എറണാകുളം: ടോക്യോ ഒളിമ്പിക്‌സിലെ വെങ്കല മെഡല്‍ തിളക്കവുമായി നാട്ടിലെത്തിയ ഇന്ത്യന്‍ ഹോക്കി താരം പി ആര്‍ ശ്രീജേഷിന് ജന്മനാട്ടില്‍ ആവേശോജ്വല സ്വീകരണം. നെടുമ്പാശേരി വിമാനത്താവളത്തില്‍ കായിക വകുപ്പ് മന്ത്രി വി അബ്ദുറഹ്മാന്‍ കായിക താരത്തെ പൊന്നാട അണിയിച്ച് സ്വീകരിച്ചു. ചൊവ്വാഴ്ച വൈകീട്ട് 5.30 ന് ആഭ്യന്തര ടെര്‍മിനല്‍ എത്തിയ കായികതാരത്തെ സ്വീകരിക്കാന്‍ സംസ്ഥാന സ്‌പോര്‍ട്‌സ് കൗണ്‍സില്‍ പ്രസിഡൻ്റ് മേഴ്‌സിക്കുട്ടന്‍, പി വി ശ്രീനിജന്‍ എംഎല്‍എ, അന്‍വര്‍ സാദത്ത് എംഎല്‍എ, ജില്ലാ കളക്ടര്‍ ജാഫര്‍ മലിക്ക്, ഒളിമ്പിക് അസോസിയേഷൻ ഭാരവാഹികളും എത്തിയിരുന്നു.
രാജ്യത്തിന് അഭിമാനമായി മാറിയ താരത്തെ സ്വീകരിക്കാൻ അദ്ദേഹത്തിൻ്റെ കുടുംബവും വിമാനത്താവളത്തിൽ എത്തിയിരുന്നു. മാതാപിതാക്കളായ പി വി രവീന്ദ്രന്‍, ഉഷാകുമാരി, ഭാര്യ ഡോ. പി കെ അനീഷ്യ മകളായ അനുശ്രീ, ശ്രീഅന്‍ഷ് എന്നിവരും അഭിമാന നിമിഷങ്ങളില്‍ പങ്കാളികളായി. കുടുംബത്തെ ആശ്ലേഷിച്ച താരം ഒളിമ്പിക്‌സ് മെഡല്‍ തൻ്റെ പിതാവിനെ അണിയിച്ചു. വൈകാരിക നിമിഷങ്ങളില്‍ പിതാവ് തിരികെ മെഡല്‍ ശ്രീജേഷിൻ്റെ കഴുത്തില്‍ അണിയിച്ചു.
വിമാനത്താവളത്തിന് പുറത്ത് കായിക പ്രേമികളും കായിക താരങ്ങളും വിവിധ കായിക സംഘടനാ ഭാരവാഹികളും ഉള്‍പ്പെടെയുള്ളവർ ആവേശോജ്വല സ്വീകരണമാണ് നല്‍കിയത്. സംസ്ഥാന ഒളിമ്പിക്‌സ് അസോസിയേഷന്‍ ഭാരവാഹികള്‍, വിവിധ ജില്ലകളില്‍ നിന്നുമുള്ള ഹോക്കി കായിക താരങ്ങള്‍ എന്നിവര്‍ താരത്തിന് ഉജ്ജ്വല വരവേല്‍പ്പ് നല്‍കി. ഹോക്കി താരങ്ങളായ കുട്ടികൾ സ്റ്റിക്കുമായി ശ്രീജേഷിനെ സ്വീകരിച്ചു. വാദ്യമേളവും ചെണ്ടവാദ്യവും നിറഞ്ഞ ആരവത്തിൽ സംസ്ഥാന സര്‍ക്കാര്‍ ഒരുക്കിയ തുറന്ന വാഹനത്തിലാണ് ശ്രീജേഷ് ജന്മനാടായ കിഴക്കമ്പലത്ത് എത്തിയത്.
വിമാനത്താവളത്തിൽ നിന്നും തുറന്ന വാഹനത്തിൽ യാത്ര ചെയ്ത ശ്രീജേഷിന് കാലടി , പെരുമ്പാവൂർ, പോഞ്ഞാശ്ശേരി, തുടങ്ങി കിഴക്കമ്പലം എരുമേലി വരെ റോഡിനിരുവശവും അഭിനന്ദന പ്രവാഹവുമായി ആളുകൾ കാത്തു നിന്നിരുന്നു. കിഴക്കമ്പലത്തെ വീട്ടിൽ ഊഷ്മളമായ സ്വീകരണമാണ് നാട്ടുകാർ ഒരുക്കിയിരുന്നത്. പടക്കം പൊട്ടിച്ചും മധുരം വിതരണം ചെയ്തും അവർ ശ്രീജേഷിന്റെ ചരിത്രനേട്ടം ആഘോഷമാക്കി.
എറണാകുളം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ
എറണാകുളം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ
രാജ്യത്തിന് അഭിമാനമായി മാറിയ താരത്തെ സ്വീകരിക്കാൻ അദ്ദേഹത്തിൻ്റെ കുടുംബവും വിമാനത്താവളത്തിൽ എത്തിയിരുന്നു. മാതാപിതാക്കളായ പി വി രവീന്ദ്രന്‍, ഉഷാകുമാരി, ഭാര്യ ഡോ. പി കെ അനീഷ്യ മകളായ അനുശ്രീ, ശ്രീഅന്‍ഷ് എന്നിവരും അഭിമാന നിമിഷങ്ങളില്‍ പങ്കാളികളായി. കുടുംബത്തെ ആശ്ലേഷിച്ച താരം ഒളിമ്പിക്‌സ് മെഡല്‍ തൻ്റെ പിതാവിനെ അണിയിച്ചു. വൈകാരിക നിമിഷങ്ങളില്‍ പിതാവ് തിരികെ മെഡല്‍ ശ്രീജേഷിൻ്റെ കഴുത്തില്‍ അണിയിച്ചു.
വിമാനത്താവളത്തിന് പുറത്ത് കായിക പ്രേമികളും കായിക താരങ്ങളും വിവിധ കായിക സംഘടനാ ഭാരവാഹികളും ഉള്‍പ്പെടെയുള്ളവർ ആവേശോജ്വല സ്വീകരണമാണ് നല്‍കിയത്. സംസ്ഥാന ഒളിമ്പിക്‌സ് അസോസിയേഷന്‍ ഭാരവാഹികള്‍, വിവിധ ജില്ലകളില്‍ നിന്നുമുള്ള ഹോക്കി കായിക താരങ്ങള്‍ എന്നിവര്‍ താരത്തിന് ഉജ്ജ്വല വരവേല്‍പ്പ് നല്‍കി. ഹോക്കി താരങ്ങളായ കുട്ടികൾ സ്റ്റിക്കുമായി ശ്രീജേഷിനെ സ്വീകരിച്ചു. വാദ്യമേളവും ചെണ്ടവാദ്യവും നിറഞ്ഞ ആരവത്തിൽ സംസ്ഥാന സര്‍ക്കാര്‍ ഒരുക്കിയ തുറന്ന വാഹനത്തിലാണ് ശ്രീജേഷ് ജന്മനാടായ കിഴക്കമ്പലത്ത് എത്തിയത്.
വിമാനത്താവളത്തിൽ നിന്നും തുറന്ന വാഹനത്തിൽ യാത്ര ചെയ്ത ശ്രീജേഷിന് കാലടി , പെരുമ്പാവൂർ, പോഞ്ഞാശ്ശേരി, തുടങ്ങി കിഴക്കമ്പലം എരുമേലി വരെ റോഡിനിരുവശവും അഭിനന്ദന പ്രവാഹവുമായി ആളുകൾ കാത്തു നിന്നിരുന്നു. കിഴക്കമ്പലത്തെ വീട്ടിൽ ഊഷ്മളമായ സ്വീകരണമാണ് നാട്ടുകാർ ഒരുക്കിയിരുന്നത്. പടക്കം പൊട്ടിച്ചും മധുരം വിതരണം ചെയ്തും അവർ ശ്രീജേഷിന്റെ ചരിത്രനേട്ടം ആഘോഷമാക്കി.
എറണാകുളം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ
എറണാകുളം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ