ഒറ്റ ചാര്‍ജിങ്ങില്‍ 300 കിലോമീറ്ററോളം സഞ്ചരിക്കാം; ഇലക്ട്രിക് വാഹനങ്ങൾ സ്വന്തമാക്കി മോട്ടോർ വാഹന വകുപ്പ്

കൊച്ചി: ഗതാഗത നിയമ പാലനങ്ങള്‍ക്കൊപ്പം പ്രകൃതി സംരക്ഷണവും ശീലമാക്കുന്നതിന് മുന്നോടിയായി ഇലക്ട്രിക് വാഹനങ്ങളുടെ ഉപയോഗത്തിലേക്ക് കടക്കുകയാണ് മോട്ടോര്‍ വാഹന വകുപ്പ്. മോട്ടോര്‍ വാഹന വകുപ്പിൻ്റെ സേഫ് കേരള പദ്ധതിയുടെ ഭാഗമായി നിരീക്ഷണം ശക്തമാക്കാൻ നാല് ഇലക്ട്രിക് വാഹനങ്ങള്‍ ജില്ലയിൽ വാടകക്കെടുത്തു. വാഹനങ്ങള്‍ ജില്ലാ കളക്ടര്‍ എസ് സുഹാസ് മോട്ടോര്‍ വാഹന വകുപ്പ് ഉദ്യോഗസ്ഥര്‍ക്ക് കൈമാറി. നാല് വാഹനങ്ങളാണ് കളക്ടര്‍ കൈമാറിയത്.Also Read: തദ്ദേശ തെരഞ്ഞെടുപ്പ്; നാമനിർദ്ദേശ പത്രിക വിതരണം ആരംഭിച്ചു, പത്രികാ സമർപ്പണ സമയത്ത് എന്തൊക്കെ ശ്രദ്ധിക്കണം, വിശദമായി അറിയാം...

ഇലക്ട്രിക് വാഹനങ്ങളുടെ ഉപയോഗം പ്രോത്സാഹിപ്പിക്കുന്നതിൻ്റെ ഭാഗമായാണ് സംസ്ഥാന മോട്ടോര്‍ വാഹന വകുപ്പ് അനര്‍ട്ടിനു കീഴിലുള്ള എനര്‍ജി എഫിഷ്യൻസി സര്‍വീസസില്‍ നിന്നും 65 ഇലക്ട്രിക് വാഹനങ്ങള്‍ വാടകക്കെടുത്തത്. എട്ടു വര്‍ഷത്തേക്കാണ് വാഹനങ്ങള്‍ വാടകക്കെടുത്തിരിക്കുന്നത്. എല്ലാ ജില്ലകളിലേക്കും ഈ വാഹനങ്ങള്‍ കൈമാറും.Also Read: 'ഴ' അല്ല 'ള ' മലയാളം പഠിപ്പിക്കാൻ സുനിൽ മാഷുണ്ട്; ഐഎഎസുകാരുടെ ഗുരുവിനെ പരിചയപ്പെടാം

സുരക്ഷിതമായ ഡ്രൈവിങ്ങ് പ്രോത്സാഹിപ്പിക്കാനും ഗതാഗത നിയമലംഘനങ്ങള്‍ പരമാവധി കുറച്ച് റോഡപകടങ്ങള്‍ കുറക്കാനുമുള്ള മോട്ടോര്‍ വാഹന വകുപ്പിൻ്റെ പദ്ധതിയാണ് സേഫ് കേരള. ഒറ്റ ചാര്‍ജിങ്ങില്‍ മുന്നൂറ് കിലോമീറ്ററോളം ദൂരം ഈ വാഹനത്തില്‍ സഞ്ചരിക്കാൻ സാധിക്കുമെന്നാണ് വാഹനത്തിൻ്റെ നിര്‍മാതാക്കള്‍ പറയുന്നത്. വാഹനങ്ങള്‍ കൈമാറുന്ന ചടങ്ങില്‍ ഡെപ്യൂട്ടി ട്രാൻസ്പോര്‍ട്ട് കമ്മീഷണര്‍ റെജി വര്‍ഗീസ്, എറണാകുളം ആര്‍ടിഒ ബാബു ജോണ്‍, എൻഫോഴ്സ്മെൻറ് ആര്‍ടിഒ ഷാജി മാധവൻ തുടങ്ങിയവര്‍ പങ്കെടുത്തു.എറണാകുളം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂഎറണാകുളം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ