കോതമംഗലം: ഓട്ടോറിക്ഷയിൽ സോപ്പും വെള്ളവും വച്ച് ചവിട്ടുപടിയിൽ അലാറാം സെറ്റ് ചെയ്ത് കൊറോണയെ പ്രതിരോധിക്കുകയാണ് ഒരു ഓട്ടോ ജീവനക്കാരൻ. വടാട്ടുപാറ സ്വദേശി പ്ലാത്തോട്ടത്തിൽ ബിനീഷ് ആണ് തന്റെ സാന്ദ്രാമോൾ എന്ന ഓട്ടോറിക്ഷയുടെ വാതിലിൽ കൈ കഴുകാനുള്ള സോപ്പ്
ഹാൻഡ് റെയിലുമായി ബന്ധിപ്പിച്ച് സജ്ജീകരിച്ചിരിക്കുന്നത്.
Also Read: വൃദ്ധയെ ആക്രമിച്ച് മൂന്നേമുക്കാല് പവന് കവര്ന്ന മോഷ്ടാവ് പിടിയില്
ഈ സോപ്പ് ഉപയോഗിക്കുമ്പോൾ ഓട്ടോമാറ്റിക്കായി ഹാൻ്റ് റെയിൽ ഉയരും. അങ്ങനെയല്ലാതെ വാഹനത്തിൽ കയറാൻ കാൽ എടുത്ത് വച്ചാൽ ഉടൻ അലാറം മുഴങ്ങും. കൊറോണ ഭീതിയുടെ തുടക്കം മുതൽ തൻ്റെ വാഹനത്തിൽ സോപ്പും വെള്ളവും സജ്ജീകരിച്ചിരുന്നുവെന്ന് ബിനീഷ് പറഞ്ഞു. ആദ്യമൊക്കെ ആളുകൾ കൈകഴുകി സഹകരണം കാണിച്ചെങ്കിലും പിന്നീട് തങ്ങൾ കൈ കഴുകിയാണ് വന്നത് എന്ന് പറഞ്ഞ് വാഹനത്തിൽ കയറുന്നതുകൊണ്ടാണ് ഇങ്ങനെ ഓട്ടോറിക്ഷയുടെ വാതിലിൽ സോപ്പുസ്റ്റാൻ്റുമായി ബന്ധിപ്പിച്ച് അലാറാം വച്ചു പിടിപ്പിച്ചതെന്ന് ബിനീഷ് പറഞ്ഞു.
Also Read: എറണാകുളത്ത് 12 പേര്ക്ക് കൂടി കൊവിഡ്; 213 പേര് ചികിത്സയില്, സമൂഹവ്യാപനം ഇല്ലെന്ന് മന്ത്രി
ഇടവേളകളിൽ ലൈറ്റ്, സൗണ്ട് ,വയറിംഗ് തൊഴിൽ ചെയ്യുന്ന ബിനീഷ് വീട്ടിൽ ഉപയോഗശൂന്യമായി കിടന്ന ഉപകരണങ്ങളുടെ സഹായത്തോടെയാണ് ലോക്കും ആലാറവും നിർമ്മിച്ചത്. ഓട്ടോറിക്ഷക്ക് കോതമംഗലം ജോയിൻ്റ് ആർടിഒയും ട്രാഫിക് എസ് ഐയും പരിശോധിച്ച് അനുമതിയും നൽകി. പൊതുജനങ്ങൾക്ക് ഉപകാരപ്പെടുന്ന ഒരു സന്ദേശം കൂടി ബിനിഷിൻ്റെ ഈ പ്രവർത്തനത്തിൽ കാണാൻ കഴിഞ്ഞതായി ഉദ്യോഗസ്ഥർ അഭിപ്രായപ്പെട്ടു.