കൊച്ചി: ആലുവ മാർത്താണ്ഡവർമ്മ പാലത്തിൽ നിന്നും മകൾക്കൊപ്പം പുഴയിൽ ചാടിയ പിതാവിൻ്റെ മൃതദേഹം കണ്ടെത്തി. ചെങ്ങമനാട് പുതുവാശേരി മല്ലിശേരി പറമ്പിൽ സ്വദേശി ലൈജുവിൻ്റെ (36) മൃതദേഹമാണ് കണ്ടെത്തിയത്. ആറു വയസുകാരിയായ മകൾ ആര്യനന്ദയുടെ മൃതദേഹവും കണ്ടെത്തി. പ്രദേശവാസികൾ നടത്തിയ തെരച്ചിലിലാണ് കുട്ടിയുടെ ശരീരം ലഭിച്ചത്.
ഇന്ന് രാവിലെ എട്ടരയോടെയാണ് ലൈജു മകൾക്കൊപ്പം വീട്ടിൽ നിന്നും ഇറങ്ങിയത്. സാമ്പത്തിക ബുദ്ധിമുട്ടിനെ തുടർന്നാണ് ലൈജു ജീവനൊടുക്കിയതെന്നാണ് പ്രാഥമിക നിഗമനം. ഇങ്ങനെ മുന്നോട്ട് പോകാൻ സാധിക്കില്ലെന്നും താനും മകളും മരിക്കുകയാണെന്നുമുള്ള സന്ദേശം കുടുംബാംഗങ്ങൾ ഉൾപ്പെടുന്ന വാട്ട്സാപ്പ് ഗ്രൂപ്പിൽ പങ്കുവച്ച ശേഷമാണ് ലൈജു മകളുമായി പുഴയിൽ ചാടിയത്.
സന്ദേശത്തിന് പിന്നാലെ ബന്ധുക്കൾ ലൈജുവിനായി തെരച്ചിൽ നടത്തിയെങ്കിലും കണ്ടെത്താനായില്ല. ഇതിനിടെ ആലുവ മാർത്താണ്ഡവർമ്മ പാലത്തിന് സമീപത്ത് നിന്നും ലൈജുവിൻ്റെ ബൈക്ക് കണ്ടെത്തി. രണ്ട് പേർ പുഴയിലേക്ക് ചാടുന്നത് ശ്രദ്ധയിൽപ്പെട്ടതായി സമീപവാസികൾ പോലീസിനെയും ബന്ധുക്കളെയും അറിയിച്ചതോടെയാണ് രാവിലെ പത്ത് മണിയോടെ പുഴയിൽ പരിശോധന ആരംഭിച്ചത്. വൈകിട്ടോടെയാണ് ലൈജുവിൻ്റെ മൃതദേഹം ഫയർഫോഴസിന്റെ സ്കൂബ ടീം കണ്ടെത്തിയത്.
ലൈജുവിന് സാമ്പത്തിക ബുദ്ധിമുട്ട് ഉണ്ടായിരുന്നുവെങ്കിലും ജീവനൊടുക്കാൻ കാരണമായ എന്തെങ്കിലും പ്രശ്നം പെട്ടെന്ന് ഉണ്ടായോ എന്ന് പോലീസ് പരിശോധിക്കുന്നുണ്ട്. ലൈജുവിൻ്റെ ഭാര്യ വിദേശത്താണ്. ആലുവ സെൻ്റ് ഫ്രാൻസിസ് സ്കൂളിൽ ഒന്നാം ക്ലാസ് വിദ്യാർത്ഥിനിയായ ആര്യനന്ദ ലൈജുവിൻ്റെ രണ്ടാമത്തെ മകളാണ്.
Read Latest Local News and Malayalam News
ഇന്ന് രാവിലെ എട്ടരയോടെയാണ് ലൈജു മകൾക്കൊപ്പം വീട്ടിൽ നിന്നും ഇറങ്ങിയത്. സാമ്പത്തിക ബുദ്ധിമുട്ടിനെ തുടർന്നാണ് ലൈജു ജീവനൊടുക്കിയതെന്നാണ് പ്രാഥമിക നിഗമനം. ഇങ്ങനെ മുന്നോട്ട് പോകാൻ സാധിക്കില്ലെന്നും താനും മകളും മരിക്കുകയാണെന്നുമുള്ള സന്ദേശം കുടുംബാംഗങ്ങൾ ഉൾപ്പെടുന്ന വാട്ട്സാപ്പ് ഗ്രൂപ്പിൽ പങ്കുവച്ച ശേഷമാണ് ലൈജു മകളുമായി പുഴയിൽ ചാടിയത്.
സന്ദേശത്തിന് പിന്നാലെ ബന്ധുക്കൾ ലൈജുവിനായി തെരച്ചിൽ നടത്തിയെങ്കിലും കണ്ടെത്താനായില്ല. ഇതിനിടെ ആലുവ മാർത്താണ്ഡവർമ്മ പാലത്തിന് സമീപത്ത് നിന്നും ലൈജുവിൻ്റെ ബൈക്ക് കണ്ടെത്തി. രണ്ട് പേർ പുഴയിലേക്ക് ചാടുന്നത് ശ്രദ്ധയിൽപ്പെട്ടതായി സമീപവാസികൾ പോലീസിനെയും ബന്ധുക്കളെയും അറിയിച്ചതോടെയാണ് രാവിലെ പത്ത് മണിയോടെ പുഴയിൽ പരിശോധന ആരംഭിച്ചത്. വൈകിട്ടോടെയാണ് ലൈജുവിൻ്റെ മൃതദേഹം ഫയർഫോഴസിന്റെ സ്കൂബ ടീം കണ്ടെത്തിയത്.
ലൈജുവിന് സാമ്പത്തിക ബുദ്ധിമുട്ട് ഉണ്ടായിരുന്നുവെങ്കിലും ജീവനൊടുക്കാൻ കാരണമായ എന്തെങ്കിലും പ്രശ്നം പെട്ടെന്ന് ഉണ്ടായോ എന്ന് പോലീസ് പരിശോധിക്കുന്നുണ്ട്. ലൈജുവിൻ്റെ ഭാര്യ വിദേശത്താണ്. ആലുവ സെൻ്റ് ഫ്രാൻസിസ് സ്കൂളിൽ ഒന്നാം ക്ലാസ് വിദ്യാർത്ഥിനിയായ ആര്യനന്ദ ലൈജുവിൻ്റെ രണ്ടാമത്തെ മകളാണ്.
Read Latest Local News and Malayalam News