എറണാകുളത്ത് കൊവിഡ് രോഗികൾ 3500 കടന്നു; ഐഎൻഎച്ച്എസിൽ സ്ഥിതി അതീവ ഗുരുതരം

കൊച്ചി: എറണാകുളം ജില്ലയിൽ കൊവിഡ് രോഗികളുടെ എണ്ണം 3500 കടന്നു. ശനിയാഴ്ച മാത്രം 351 പേർക്ക് രോഗം സ്ഥിരീകരിച്ചു. ഇവരിൽ 338 പേർക്കും രോഗമുണ്ടായത് സമ്പർക്കം വഴിയാണ്. 13 പേർ വിദേശത്ത് നിന്നും ഇതര സംസ്ഥാനത്ത് നിന്നും എത്തിയവരാണ്. ഇതോടെ ജില്ലയിൽ കൊവിഡ് രോഗം സ്ഥിരീകരിച്ച് ചികിത്സയിൽ കഴിയുന്നവരുടെ എണ്ണം 3580 ആയി. ഇതിൽ രോഗം സ്ഥിരീകരിച്ചു വീടുകളിൽ ചികിത്സയിൽ കഴിയുന്നവർ 1330 ആണ്.

Also Read: മുര്‍ഷിദ് തീവ്രവാദിയാണെന്ന് അറിഞ്ഞിരുന്നില്ല; ഞെട്ടല്‍ മാറാതെ പാതാളത്തെ പ്രദേശവാസികള്‍, നാട്ടുകാര്‍ പറയുന്നത് ഇങ്ങനെ...

കൊച്ചി നാവിക സേനാ ആശുപത്രിയായ ഐഎൻഎച്ച്എസിൽ സ്ഥിതി സങ്കീർണമായി തുടരുന്നു. 14 പേർക്കാണ് ഇവിടെ മാത്രം രോഗം സ്ഥിരീകരിച്ചത്. കൂടാതെ എറണാകുളം സ്വകാര്യ ആശുപത്രിയിലെ ആരോഗ്യപ്രവർത്തകരായ അഞ്ച് പേർക്കും പോസിറ്റീവായി. പശ്ചിമകൊച്ചിയിൽ രോഗികൾ വർദ്ധിക്കുകയാണ്. ഇന്ന് മാത്രം 54 കേസുകൾ റിപ്പോർട്ട് ചെയ്തു.

ഫോർട്ട് കൊച്ചിയിൽ മാത്രം 23 പേർക്കും മട്ടാഞ്ചേരിയിൽ 12 പേർക്കും പള്ളുരുത്തിയിൽ 11 പേർക്കും പോസിറ്റീവായി. അശമന്നൂർ(4), ആയവന(6), ആലപ്പുഴ (4), എടത്തല(4), എറണാകുളം(6),എളമക്കര (4),
ഏലൂർ(7), കടുങ്ങലൂർ (16), കരുമാലൂർ(7), കലൂർ(5),കീഴ്മാട് (5),കുമ്പളം (8),കുമ്പളങ്ങി(6),കൂവപ്പടി(4), ചളിക്കവട്ടം(5), ചിറ്റാറ്റുകര(4),ചൂർണിക്കര(12),ചേരാനല്ലൂർ(9),തൃക്കാക്കര (7),നോർത്ത് പറവൂർ (8),പള്ളിപ്പുറം(6), തൃപ്പുണിത്തുറ(6), പെരുമ്പാവൂർ (5), വടുതല(4),വാരപ്പെട്ടി(4), വെങ്ങോല (7),
ശ്രീമൂലനഗരം (7) എന്നിങ്ങനെ നിരവധി പോസിറ്റീവ് കേസുകൾ ജില്ലയിൽ റിപ്പോർട്ട് ചെയ്തു.

Also Read: ടിക് ടോക്കിലൂടെ പരിചയം, 16കാരിയെ കാണാന്‍ നാലംഗസംഘം പാലക്കാട്ട് നിന്നും കുമ്മനത്തേക്ക്... ഒടുവില്‍ ശരിക്കും 'ആപ്പിലായി'

ഇന്ന് 189 പേർ രോഗ മുക്തി നേടി. ഇതിൽ 185 പേർ എറണാകുളം ജില്ലക്കാരും 3 പേർ മറ്റ് ജില്ലകളിൽ നിന്നുള്ളവരും ഒരാൾ മറ്റ് സംസ്ഥാനത്ത് നിന്നുമാണ്. 816 പേരെ കൂടി ജില്ലയിൽ പുതുതായി വീടുകളിൽ നിരീക്ഷണത്തിലാക്കി. നിരീക്ഷണ കാലയളവ് അവസാനിച്ച 1835 പേരെ നിരീക്ഷണ പട്ടികയിൽ നിന്നും ഒഴിവാക്കുകയും ചെയ്തു നിരീക്ഷണത്തിൽ ഉള്ളവരുടെ ആകെ എണ്ണം 20970 ആണ്. ഇതിൽ 18778 പേർ വീടുകളിലും 127 പേർ കൊവിഡ് കെയർ സെന്‍ററുകളിലും 2065 പേർ പണം കൊടുത്തുപയോഗിക്കാവുന്ന സ്ഥാപനങ്ങളിലുമാണ്.

എറണാകുളം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ

എറണാകുളം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ