Life Mission Ernakulam: നെല്ലിക്കുഴിയില്‍ 42 കുടുംബങ്ങൾക്ക് കൂടി സ്വന്തമായി കിടപ്പാടം; 43 സെന്‍റില്‍ ഫ്ലാറ്റ്; ലൈഫില്‍ മുന്നില്‍ എറണാകുളം ജില്ല

കൊച്ചി: എറണാകുളം ജില്ലയിൽ കോതമംഗലം നെല്ലിക്കുഴിയിൽ 42 കുടുംബങ്ങൾക്ക് കൂടി സംസ്ഥാന സർക്കാരിന്‍റെ ലൈഫ് പദ്ധതി വഴി വീട് ഒരുങ്ങുന്നു. ജില്ലയിലെ ആറാമത്തെ ലൈഫ്‌ ഫ്ലാറ്റ്‌ സമുച്ചയമാണ് നെല്ലിക്കുഴിയിൽ ഒരുങ്ങുന്നത്. സമുച്ചയത്തിന്‍റെ ശിലാസ്ഥാപനം മന്ത്രി പി രാജീവ് നിർവഹിച്ചു. വരുന്ന ഒരു വർഷത്തിനുള്ളിൽ ഫ്ലാറ്റുകളുടെ നിർമാണം പൂർത്തിയാക്കാനാണ് തീരുമാനം. നിരവധി പ്രതിഷേധങ്ങൾക്ക് ഒടുവിലാണ് ഫ്ലാറ്റ് സമുച്ഛയത്തിന്‍റെ നിർമാണം ആരംഭിക്കുന്നത്.

Also Read: Migrant Workers in Pathanamthitta: ഭാഷ ഏതായാലും കുഴപ്പമില്ല; അന്യസംസ്ഥാന തൊഴിലാളികളോട് അവരുടെ ഭാഷയില്‍ സംവദിക്കാന്‍ കേരള പോലീസ്രണ്ട് ബ്ലോക്കുകളിൽ മൂന്നുനിലകളായാണ് ഫ്ലാറ്റുകൾ നിർമിക്കുന്നത്. നെല്ലിക്കുഴി സ്വദേശി സമീർ പൂക്കുഴി ചെറുവട്ടൂർ ആശാൻപടിയിൽ സൗജന്യമായി നൽകിയ 43 സെന്‍റിലാണ് ഫ്ലാറ്റ് സമുച്ചയത്തിന് തുടക്കം കുറിച്ചിരിക്കുന്നത്. ആദ്യ ബ്ലോക്കിൽ 24 ഫ്ലാറ്റുകൾ സർക്കാർ നിർമിക്കും. ഇതിനായി 3.79 കോടി രൂപയാണ് അനുവദിച്ചിട്ടുള്ളത്. രണ്ടാമത്തെ ബ്ലോക്കിൽ 18 ഫ്ലാറ്റുകളാണ് നിർമ്മിക്കുക. അതേസമയം, നെല്ലിക്കുഴി ഉൾക്കൊള്ളുന്ന ഇരമല്ലൂർ വില്ലേജിലെ ഫെയർവാല്യൂ പ്രശ്നങ്ങൾ പരമാവധി വേഗത്തിൽ പരിഹരിക്കുമെന്നും ഇതിന് കളക്ടറെ ചുമതലപ്പെടുത്തിയിട്ടുണ്ടെന്നും മന്ത്രി പി രാജീവ് അറിയിച്ചു.


എറണാകുളം ജില്ലയിലെ മുഴുവൻ വാ‍ര്‍ത്തകളും ഒറ്റ ക്ലിക്കിൽ ഇവിടെ വായിക്കാം

കഴിഞ്ഞദിവസമാണ് തോപ്പുംപടി മുണ്ടംവേലിയിൽ ജിസിഡിഎ ലൈഫ്‌ മിഷനുമായി സഹകരിച്ച്‌ പി ആൻഡ് ടി കോളനി നിവാസികൾക്ക് 82 ഫ്ലാറ്റുകളുടെ സമുച്ചയം ‌നിർമിച്ച് നൽകിയത്‌. ഇവ കൂടാതെ
ആലുവ കീഴ്‌മാട്‌ പഞ്ചായത്തിൽ 12 കുടുംബങ്ങൾക്കുള്ള ഫ്ലാറ്റ്‌ സമുച്ചയം നിർമിച്ച് നൽകിയിരുന്നു. അയ്യമ്പുഴയിൽ 44 കുടുംബങ്ങൾക്കും കൂത്താട്ടുകുളത്ത്‌ 36 കുടുംബങ്ങൾക്കുമുള്ള ഫ്ലാറ്റ്‌ നിർമാണത്തിനും നിലവിൽ തുടക്കമിട്ടിട്ടുണ്ട്. ഒപ്പം ഏലൂർ മുനിസിപ്പാലിറ്റിയിൽ 90 കുടുംബങ്ങൾക്കുള്ള ഫ്ലാറ്റ്‌ പദ്ധതിയുടെ വിശദമായ പദ്ധതിരേഖ തയ്യാറാക്കി വരികയാണ്‌. അതേസമയം, കൊച്ചി കോർപറേഷന്‍റെ പദ്ധതിയിൽ ഉൾപ്പെടുത്തിയുള്ള ഫോർട്ട്‌ കൊച്ചി തുരുത്തിയിൽ 396 കുടുംബങ്ങൾക്കായുള്ള ഫ്ലാറ്റിന്‍റെ നിർമാണവും പുരോഗമിക്കുന്നുണ്ട്. ജില്ലയിൽ ഇതുവരെ ലൈഫ് പദ്ധതി വഴി തയ്യാറാക്കിയ ഫ്ലാറ്റുകളുടെയും വീടുകളുടെയും എണ്ണം 10,088 ആണ്.

Also Read: Manaveeyam Veedhi Trivandrum: രാവും പകലും ആഘോഷിക്കാൻ ഒരിടം, തിരുവനന്തപുരം നഗരത്തിലേക്ക് പോരൂ; കേരളത്തിലെ ആദ്യ നൈറ്റ് ലൈഫ് സെന്‍റർ

Read Latest Local News and Malayalam News