കൊച്ചി: കൊച്ചി വാട്ടർ മെട്രോയുടെ സൗത്ത് ചിറ്റൂരിലേക്കുള്ള സർവീസ് അടുത്ത മാസം ആരംഭിക്കും. ഹൈക്കോടതി ജെട്ടിയിൽനിന്ന്‌ ആരംഭിച്ച്‌ ബോൾഗാട്ടിയിൽ എത്തി താന്തോണി തുരുത്ത്‌, പൊന്നാരിമംഗലം, മുളവുകാട്‌, കുറുങ്കോട്ട, വടുതല എന്നിവിടങ്ങളിലൂടെ സൗത്ത് ചിറ്റൂരിലേക്ക് എത്തുന്നതാണ്‌ സർവീസ്. ഇതോടെ കൊച്ചി വാട്ടർ മെട്രോ സർവീസ് നടത്തുന്ന റൂട്ടുകളുടെ എണ്ണം നാലാകും.
അതേസമയം കൂടുതൽ ബോട്ടുകൾ എത്തുന്നതോടെ കൂടുതൽ സർവീസും ആരംഭിക്കാനാണ് കെഡബ്യൂഎംഎൽ തീരുമാനിച്ചിരിക്കുന്നത്. ഒന്നാംഘട്ടമായി കൊച്ചി കപ്പൽശാല നിർമിച്ചുനൽകേണ്ട 23 ബോട്ടുകളിൽ 11 എണ്ണമാണ് നിലവിൽ കൈമാറിയിരിക്കുന്നത്‌. ശേഷിക്കുന്ന 10 എണ്ണത്തിൽ ചിലതുകൂടി ഡിസംബറോടെ കൈമാറുമെന്നാണ് ഷിപ്പിയാർഡ് അറിയിച്ചിരിക്കുന്നത്. ഒക്‌ടോബറിനുള്ളിൽ 23 ബോട്ടുകളും കൈമാറണമെന്നായിരുന്നു കരാറെങ്കിലും ഉപകരാർ കമ്പനികൾ നേരിട്ട പ്രതിസന്ധി കപ്പൽശാലയുമായുള്ള കരാറിനെയും ബാധിച്ചിരുന്നു.
ബോട്ടുകളുടെ ഉൾഭാഗത്തെ നിർമാണങ്ങൾക്ക്‌ ഉപകരാറെടുത്ത കമ്പനികൾക്കുണ്ടായ പ്രതിസന്ധിയാണ്‌ ബോട്ടുകളുടെ നിർമാണത്തിന് തടസ്സമായത്‌. എന്നാൽ പ്രതിസന്ധി നീങ്ങിയതോടെ നിർമാണം പുനരാരംഭിക്കുകയും ബോട്ടുകൾ കൈമാറാനുള്ള സമയപരിധി 2024 ഫെബ്രുവരിവരെ നീട്ടുകയും ചെയ്തിട്ടുണ്ട്. സൗത്ത് ചിറ്റൂരിലേക്ക് സർവീസ് ആരംഭിച്ച ശേഷം ഫോർട്ട്‌ കൊച്ചിയിലേക്കുള്ള സർവീസും വൈകാതെ ആരംഭിക്കും. ടെർമിനൽ പൂർത്തിയായെങ്കിലും ഫ്ലോട്ടിങ് പോണ്ടൂൺ സ്ഥാപിച്ചിട്ടില്ല. കൂടാതെ, ബോട്ടുകളുടെ കുറവും സർവീസ് തുടങ്ങുന്നതിനെ ബാധിച്ചിട്ടുണ്ട്.
പ്രവർത്തനമാരംഭിച്ച്‌ അഞ്ചുമാസം പിന്നിടുമ്പോഴും വാട്ടർ മെട്രോയിൽ യാത്ര ചെയ്യാനെത്തുന്നവരുടെ എണ്ണത്തിൽ ഇതുവരെ കുറവുണ്ടായിട്ടില്ല. പ്രത്യേകിച്ച് കൊച്ചിയിലേക്കുള്ള വിനോദസഞ്ചാരികളുടെ പ്രധാന ആകർഷണമായി മാറാനും വാട്ടർ മെട്രോയ്ക്ക് കഴിഞ്ഞു. ശനി, ഞായർ ദിവസങ്ങളിൽ പതിവിലും കൂടുതലാണ്‌ രണ്ട്‌ റൂട്ടുകളിലും യാത്രാത്തിരക്ക്‌. ഏപ്രിൽ 26ന്‌ ഹൈക്കോടതിക്കും വൈപ്പിനുമിടയിൽ ആദ്യ സർവീസ് ആരംഭിച്ച വാട്ടർ മെട്രോയിൽ അഞ്ചുമാസത്തിനിടെ യാത്ര ചെയ്‌തത്‌ 9,50,000 ലേറെ യാത്രക്കാരാണ്. പ്രതിദിന യാത്രികരുടെ ശരാശരി എണ്ണം 5000 – 6000 ത്തിനും ഇടയിലാണ്‌. വരുന്ന ഒരാഴ്‌ചയ്‌ക്കകം വാട്ടർ മെട്രോയിലെ യാത്രക്കാരുടെ എണ്ണം 10 ലക്ഷത്തിലേക്ക്‌ എത്തുമെന്നാണ്‌ പ്രതീക്ഷ.
എറണാകുളം ജില്ലയിലെ മുഴുവൻ വാ‍ര്‍ത്തകളും ഒറ്റ ക്ലിക്കിൽ ഇവിടെ വായിക്കാം
Read Latest Local News and Malayalam News
അതേസമയം കൂടുതൽ ബോട്ടുകൾ എത്തുന്നതോടെ കൂടുതൽ സർവീസും ആരംഭിക്കാനാണ് കെഡബ്യൂഎംഎൽ തീരുമാനിച്ചിരിക്കുന്നത്. ഒന്നാംഘട്ടമായി കൊച്ചി കപ്പൽശാല നിർമിച്ചുനൽകേണ്ട 23 ബോട്ടുകളിൽ 11 എണ്ണമാണ് നിലവിൽ കൈമാറിയിരിക്കുന്നത്‌. ശേഷിക്കുന്ന 10 എണ്ണത്തിൽ ചിലതുകൂടി ഡിസംബറോടെ കൈമാറുമെന്നാണ് ഷിപ്പിയാർഡ് അറിയിച്ചിരിക്കുന്നത്. ഒക്‌ടോബറിനുള്ളിൽ 23 ബോട്ടുകളും കൈമാറണമെന്നായിരുന്നു കരാറെങ്കിലും ഉപകരാർ കമ്പനികൾ നേരിട്ട പ്രതിസന്ധി കപ്പൽശാലയുമായുള്ള കരാറിനെയും ബാധിച്ചിരുന്നു.
ബോട്ടുകളുടെ ഉൾഭാഗത്തെ നിർമാണങ്ങൾക്ക്‌ ഉപകരാറെടുത്ത കമ്പനികൾക്കുണ്ടായ പ്രതിസന്ധിയാണ്‌ ബോട്ടുകളുടെ നിർമാണത്തിന് തടസ്സമായത്‌. എന്നാൽ പ്രതിസന്ധി നീങ്ങിയതോടെ നിർമാണം പുനരാരംഭിക്കുകയും ബോട്ടുകൾ കൈമാറാനുള്ള സമയപരിധി 2024 ഫെബ്രുവരിവരെ നീട്ടുകയും ചെയ്തിട്ടുണ്ട്. സൗത്ത് ചിറ്റൂരിലേക്ക് സർവീസ് ആരംഭിച്ച ശേഷം ഫോർട്ട്‌ കൊച്ചിയിലേക്കുള്ള സർവീസും വൈകാതെ ആരംഭിക്കും. ടെർമിനൽ പൂർത്തിയായെങ്കിലും ഫ്ലോട്ടിങ് പോണ്ടൂൺ സ്ഥാപിച്ചിട്ടില്ല. കൂടാതെ, ബോട്ടുകളുടെ കുറവും സർവീസ് തുടങ്ങുന്നതിനെ ബാധിച്ചിട്ടുണ്ട്.
പ്രവർത്തനമാരംഭിച്ച്‌ അഞ്ചുമാസം പിന്നിടുമ്പോഴും വാട്ടർ മെട്രോയിൽ യാത്ര ചെയ്യാനെത്തുന്നവരുടെ എണ്ണത്തിൽ ഇതുവരെ കുറവുണ്ടായിട്ടില്ല. പ്രത്യേകിച്ച് കൊച്ചിയിലേക്കുള്ള വിനോദസഞ്ചാരികളുടെ പ്രധാന ആകർഷണമായി മാറാനും വാട്ടർ മെട്രോയ്ക്ക് കഴിഞ്ഞു. ശനി, ഞായർ ദിവസങ്ങളിൽ പതിവിലും കൂടുതലാണ്‌ രണ്ട്‌ റൂട്ടുകളിലും യാത്രാത്തിരക്ക്‌. ഏപ്രിൽ 26ന്‌ ഹൈക്കോടതിക്കും വൈപ്പിനുമിടയിൽ ആദ്യ സർവീസ് ആരംഭിച്ച വാട്ടർ മെട്രോയിൽ അഞ്ചുമാസത്തിനിടെ യാത്ര ചെയ്‌തത്‌ 9,50,000 ലേറെ യാത്രക്കാരാണ്. പ്രതിദിന യാത്രികരുടെ ശരാശരി എണ്ണം 5000 – 6000 ത്തിനും ഇടയിലാണ്‌. വരുന്ന ഒരാഴ്‌ചയ്‌ക്കകം വാട്ടർ മെട്രോയിലെ യാത്രക്കാരുടെ എണ്ണം 10 ലക്ഷത്തിലേക്ക്‌ എത്തുമെന്നാണ്‌ പ്രതീക്ഷ.
എറണാകുളം ജില്ലയിലെ മുഴുവൻ വാ‍ര്‍ത്തകളും ഒറ്റ ക്ലിക്കിൽ ഇവിടെ വായിക്കാം
Read Latest Local News and Malayalam News