കൊച്ചി: എറണാകുളം എസ്ആര്എം റോഡിലെ സ്വകാര്യ ഹോട്ടലിൽ നിന്ന് 300 ഗ്രാം എംഡിഎംഎ പോലീസ് പിടികൂടി. 50 ലക്ഷത്തിന് മുകളിൽ വില വരുന്ന ലഹരി വസ്തുക്കളാണ് പിടിച്ചെടുത്തത്. എംഡിഎംഎ എത്തിച്ച വൈപ്പിൻ സ്വദേശികളായ വിനീഷ് നായർ, നവീൻ,ആദിത്യൻ,വിഷ്ണു എന്നിവരെ നോർത്ത് പോലീസ് അറസ്റ്റ് ചെയ്തു. രഹസ്യ വിവരത്തിന്റെ അടിസ്ഥാനത്തിൽ നർക്കോട്ടിക്സ് വിഭാഗവും നോർത്ത് പോലീസും ചേർന്ന് നടത്തിയ പരിശോധനയിലാണ് പ്രതികളെ പിടികൂടിയത്. വിൽപ്പന ലക്ഷ്യമിട്ടാണ് ഇതര സംസ്ഥാനത്ത് നിന്ന് അടക്കം എംഡിഎംഎ എത്തിച്ചത്.
ഒഡീഷയിൽ നിന്നും കഞ്ചാവെത്തിച്ച് ഇടനിലക്കാർക്ക് മൊത്തക്കച്ചവടം ചെയ്യുകയാണ് ഇയാളുടെ രീതി. ഒരു കിലോയ്ക്ക് ഇരുപതിനായിരത്തോളം രൂപയ്ക്കാണ് വിൽപന. വിൽപനക്കെത്തിയ ഇയാളെ പോലീസ് സംഘം അറസ്റ്റ് ചെയ്യുകയായിരുന്നു. പോലീസ് പിടികൂടുമെന്നായപ്പോൾ ഓടി രക്ഷപ്പെടാൻ ശ്രമിച്ച കഞ്ചാവ് വിൽപ്പനക്കാരനെ പോലീസ് സാഹസികമായാണ് പിടികൂടിയത്. പോലീസ് അന്വേഷണം വ്യാപിപ്പിച്ചു. ഇൻസ്പെക്ടർ വിപി സുധീഷ്, എസ്ഐ എബി സതീഷ് തുടങ്ങിയവരാണ് അന്വേഷണ സംഘത്തിലുണ്ടായിരുന്നത്.
എറണാകുളം ജില്ലയിലെ മുഴുവൻ വാര്ത്തകളും ഒറ്റ ക്ലിക്കിൽ ഇവിടെ വായിക്കാം
Read Latest Local News and Malayalam News