സെറ്റ് ദേവന്‍റെ മുന്നില്‍
2019 ആരംഭത്തില്‍ പ്രഖ്യാപിച്ച ചിത്രം 2019 ഡിസംബര്‍ അവസാനത്തോടെ ചിത്രീകരണം ആരംഭിച്ചു. കൊവിഡിനെ തുടര്‍ന്നുള്ള പ്രതിസന്ധിയും ലോക്ക്ഡൗണും കാരണം ഷൂട്ടിംഗ് നിര്‍ത്തി വെച്ചിരിക്കുകയായിരുന്നു. ഇതിനിടയിലാണ് കാലടി മണപ്പുറത്ത് മഹാദേവന്‍റെ മുന്നില്‍ പള്ളിയുടെ സെറ്റ് ഇട്ടുവെന്ന കാര്യം പറഞ്ഞ് വന്‍ മുതല്‍മുടക്കില്‍ പണി കഴിപ്പിച്ച സെറ്റ് അടിച്ച് തകര്‍ത്തത്.
പ്രതിഷേധം അലയടിക്കുന്നു
സംഭവത്തിന് പിന്നാലെ പ്രതിഷേധവുമായി നിരവധി സിനിമ പ്രവര്‍ത്തകര്‍ രംഗത്തെത്തിയിട്ടുണ്ട്. കാലടി മഹാദേവ ക്ഷേത്രത്തിന്‍റെ മുന്നില്‍ എല്ലാ അനുമതിയോടും കൂടി തന്നെയാണ് സെറ്റിട്ടതെന്നാണ് സിനിമയുടെ നിര്‍മ്മാതാവ് സോഫിയ പോള്‍ പ്രതികരിച്ചിരിക്കുന്നത്. കൊറോണയുമായി ബന്ധപ്പെട്ട് ലോക് ഡൗണ്‍ പ്രഖ്യാപിച്ചത് പൊതുവെ സിനിമ വ്യവസാത്തെ പിടിച്ചു കുലുക്കിയ സമയത്താണ് ഇത്തരത്തില്‍ വന്‍ നഷ്ടം ഒരു നിര്‍മ്മാതാവിന് വന്നിരിക്കുന്നത്.
നിര്‍മ്മാതാവ്
പ്രൊഡ്യൂസേഴ്സ് അസോസിയേഷനുമായി ആലോചിച്ച് തുടര്‍ നടപടി സ്വീകരിക്കുമെന്നും അവര്‍ വ്യക്തമാക്കി. സിനിമ പ്രവര്‍ത്തകര്‍ക്ക് ഐക്യദാര്‍ഢ്യം പ്രഖ്യാപിച്ചുകൊണ്ട് ബി ഉണ്ണികൃഷ്ണനും പ്രതികരണവുമായി രംഗത്ത് എത്തിയിരുന്നു. നടന്‍ അജു വര്‍ഗീസും ഇതിനെതിരെ ശക്തമായ പ്രതികരണവുമായി രംഗത്ത് എത്തിയിരുന്നു. രണ്ട് വര്‍ഷത്തെ കഠിനാദ്ധ്വാനമാണ് ഒറ്റ നിമിഷംകൊണ്ട് മതത്തിന്‍റെ പേര് പറഞ്ഞ് ഇല്ലാതാക്കിയിരിക്കുന്നത്.
വലിയ പോരാട്ടം നടക്കുന്ന സമയം
ഒരു മാഹാമാരിയോടുള്ള വലിയ പോരാട്ടം നടക്കുന്ന സമയമാണ്. എല്ലാവരും നിസഹായരായി നില്‍ക്കുന്ന സമയം. എല്ലാവരും ഒന്നിച്ച് നില്‍ക്കേണ്ട സമയം. ഈ സമയത്ത് ഇങ്ങനെയൊക്കെ സംഭവിക്കുമെന്ന് സ്വപ്‌നത്തില്‍ പോലും കരുതിയിരുന്നില്ല. പ്രത്യേകിച്ച് നമ്മുടെ കേരളത്തില്‍. ആര്‍ട്ട് ഡയറക്ടറഉം സംഘവും പൊരിവെയിലത്ത് ദിവസങ്ങളോളും പൊരിവെയിലത്ത് പണിയെടുത്താണ് ഇത്തരത്തില്‍ ഒരു സെറ്റ് ഉണ്ടാക്കിയതെന്നുമാണ് ചിത്രത്തിന്‍റെ സംവിധായകനായ ബേസില്‍ ജോസഫ് കഴിഞ്ഞ ദിവസം വ്യക്തമാക്കിയിരുന്നത്.
നിയമപരമായി മുന്നോട്ട്....
നിയമപരമായി മുന്നോട്ട് സംഭവവുമായി ബന്ധപ്പെട്ട് ഭൂരിപക്ഷം ആളുകളും സോഷ്യല്‍മീഡിയയിലും മറ്റുമായി പ്രതികരിക്കുന്നത്. അന്താരാഷ്ട്ര ഹിന്ദു ഭാരവാഹി ഹരി പാലോടിന്റെ ഫേസ്ബുക്ക് പോസ്റ്റില്‍ തന്നെ സെറ്റ് പൊളിക്കുന്നതിന്റെ ചിത്രങ്ങള്‍ പോസ്റ്റ് ചെയ്തിട്ടുണ്ട്. ചിത്രങ്ങള്‍ സോഷ്യല്‍ മീഡിയയില്‍ ഇപ്പോള്‍ വൈറലാണ്. അതുകൊണ്ട് തന്നെ ബജ്രംഗ്ദള്‍ പ്രവര്‍ത്തകര്‍ക്കെതിരെ നിയമപരമായ നടപടികളുമായി മുന്നോട്ട് പോകാന്‍ എളുപ്പവുമാണ്.