എറണാകുളം ജില്ലയില്‍ കൊവിഡ് പരിശോധനാ നിരക്ക് പുതുക്കി; ഇനിമുതല്‍ ഈടാക്കുന്നത് ഈ വിലയില്‍

എറണാകുളം: എറണാകുളം ജില്ലയിലെ സ്വകാര്യ ലാബുകളിലും ആശുപത്രികളിലും കൊവിഡ് പരിശോധന നടത്തുന്നതിനുള്ള നിരക്ക് പുനഃനിര്‍ണയിച്ചു. ഇതിന്റെ ഭാഗമായി ജില്ലാ ദുരന്ത നിവാരണ അതോറിറ്റി ചെയര്‍മാന്‍ കൂടിയായ ജില്ലാ കളക്ടര്‍ ഉത്തരവിറക്കി.

Also Read: മാർച്ച് തടഞ്ഞ് പോലീസ്; കർഷകർക്ക് നേരെ ജലപീരങ്കിയും കണ്ണീർവാതകവും

പുതുക്കിയ നിരക്ക് പ്രകാരം, ആര്‍ ടി പി സി ആര്‍ പരിശോധനക്ക് 2100 രൂപയും ട്രൂ നാറ്റ് പരിശോധനക്ക് 2100 രൂപയും ആന്റിജന്‍ പരിശോധനക്ക് 625 രൂപയും ജീന്‍ എക്‌സ്‌പെര്‍ട്ട് പരിശോധനക്ക് 2500 രൂപയും ആണ് ഈടാക്കുന്നത്. സ്വാബ്ബിങ് ചാര്‍ജ്, പി പി ഇ കിറ്റ് ചാര്‍ജ് തുടങ്ങിയവ ഉള്‍പ്പടെയാണ് ഈ തുക.

ഐ സി എം ആര്‍ അംഗീകരിച്ച എല്ലാ ആശുപത്രികളിലും സ്വകാര്യ ലാബുകളിലും ഈ തുകയ്ക്ക് കൊവിഡ് പരിശോധന നടത്താന്‍ സാധിക്കും. ഇതിന് പുറമെ മാനദണ്ഡങ്ങള്‍ പാലിച്ചു കൊണ്ട് വിമാനത്താവളം, റെയില്‍വേ സ്റ്റേഷന്‍, ബസ് സ്റ്റാന്‍ഡ്, തുടങ്ങിയ സ്ഥലങ്ങളില്‍ സ്‌ക്രീനിംഗ്, ടെസ്റ്റിംഗ്, എഡ്യൂക്കേഷന്‍, ആന്‍ഡ് പ്രിവെന്‍ഷന്‍ കയോസ്‌കുകള്‍ (സ്റ്റെപ് കയയോസ്‌ക്) തുടങ്ങാനും സാധിക്കും.

Also Read: നിവാറില്‍ വിറങ്ങലിച്ച് തമിഴ്‌നാട്; 2 മരണം, 70 ഓളം വിമാനങ്ങള്‍ റദ്ദാക്കി

കൊവിഡ് രോഗ നിര്‍ണയം വേഗത്തില്‍ നടത്താന്‍ ഇത് സഹായിക്കുമെന്നാണ് പ്രതീക്ഷിക്കുന്നത്. ഇതിനാവശ്യമായ സഹായങ്ങള്‍ക്ക് നിര്‍വഹിക്കാന്‍ ജില്ലാ മെഡിക്കല്‍ ഓഫീസറെ സമീപിക്കാം.