കൊവിഡ്-19: എറണാകുളത്ത് ആറു പേര്‍ കൂടി രോഗംഭേദമായി ആശുപത്രി വിട്ടു

കൊച്ചി: എറണാകുളത്ത് കൊവിഡ്-19 ബാധിച്ച് ചികിത്സയിലായിരുന്ന ആറ് പേര്‍കൂടി രോഗം ഭേദമായി ആശുപത്രിയിൽ വിട്ടു. ഇതിൽ സ്വകാര്യ ആശുപത്രിയിൽ ചികിത്സയിൽ ഉണ്ടായിരുന്ന ബ്രിട്ടീഷ് സ്വദേശിനിയും ഉൾപ്പെടുന്നു. ഇതോടെ എറണാകുളം ജില്ലയിൽ ചികിത്സയിൽ കഴിഞ്ഞ എല്ലാ ബ്രിട്ടീഷ് പൗരന്മാര്‍ക്കും രോഗം ഭേദമായി.

Also Read: ഡ്രോണ്‍ വന്നപ്പോള്‍ തലയില്‍ തുണിയിട്ട് ഓടി; പുറത്തിറങ്ങിയപ്പോള്‍ പോലീസ്

കണ്ണൂര്‍ സ്വദേശികളായ രണ്ട് പേരും എറണാകുളം സ്വദേശികളായ മൂന്ന് പേരും രോഗം ഭേദമായവരിൽ ഉൾപ്പെടുന്നു. മാര്‍ച്ച് 20 നാണ് 32 വയസുള്ള കണ്ണൂര്‍ സ്വദേശിക്ക് രോഗം സ്ഥിരീകരിച്ചത്. മറ്റൊരു കണ്ണൂര്‍ സ്വദേശിയായ 27 വയസുകാരന് മാര്‍ച്ച് 22 നാണ് രോഗം സ്ഥിരീകരിച്ചത്. മാര്‍ച്ച് 23 ന് രോഗം സ്ഥിരീകരിച്ച 48 വയസുള്ള എറണാകുളം സ്വദേശിയും, മാര്‍ച്ച് 25 ന് രോഗം സ്ഥിരീകരിച്ച 21, 23 വയസുള്ള എറണാകുളം സ്വദേശികളായ വിദ്യാര്‍ഥികളും ആശുപത്രി വിട്ടവരിൽ ഉള്‍പ്പെടുന്നു.

Also Read: കൊവിഡ് കാലത്ത് പ്രത്യേക സേവനങ്ങളുമായി പികെ ദാസ് ആശുപത്രി

അതേസമയം സമൂഹ വ്യാപനം സംശയിച്ച തിരുവനന്തപുരം ജില്ലയിലെ പോത്തൻകോട് ആശങ്കയൊഴിഞ്ഞു. ഇതുവരെ പരിശോധിച്ച എല്ലാ സാംപിളുകളും നെഗറ്റീവാണ്. മലപ്പുറം ജില്ലയിൽ ഇന്ന് ഒരാൾ കൂടി ആശുപത്രി വിട്ടു.

Also Read: കലാകാരന്മാർ ദുരിതത്തിൽ: അടിയന്തിര സഹായം വേണമെന്ന് ആവശ്യം