ഡിഗ്രി പ്രവേശനത്തിന് കൈക്കൂലി ചോദിച്ചത് 1.35 ലക്ഷം! കോളേജ് ക്ലാർക്ക് പിടിയിൽ, സംഭവം കൊച്ചിയിൽ

മട്ടാഞ്ചേരി: ഡിഗ്രി പ്രവേശനത്തിന് കൈക്കൂലി വാങ്ങുന്നതിനിടെ എയിഡഡ് കോളേജ് ക്ലാർക്ക് വിജിലൻസ് പിടിയിൽ. കൊച്ചിൻ കോളേജിലെ എൽഡി ക്ലാർക്ക് ബിനിഷിനെയാണ് കൈക്കൂലിയുമായി ആൻ്റി കറപ്ഷൻ വിജിലൻസ് പിടികൂടിയത്. ഒഴിഞ്ഞുകിടക്കുന്ന സർക്കാർ വക സീറ്റിൽ പ്രവേശനത്തിന് 1,35,000 രൂപയാണ് ഇയാൾ ആവശ്യപ്പെട്ടത്.

Also Read: കൊച്ചിയിലെ 'പപ്പടവട ' ഹോട്ടൽ അപ്രത്യക്ഷമായി! തർക്കം നടക്കുന്നത് സോഷ്യൽ മീഡിയയിൽ; ഫർണിച്ചർ കൊണ്ടു പോയ പ്രതികൾ അറസ്റ്റിൽ

കൊച്ചങ്ങാടി സ്വദേശി എം എം അനസ് മകൾക്ക് ബിഎ എക്കോണമിക്സിന് പ്രവേശനത്തിന് സമീപിച്ചപ്പോഴാണ് ബിനിഷ് തുക ആവശ്യപ്പെട്ടത്. വിജിലൻസ് മധ്യമേഖല സുപ്രണ്ട് ജെ ഹിമേന്ദ്രേനാഥിനെ അനസ് വിവരം അറിയിച്ചു. തുടർന്ന് വിജിലൻസ് ഒരുക്കിയ കെണിയിൽ ചൊവ്വാഴ്ച ഉച്ചയ്ക്ക് ഫോർട്ട് കൊച്ചി സൗത്ത് താമര പറമ്പിൽ വെച്ച് ബിനിഷ് കുടുങ്ങുകയായിരുന്നു. 5000 രൂപ തുകയായും 1,30,000 രൂപ ചെക്കായും കൈമാറവെയാണ് ബിനിഷിനെ പിടികൂടിയത്.

Also Read: വേലായുധൻ ചേട്ടന് 100 തികഞ്ഞു; റേഷൻ കടയ്ക്ക് 63 ഉം! ഇപ്പോഴും കടയിലുണ്ട്, ഹൈടെക്കായി...

വിജിലൻസ് ഡിവൈഎസ്പിസി എം വർഗീസും സംഘവുമാണ് പ്രതിയെ പിടികൂടിയത്. ഇൻസ്പെക്ടർ സിബിൻ ജോസഫ്, പ്രദീപ് കുമാർ, എസ്ഐമാരായ ഹരീഷ്കുമാർ, പ്രതാപ് ചന്ദ്രൻ, അജയകുമാർ എന്നിവരും സംഘത്തിലുണ്ടായിരുന്നു. പിടികൂടിയ ബിനിഷിനെ മുവാറ്റുപുഴ വിജിലൻസ് കോടതിയിൽ ഹാജരാക്കും.


എറണാകുളം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ

എറണാകുളം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ