എറണാകുളം(Erakulam): പിസി ജോര്‍ജിന് കനത്ത തിരിച്ചടി. വെണ്ണലയിലെ വിദ്വേഷ പ്രസംഗ കേസില്‍ പിസി ജോര്‍ജിന്റെ മുന്കൂര് ജാമ്യാപേക്ഷ കോടതി തള്ളി. എറണാകുളം ജില്ലാ സെഷന്‍സ് കോടതിയുടേതാണ് നടപടി. രാഷ്ട്രീയമായ ഗൂഢലക്ഷ്യത്തോടെയാണ് സംസ്ഥാന സര്‍ക്കാര്‍ തനിക്കെതിരെ കേസെടുത്തിരിക്കുന്നത് എന്നായിരുന്നു പിസി ജോര്‍ജിന്റെ നിലപാട്. എന്നാല്‍ ഈ വാദം കോടതി തള്ളുകയായിരുന്നു.
വെണ്ണലയില്‍ നടത്തിയ മതവിദ്വേഷ പ്രസംഗത്തിന്റെ പേരിലാണ് പിസി ജോര്‍ജിന്റെ പേരില്‍ ജാമ്യമില്ലാ വകുപ്പുകള്‍ ചുമത്തി കേസെടുത്തത്. പ്രസംഗത്തിന്റെ ശബ്ദരേഖ പരിശോധിച്ചായിരുന്നു നടപടി. കേസില്‍ കുറ്റക്കാരനാണെന്ന് കണ്ടെത്തിയാല്‍ 3 വര്‍ഷം വരെ തടവുശിക്ഷ ലഭിച്ചേക്കാം. വെണ്ണല മഹാദേവ ക്ഷേത്രത്തിലെ സപ്താഹ യജ്ഞ സമാപന പരിപാടിയിലായിരുന്നു വിവാദ പ്രസംഗം നടത്തിയത്.
തിരുവനന്തപുരം കിഴക്കേക്കോട്ടയില്‍ നടത്തിയ വിവാദ പ്രസംഗത്തെ തുടര്‍ന്ന് പിസി ജോര്‍ജിനെ അറസ്റ്റ് ചെയ്യുകയും പിന്നീട് കോടതി ജാമ്യം അനുവദിക്കുകയുമായിരുന്നു. ഇതിന് പിന്നാലെയാണ് വീണ്ടും വര്‍ഗീയ പരാമര്‍ശം നടത്തിയത്. കഴിഞ്ഞ ദിവസം കേസ് പരിഗണിക്കുമ്പോള്‍ സമാനമായ കുറ്റകൃത്യം ആവര്‍ത്തിക്കരുതെന്ന് തിരുവനന്തപുരം കോടതി നിര്‍ദ്ദേശിച്ചിരുന്നു. മുന്കൂര് ജാമ്യാപേക്ഷ തള്ളിയ സാഹചര്യത്തില്‍ പിസി ജോര്‍ജിനെ ഉടന്‍ അറസ്റ്റ് ചെയ്യാനും സാധ്യതയുണ്ട്.
Topic: Ernakulam, PC George, PC George bail application
വെണ്ണലയില്‍ നടത്തിയ മതവിദ്വേഷ പ്രസംഗത്തിന്റെ പേരിലാണ് പിസി ജോര്‍ജിന്റെ പേരില്‍ ജാമ്യമില്ലാ വകുപ്പുകള്‍ ചുമത്തി കേസെടുത്തത്. പ്രസംഗത്തിന്റെ ശബ്ദരേഖ പരിശോധിച്ചായിരുന്നു നടപടി. കേസില്‍ കുറ്റക്കാരനാണെന്ന് കണ്ടെത്തിയാല്‍ 3 വര്‍ഷം വരെ തടവുശിക്ഷ ലഭിച്ചേക്കാം. വെണ്ണല മഹാദേവ ക്ഷേത്രത്തിലെ സപ്താഹ യജ്ഞ സമാപന പരിപാടിയിലായിരുന്നു വിവാദ പ്രസംഗം നടത്തിയത്.
തിരുവനന്തപുരം കിഴക്കേക്കോട്ടയില്‍ നടത്തിയ വിവാദ പ്രസംഗത്തെ തുടര്‍ന്ന് പിസി ജോര്‍ജിനെ അറസ്റ്റ് ചെയ്യുകയും പിന്നീട് കോടതി ജാമ്യം അനുവദിക്കുകയുമായിരുന്നു. ഇതിന് പിന്നാലെയാണ് വീണ്ടും വര്‍ഗീയ പരാമര്‍ശം നടത്തിയത്. കഴിഞ്ഞ ദിവസം കേസ് പരിഗണിക്കുമ്പോള്‍ സമാനമായ കുറ്റകൃത്യം ആവര്‍ത്തിക്കരുതെന്ന് തിരുവനന്തപുരം കോടതി നിര്‍ദ്ദേശിച്ചിരുന്നു. മുന്കൂര് ജാമ്യാപേക്ഷ തള്ളിയ സാഹചര്യത്തില്‍ പിസി ജോര്‍ജിനെ ഉടന്‍ അറസ്റ്റ് ചെയ്യാനും സാധ്യതയുണ്ട്.
Topic: Ernakulam, PC George, PC George bail application