എറണാകുളത്ത് സ്ഥിതി രൂക്ഷം; ഫോർട്ട് കൊച്ചിക്ക് പിന്നാലെ മലയോര മേഖലയും കൊവിഡ് വ്യാപന ഭീഷണിയിൽ

കൊച്ചി: ഫോർട്ട് കൊച്ചിക്ക് പിന്നാലെ എറണാകുളം ജില്ലയിലെ കിഴക്കൻ മേഖലയിലും കൊവിഡ് വ്യാപനം രൂക്ഷമാകുന്നു. കോതമംഗലം, നെല്ലിക്കുഴി, കടവൂർ , കവളങ്ങാട്, വാരപ്പെട്ടി, കലൂർക്കാട് പ്രദേശങ്ങളിലായി സമ്പർക്ക രോഗികളുടെ എണ്ണം കൂടുകയാണ്. 19 കേസുകളാണ് ഇവിടങ്ങളിൽ മാത്രം റിപ്പോർട്ട് ചെയ്തത്. നെല്ലിക്കുഴിയിൽ മാത്രം 10 പേർക്ക് പോസിറ്റീവായി. ജില്ലയിലെ മലയോര പ്രദേശത്ത് കൂടി രോഗവ്യാപനത്തിൻ്റെ സൂചനയാണ് കണക്കുകൾ തെളിയിക്കുന്നത്.

Also Read: കാസര്‍കോട് അടുത്ത 14 ദിവസം അതിനിര്‍ണ്ണായകം; ഇന്ന് ഉറവിടമറിയാത്ത 11 കൊവിഡ് കേസുകള്‍, അനാവശ്യ യാത്രകള്‍ വേണ്ട!

ജില്ലയിൽ ബുധനാഴ്ച മാത്രം 120 പോസിറ്റീവ് കേസുകളാണ് റിപ്പോർട്ട് ചെയ്തത്. ഇതിൽ 88 പേർക്ക് സമ്പർക്കം വഴിയാണ് രോഗബാധയുണ്ടായത്. സമ്പര്‍ക്കം വ‍ഴി രോഗം ബാധിച്ചവരില്‍ മൂന്ന് നാവികസേനാ ഉദ്യോഗസ്ഥരും ഒരു ആരോഗ്യപ്രവര്‍ത്തകനും ഉൾപ്പെടും. പുറത്തുനിന്നെത്തിയവരില്‍ 32 പേര്‍ക്ക് രോഗം സ്ഥിരീകരിച്ചു. ഇതോടെ ജില്ലയിൽ ചികിത്സയിൽ കഴിയുന്ന കൊവിഡ് രോഗികളുടെ എണ്ണം 1219 ആയി. ഫോർട്ട് കൊച്ചി ലാർജ് ക്ലസ്റ്ററ്റിൽ ഇന്ന് മാത്രം 34 പേർക്ക് രോഗമുണ്ടായി. ഫോർട്ട് കൊച്ചിയിൽ 19 പേർക്കും മട്ടാഞ്ചേരിയിൽ എട്ട് പേർക്കും പള്ളുരുത്തിയിൽ ആറ് പേർക്കും രോഗം സ്ഥിരീകരിച്ചു.

Also Read: കോലഞ്ചേരിയില്‍ വൃദ്ധയെ പീഡിപ്പിച്ച സംഭവം; പുകയിലയും ഭക്ഷണവും നല്‍കാമെന്ന് പറഞ്ഞ് പ്രലോഭിപ്പിച്ചു, ക്രൂരത നടന്നത് ഓമനയുടെ വീട്ടില്‍

ഇന്ന് 35 പേർ രോഗ മുക്തി നേടി. 16 പേർ എറണാകുളം ജില്ലക്കാരും, 4 ആദ്ധ്രപ്രദേശുകാരും, 3 തമിഴ്നാടുകാരും, 4 മഹാരാഷ്ട്രക്കാരും, ഉത്തർപ്രദേശ്, രാജസ്ഥാൻ, കർണ്ണാടക, ബീഹാർ, ഗുജറാത്ത് എന്നിവിടങ്ങളിൽ നിന്ന് ഒന്ന് വീതവും, ഇടുക്കി, തിരുവനന്തപുരം ജില്ലകളിൽ നിന്ന് ഓരോരുത്തരും, മാലിദ്വീപിൽ നിന്നുള്ള ഒരാളും രോഗമുക്തി നേടി. 886 പേരെ കൂടി ജില്ലയിൽ പുതുതായി വീടുകളിൽ നിരീക്ഷണത്തിലാക്കി. നിരീക്ഷണ കാലയളവ് അവസാനിച്ച 245 പേരെ നിരീക്ഷണ പട്ടികയിൽ നിന്നും ഒഴിവാക്കുകയും ചെയ്തു നിരീക്ഷണത്തിൽ ഉള്ളവരുടെ ആകെ എണ്ണം 12002 ആണ്. ഇതിൽ 9385 പേർ വീടുകളിലും, 158 പേർ കൊവിഡ് കെയർ സെന്‍ററുകളിലും 1714 പേർ പണം കൊടുത്തുപയോഗിക്കാവുന്ന സ്ഥാപനങ്ങളിലുമാണ്.