സുഹൃത്തുക്കൾക്കും പങ്ക്?
കമ്മലും, മോതിരവും, മാലയും ഉള്‍പ്പെടെയുള്ള ധരിച്ച മുഴുവന്‍ സ്വര്‍ണാഭരണങ്ങും പ്രതികളായ വിഷ്ണു(26), സഹോദരങ്ങളായ വൈശാഖ്(23), വിവേക്(20), ഇവരുടെ സുഹൃത്തായ മുഹമ്മദ് ഷിഹാന്‍(18) എന്നിവര്‍ചേര്‍ന്നാണ് അഴിച്ചെടുത്തതെന്ന നിഗമനത്തിലാണു പോലീസ്. കൊലപാതകത്തില്‍ ഈ നാലുപേര്‍ക്കും പങ്കുണ്ടെന്ന പ്രാഥമിക നിഗമനത്തിലാണ് പോലീസ്. ഇവര്‍ക്കു പുറമെ വിഷ്ണുവിന്റെ പിതാവ് കുഞ്ഞുണ്ണിയേയും പോലീസ് കസ്റ്റഡിയിലെടുത്തിട്ടുണ്ടെങ്കിലും ഇയാള്‍ക്കു കൊലയില്‍പങ്കുണ്ടോയെന്ന കാര്യത്തില്‍ ഇതുവരെ വ്യക്തതിയില്ലെന്ന് പോലീസ് പറയുന്നു.
സ്വർണം വിൽപ്പന നടത്തിയത് രണ്ടുതവണകളായി
എന്നാല്‍ കൊലപതകം നടന്നകാര്യം കുഞ്ഞുണ്ണിക്കും അറിയാമായിരുന്നു. കൊലപാതകം നടന്നത് അറിഞ്ഞിട്ടും മറച്ചുവെച്ചതിനാണു നിലവില്‍ കുഞ്ഞുണ്ണിയെ അറസ്റ്റ് ചെയ്തത്. ശേഷം മൃതദേഹത്തില്‍നിന്നും മോഷ്ടിച്ച സ്വര്‍ണം രണ്ടുതവണകളായാണ് വിഷ്ണു വില്‍പന നടത്തിയത്. 1.80ലക്ഷംരൂപയാണു ഈ ജ്വല്ലറിയില്‍നിന്നും വിഷ്ണു കൈപ്പറ്റിയത്. ബാക്കി തുക നേരത്തെ ഈ കടയില്‍ വിഷ്ണു കൊടുക്കാനുള്ള തുകയുടെ കടം വീട്ടുകയായിരുന്നു.
അവസാനം കണ്ടതും വിളിച്ചതും വിഷ്ണു
സൈബര്‍സെല്ലുമായി ബന്ധപ്പെട്ടുനടന്ന അന്വേഷണമാണ് പ്രതികളെ ഉടനടി പിടികൂടാന്‍ സഹായിച്ചതെന്നു അന്വേഷണ സംഘം പറഞ്ഞു.
ഇതുവരെ അന്വേഷണത്തിന് നേതൃത്വം നല്‍കിയത് കരുവാരക്കുണ്ട് സിഐ സികെ നാസറാണ്. കൊല്ലപ്പെട്ട പള്ളിപ്പറമ്പ് മാങ്കൂത്ത് മനോജിന്റെ ഭാര്യ സുജിത (35)യെ മരണപ്പെടുന്നതിനുമുമ്പ് അവസാനമായി കണ്ടതും അവസാനമായി ഫോണില്‍ വിളിച്ചതും വിഷ്ണുവാണെന്നും പോലീസിന് വിവരം ലഭിച്ചതാണ് അന്വേഷണത്തില്‍ വഴിത്തിരിവായത്.
സ്വർണം പിടിച്ചുവലിക്കുന്നതിനിടെ കൊലപാതകം
മലപ്പുറം തുവ്വൂരില്‍ കൃഷിഭവനില്‍ ജോലിചെയ്തിരുന്ന 35കാരിയായ സുജിതയെ താന്‍ കൊലപ്പെടുത്തിയത് സ്വര്‍ണം പിടിച്ചുവലിക്കുന്നതിനിടെയുണ്ടായ തര്‍ക്കത്തെ തുടര്‍ന്നാണെന്നു പ്രതി വിഷ്ണു പോലീസിനോടു സമ്മതിച്ചിട്ടുണ്ട്. ഈ മാസം 11 മുതല്‍ സുജിതയെ കാണാനില്ലായിരുന്നു. തുടര്‍ന്നുള്ള അന്വേഷണത്തിന്റെ ഭാഗമായി വിഷ്ണുവിനെ കസ്റ്റഡിയിലെടുത്ത് ചോദ്യം ചെയ്തിരുന്നു. പിന്നാലെയാണ് മൃതദേഹം കുഴിച്ചിട്ടിരിക്കുന്ന വിവരം പോലീസിനോട് വെളിപ്പെടുത്തിയത്.
മൃതദേഹം കണ്ടെത്തിയത് വിഷ്ണുവിന്റെ വീട്ടുവളപ്പിൽ
മലപ്പുറം തുവ്വൂര്‍ പഞ്ചായത്ത് ഓഫീസിന് സമീപം റെയില്‍വേ പാളത്തിനടുത്ത് താമസിക്കുന്ന വിഷ്ണുവിന്റെ വീട്ടുവളപ്പിലാണ് ഇന്നലെ രാത്രി ഒമ്പത് മണിയോടെ മൃതദേഹം കണ്ടത്. തുവ്വൂര്‍ പഞ്ചായത്തിലെ താത്കാലിക ജീവനക്കാരനായിരുന്നു വിഷ്ണു. വീട്ടുവളപ്പില്‍ അഴുകിയ നിലയിലാണ് മൃതദേഹം. തുവ്വൂര്‍ പഞ്ചായത്ത് ഓഫിസിനു സമീപം റെയില്‍വേ പാളത്തിനടുത്തുള്ള വീട്ടുവളപ്പിലാണ് മൃതദേഹം കണ്ടത്. തിങ്കള്‍ രാത്രി ഒന്‍പതിനാണ് പോലീസ് പരിശോധന നടത്തിയത്. കുഴിയുടെ മുകളില്‍ കോണ്‍ക്രീറ്റ് മെറ്റല്‍ വിതറി കോഴിക്കൂട് സ്ഥാപിച്ച നിലയിലാണുണ്ടായിരുന്നത്. ഒറ്റനോട്ടത്തില്‍ മാലിന്യ ടാങ്കിന് സമീപം കുഴിയെടുത്തത് ആരുടേയും ശ്രദ്ധയില്‍പ്പെടില്ലായിരുന്നു.
