പത്ത് കിലോ കഞ്ചാവുമായി കേരളത്തിലേക്ക്; അസം സ്വദേശികളായ രണ്ട് പേരെ കൈയ്യോടെ പിടിച്ച് ആലുവ പോലീസ്
ഓരോ കിലോ വീതം കഞ്ചാവ് പ്രത്യേകമായി പൊതിഞ്ഞ് ബാഗിൽ സൂക്ഷിച്ച നിലയിലാണ് പ്രതികള്‍ പെരുമ്പാവൂരില്‍ എത്തിച്ചത്. ഇവിടെ എത്തി വിൽപ്പന നടത്തുകയായിരുന്നു പ്രതികളുടെ ലക്ഷ്യം.
കൊച്ചി: അസാമിൽ നിന്ന് പത്ത് കിലോ കഞ്ചാവ് കടത്തി കൊണ്ടു വന്ന സംഭവത്തിൽ അസാം സ്വദേശികളായ രണ്ട് പേർ ആലുവ പോലീസിന്‍റെ പിടിയിൽ. അസാം മുരുഗാവ് സ്വദേശി രഹാനുദ്ദീൻ, ഒമർ ഫാറൂഖ് എന്നിവരെയാണ് ആലുവ പോലീസ് പിടികൂടിയത്. കഴിഞ്ഞ ദിവസം രാത്രി ട്രെയിനിൽ കഞ്ചാവുമായി വന്ന ഇവർ റയിൽവെ സ്റ്റേഷനിൽ നിന്ന് ടാക്സി കാർ വിളിച്ച് പെരുമ്പാവൂരിലേക്ക് പോവുകയായിരുന്നു.
പിന്നീട്, പോലീസിന് ലഭിച്ച രഹസ്യവിവരത്തെ തുടർന്ന് കാർ പിന്തുടരുകയും കുട്ടമശേരി ഭാഗത്ത് വച്ച് പോലീസ് പിടികൂടുകയും ചെയ്തു. ഓരോ കിലോ വീതം കഞ്ചാവ് പ്രത്യേകമായി പൊതിഞ്ഞ് ബാഗിൽ സൂക്ഷിച്ച നിലയിലാണ് പെരുമ്പാവൂരിലെത്തിച്ചത്. ഇവിടെ എത്തി വിൽപ്പന നടത്തുകയായിരുന്നു പ്രതികളുടെ ലക്ഷ്യം.
ഇവർ നേരത്തെ പെരുമ്പാവൂരിൽ ജോലി ചെയ്തിരുന്നവരാണ്. ഡിവൈഎസ്പി പികെ ശിവൻ കുട്ടിയുടെ നേതൃത്വത്തിൽ ഇൻസ്പെക്ടർ എംഎം മഞ്ജു ദാസ്, എസ്ഐമാരായ ജി അനൂപ്, എസ്എസ് ശ്രീലാൽ, ലിജിമോൾ, സിപിഒമാരായ മാഹിൻ ഷാ അബൂബക്കർ, മുഹമ്മദ് അമീർ, കെ.എം മനോജ് തുടങ്ങിയവരാണ് അന്വേഷണ സംഘത്തിലുള്ളത്.
2016 ല്‍ ഡീ പോള്‍ കോളജില്‍നിന്ന് ജേര്‍ണലിസത്തില്‍ ബിരുദാനന്തര ബിരുദം പൂര്‍ത്തിയാക്കിയതിനുശേഷം 2017 മുതല്‍ മാധ്യമപ്രവര്‍ത്തനം ആരംഭിച്ചു. സിപിഐ മുഖപത്രമായ ജനയുഗം ദിനപത്രത്തില്‍ സബ് എഡിറ്ററായാണ് തുടക്കം. 2017 മുതല്‍ 2019 വരെ ജനയുഗത്തിന്‍റെ ഭാഗമായി പ്രവര്‍ത്തിച്ചു. 2019 മുതല്‍ സമയം മലയാളത്തില്‍ ഡിജിറ്റല്‍ കണ്ടന്‍റ് പ്രൊഡ്യൂസറായി പ്രവര്‍ത്തിക്കുന്നു. ആറു വർഷമായി മാധ്യമരംഗത്ത് പ്രവർത്തിക്കുന്ന മേരി രാഷ്ട്രീയ, സാമൂഹ്യവിഷയങ്ങളിലും മറ്റു പൊതുവിഷയങ്ങളിലും ലേഖനങ്ങൾ എഴുതുന്നു.... കൂടുതൽ
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
