്നാട് സ്വദേശി, ജൂലൈ 9 ന് മുംബൈ - ഹൈദ്രബാദ് - കൊച്ചി വിമാനത്തിലെത്തിയ 41 വയസ്സുളള മഹാരാഷ്ട്ര സ്വദേശി, ജൂലൈ 8 ന് തായ് വാനിൽ നിന്നും എത്തിയ വെസ്റ്റ് ബംഗാൾ സ്വദേശിയായ 46 വയസുള്ള കപ്പൽ ജീവനക്കാരനും ഇന്ന് കൊവിഡ് സ്ഥിരീകരിച്ചു.

Also Read: ആലുവ മാർക്കറ്റ് കേന്ദ്രീകരിച്ച് 27 പേർക്ക് കൊവിഡ്; ജില്ലയിൽ ഉറവിടം കണ്ടെത്താതെ 14 രോഗികൾ!

സമ്പർക്കം വഴി രോഗം ബാധിച്ചവർ

തൃശൂർ ജില്ലയിൽ ജോലി ചെയ്തുവരുന്ന 52 വയസുള്ള ആലുവ സ്വദേശിനി, ജൂലൈ 4 ന് രോഗം സ്ഥിരീകരിച്ച തൃക്കാക്കര സ്വദേശിയുടെ 45 വയസുള്ള കുടുംബാംഗം, ജൂലൈ 7 ന് രോഗം സ്ഥിരീകരിച്ച ആലങ്ങാട് സ്വദേശിയുടെ സമ്പർക്ക പട്ടികയിലുള്ളതും ആലുവയിലുളള അദ്ദേഹത്തിൻ്റെ സ്ഥാപനത്തിലെ സഹ പ്രവർത്തകരായ 54 വയസുള്ള എടത്തല സ്വദേശി, 38 വയസ്സുള്ള വാഴക്കുളം സ്വദേശി, ആലുവയിൽ വാണിജ്യ സ്ഥാപനം നടത്തുന്ന 50 വയസുള്ള ചെങ്ങമനാട് സ്വദേശി, ആലുവയിൽ വാണിജ്യ സ്ഥാപനം നടത്തുന്ന 40 വയസുള്ള കീഴ്മാട് സ്വദേശി, ജൂലൈ 7 ന് രോഗം സ്ഥിരീകരിച്ച ചൂർണ്ണിക്കര സ്വദേശിയുടെ സമ്പർക്ക പട്ടികയിലുള്ള ആലുവ മാർക്കറ്റിലെ ചുമട്ടുതൊഴിലാളികളായ 51 വയസ്സുള്ള കടുങ്ങല്ലൂർ സ്വദേശി , 54 വയസുള്ള കരുമാല്ലൂർ സ്വദേശി, 49 വയസ്സുള്ള ശ്രീ മൂലനഗരം സ്വദേശി, 39 വയസുള്ള കീഴ്മാട് സ്വദേശി, 46 വയസുള്ള നീലീശ്വരം - മലയാറ്റൂർ സ്വദേശി, 33 വയസ്സുള്ള വടക്കേക്കര സ്വദേശി എന്നിവർക്ക് രോഗം സ്ഥിരീകരിച്ചു.

ആലുവയിലെ ഒരു സ്കൂളിൽ പ്രിൻസിപ്പാളായ 52 വയസുള്ള തൃപ്പൂണിത്തുറ സ്വദേശിനി, ഇവരുടെ 25 വയസുള്ള കുടുംബാംഗം, ജൂലൈ 7 ന് രോഗം സ്ഥിരീകരിച്ച 61 വയസുള്ള ചെല്ലാനം സ്വദേശിയുടെ അടുത്ത ബന്ധുവായ 26 വയസുള്ള ചെല്ലാനം സ്വദേശിനി എന്നിവർക്കും സമ്പർക്കം മൂലം രോഗം സ്ഥിരീകരിച്ചു.

Also Read: അച്ഛനും അമ്മയും രോഗമുക്തരായി; പോറ്റമ്മയ്ക്ക് മുത്തം നല്‍കി ഉണ്ണിക്കുട്ടന്‍ മടങ്ങുന്നു
ജില്ലയിൽ കണ്ടെയ്മെൻ്റ് സോണുകളുടെ എണ്ണവും വർധിച്ചു. ആലുവ മുൻസിപ്പാലിറ്റി പൂർണമായും അടച്ചു. കീഴ്മാട് പഞ്ചായത്തും പൂർണമായും കണ്ടെയ്മെൻ്റ് സോണാക്കി. കൊച്ചിൻ കോർപ്പറേഷൻ 65-ാം ഡിവിഷൻ, ചെങ്ങമനാട് പഞ്ചായത്തിലെ വാർഡ് 14, കരുമാലൂർ പഞ്ചായത്ത് വാർഡ് 6, തൃപ്പൂണിത്തുറ മുൻസിപ്പാലിറ്റിയിലെ ഡിവിഷൻ 35, ശ്രീമൂലനഗരം പഞ്ചായത്തിലെ വാർഡ് 4, എടത്തല പഞ്ചായത്തിലെ വാർഡ് 2, വാഴക്കുളം പഞ്ചായത്തിലെ വാർഡ് 19, നീലീശ്വരം പഞ്ചായത്തിലെ വാർഡ് 13, വടക്കേക്കര പഞ്ചായത്തിലെ വാർഡ് 15 എന്നിവയാണ് പുതിയ കണ്ടെയ്മെൻറ് സോണുകൾ.

ഇന്ന് 1028 പേരെ കൂടി ജില്ലയിൽ പുതുതായി വീടുകളിൽ നിരീക്ഷണത്തിലാക്കി. നിരീക്ഷണ കാലയളവ് അവസാനിച്ച 1468 പേരെ നിരീക്ഷണ പട്ടികയിൽ നിന്നും ഒഴിവാക്കുകയും ചെയ്തു നിരീക്ഷണത്തിൽ ഉള്ളവരുടെ ആകെ എണ്ണം 13,172 ആണ്. ഇന്ന് ജില്ലയിൽ നിന്നും റൂട്ടീൻ പരിശോധനയുടെ ഭാഗമായി 487 സാംപിളുകൾ കൂടി പരിശോധനയ്ക്ക് അയച്ചിട്ടുണ്ട്. ഇന്ന് 114 പരിശോധന ഫലങ്ങളാണ് ലഭിച്ചത്. ഇതിൽ 20 എണ്ണം പോസിറ്റീവും, ബാക്കിയെല്ലാം നെഗറ്റീവും ആണ്. ഇനി 872 ഫലങ്ങളാണ് ലഭിക്കാനുള്ളത്.

Also Read: വൃദ്ധയെ ആക്രമിച്ച് മൂന്നേമുക്കാല്‍ പവന്‍ കവര്‍ന്ന മോഷ്ടാവ് പിടിയില്‍