ഫ്ലാറ്റിൽ നിന്ന് വീണ് പരിക്കേറ്റ് ചികിത്സയിലായിരുന്ന വീട്ടുജോലിക്കാരി മരിച്ചു

കൊച്ചി: ഫ്ലാറ്റിൽ നിന്ന് വീണു പരുക്കേറ്റ വീട്ടുജോലികാരി മരിച്ചു. തമിഴ്നാട് സേലം സ്വദേശിനി കുമാരി (55)യാണ് മരിച്ചത്. ഗുരുതരാവസ്ഥയിൽ കൊച്ചിയിലെ സ്വകാര്യ ആശുപത്രിയിൽ കഴിഞ്ഞിരുന്ന സ്ത്രീ ഇന്ന് പുലർച്ചെയാണ് മരിച്ചത്. സംഭവത്തിൽ ഫ്ലാറ്റ് ഉടമയ്ക്കെതിരെ പൊലീസ് കേസെടുത്തിരുന്നു.

ഏഴ് ദിവസം മുമ്പാണ് എറണാകുളം മറൈന്‍ ഡ്രെവിനു സമീപമുള്ള ലിങ്ക് ഹൊറൈസൺ എന്ന ഫ്ലാറ്റിലെ 6ആം നിലയില്‍ നിന്നും തമി‍ഴ്‍നാട് സ്വദേശി കുമാരി വീണത്. സംഭവത്തിന് മുമ്പ് ഒരാ‍ഴ്ച്ചയായി ഫ്ലാറ്റുടമയായ ഇംതിയാസ് അഹമ്മദിന്‍റെ വീട്ടിൽ ജോലി ചെയ്ത് വരികയായിരുന്നു ഇവര്‍. ശനിയാ‍ഴ് പുലര്‍ച്ചെയാണ് ഫ്ലാറ്റില്‍ നിന്ന് രക്ഷപ്പെടാന്‍ ശ്രമിച്ചത്. സാരി താഴേക്ക് കെട്ടിത്തൂക്കിയിട്ട് രക്ഷപ്പെടാന്‍ ശ്രമിക്കുന്നതിനിടെയാണ് അപകടം ഉണ്ടായതെന്നാണ് പൊലീസിന്‍റെ നിഗമനം.

Also Read: നായയെ കെട്ടിവലിക്കാനുപയോഗിച്ച കാർ കസ്റ്റഡിയില്‍; പെർമിറ്റും ഡ്രൈവറുടെ ലൈസൻസും റദ്ദാക്കാൻ ശുപാർശ, പോലീസിന് അഭിനന്ദനവുമായി മനേക ഗാന്ധി

ദുരൂഹമായ എന്തെങ്കിലും ഫ്ലാറ്റില്‍ നടന്നിട്ടുണ്ടോ അതല്ല മറ്റെന്തെങ്കിലും കാരണങ്ങളാണോ സാരികെട്ടി താ‍ഴേക്കിറഞ്ഞാന്‍ പ്രേരിപ്പിച്ചത് എന്നടക്കമുള്ള വിവരങ്ങള്‍ പൊലീസ് അന്വേഷിച്ചു വരികയായിരുന്നു. തലയ്ക്കും കാലിനും പരിക്കേറ്റ് ഗുരുതരാവസ്ഥയിൽ ആയതിനാൽ പൊലീസിന് ഇവരിൽ നിന്നും മൊഴിയെടുക്കാനും കഴിഞ്ഞില്ല.

Also Read: തെരഞ്ഞെടുപ്പില്‍ പെട്ടത് പോലീസുകാര്‍; കൂട്ടത്തോടെ കൊവിഡ്, ക്വാറന്റൈന്‍ ഇല്ലെന്നും പരാതി

മരിച്ച സ്ത്രീയുടെ ഭർത്താവ് കൊച്ചിയിൽ എത്തിയിരുന്നു. പൊലീസ് ഫ്ലാറ്റ് ഉടമ ഇംതിയാസ് അഹമ്മദിനെതിരെ കേസെടുത്തിട്ടുണ്ട്. ഇയാൾക്കെതിരെ തൊട്ടടുത്ത ചില താമസക്കാർ കഴിഞ്ഞ ദിവസം ആരോപണവുമായി മാധ്യമങ്ങളിൽ രംഗത്ത് വന്നിരുന്നു.