ആലുവ മാർക്കറ്റ് കേന്ദ്രീകരിച്ച് 27 പേർക്ക് കൊവിഡ്; ജില്ലയിൽ ഉറവിടം കണ്ടെത്താതെ 14 രോഗികൾ!

കൊച്ചി: എറണാകുളം ജില്ലയിൽ 14 രോഗികളുടെ ഉറവിടം ഇനിയും കണ്ടെത്താനുണ്ടെന്ന് ജില്ലാ കളക്ടർ എസ് സുഹാസ്. ആരോഗ്യ വകുപ്പിന്‍റെ നേതൃത്വത്തിൽ ഇവരുടെ രോഗത്തിന്റെ ഉറവിടം കണ്ടെത്താനുള്ള ശ്രമങ്ങൾ നടന്നു വരികയാണ്. ജില്ലയിലെ കൊവിഡ് ക്ലസ്റ്ററുകളായി കണ്ടെത്തിയിട്ടുള്ള സ്ഥലങ്ങളിൽ വ്യാപകമായി പരിശോധന നടത്തി വരികയാണെന്നും ജില്ല കളക്ടർ എസ് സുഹാസ് പറഞ്ഞു.

Also Read: സിപിഎമ്മില്‍ 'വെട്ടിനിരത്തല്‍'... കുന്നംകുളം പുഴയ്ക്കല്‍ ഏരിയാ കമ്മറ്റികളില്‍ 'വിഭാഗീയതയ്ക്ക്' താക്കീത്, പുഴയ്ക്കല്‍ ഏരിയാ സെക്രട്ടറിയെ മാറ്റി!

മുഖ്യമന്ത്രിയുടെ നേതൃത്വത്തിൽ നടന്ന സംസ്ഥാന തല അവലോകന യോഗത്തിലാണ് കളക്ടർ ജില്ലയിലെ അവസ്ഥ വിശദീകരിച്ചത്. എറണാകുളം മാർക്കറ്റിൽ നിലവിലെ അവസ്ഥ നിയന്ത്രണ വിധേയമാണ്. 15 പേർക്കാണ് മാർക്കറ്റ് കേന്ദ്രീകരിച്ചു രോഗം സ്ഥിരീകരിച്ചത്. ചെല്ലാനത്ത് നിലവിൽ ഒൻപതു പേരുടെ പരിശോധന ഫലം പോസിറ്റീവ് ആയിട്ടുണ്ട്. കൂടുതൽ പേരുടെ സാമ്പിളുകൾ പരിശോധനക്ക് അയച്ചിട്ടുണ്ട്. മൂന്ന് വാർഡുകൾ കേന്ദ്രീകരിച്ചാണ് പരിശോധന നടത്തുന്നത്.

Also Read: മുഖ്യമന്ത്രിക്കെതിരെയുള്ള ആരോപണം; മൗനം പാലിച്ച് കണ്ണൂരിലെ നേതാക്കൾ... പി ശശിയെ അരങ്ങിലെത്തിക്കാനും ശ്രമം?

രോഗ ലക്ഷണം ഉള്ളവരെയും പ്രാഥമിക സമ്പർക്കത്തിൽ ഉള്ളവരെയും പൂർണമായും കണ്ടെത്തി സാമ്പിളുകൾ ശേഖരിച്ചതായും കളക്ടർ അറിയിച്ചു. ആലുവ മാർക്കറ്റ് കേന്ദ്രീകരിച്ചു 27 പേർക്ക് രോഗം സ്ഥിരീകരിച്ചിട്ടുണ്ട്. 337 പേരാണ് പ്രാഥമിക സമ്പർക്ക പട്ടികയിൽ ഉള്ളത്. മുനമ്പം മേഖലയിൽ ഒരാളുടെ ഫലം മാത്രമാണ് പോസിറ്റീവ് ആയിട്ടുള്ളതെങ്കിലും പ്രാഥമിക സമ്പർക്ക പട്ടികയിൽ ഉള്ളവരുടെ എണ്ണം കൂടുതൽ ആയതിനാൽ കർശന നിരീക്ഷണം നടത്തുന്നുണ്ടെന്നും കളക്ടർ വ്യക്തമാക്കി.