കൊലപാതകശ്രമം, ദേഹോപദ്രവം, വീടുകയറി ആക്രമണം... എറണാകുളത്ത് അറസ്റ്റിലായ സഹോദരങ്ങള്‍ നിരവധി ക്രിമിനല്‍ കേസുകളിലെ പ്രതികള്‍, കാപ്പ ചുമത്തി ജയിലിലടച്ചു

കൊച്ചി: ആലുവയിൽ നിരവധി കേസുകളിലെ പ്രതിയായ സഹോദരന്മാരെ കാപ്പ ചുമത്തി ജയിലിലടച്ചു. കാലടി നീലീശ്വരം ചേലാട്ട് വിട്ടിൽ ഡെൻസിൽ (21), ഗോഡ്സൻ (21) എന്നിവരെയാണ് ഓപ്പറേഷൻ ഡാർക്ക് ഹണ്ടിന്‍റെ ഭാഗമായി ജയിലിലടച്ചത്. എറണാകുളം റൂറൽ ജില്ലാ പോലിസ് മേധാവി കെ കാർത്തിക് നൽകിയ റിപ്പോർട്ടിന്‍റെ അടിസ്ഥാനത്തിലാണ് നടപടി. കഴിഞ്ഞ 3 വർഷത്തിനുള്ളിൽ കാലടി പോലിസ് സ്റ്റേഷനിൽ മാത്രം ഡെൻസിലിന്‍റെ പേരിൽ ഏഴു കേസുകളുണ്ട്.

Also Read: ഞാൻ അല്ലെങ്കിൽ ഭാര്യ, അല്ലെങ്കിൽ എന്‍റെ ബന്ധു, അതുമല്ലെങ്കിൽ എന്‍റെ കോഴി... കൊല്ലത്തെ കോൺഗ്രസ് സ്ഥാനാർത്ഥി നിർണ്ണയത്തെ പരിഹസിച്ച് കെ എസ് യു, താക്കീതും!

കൊലപാതകശ്രമം, ദേഹോപദ്രവം, വീടുകയറി ആക്രമണം, കഞ്ചാവ് കൈവശം വയ്ക്കൽ തുടങ്ങിയ കേസുകളിൽ ഇയാൾ പ്രതിയാണ്. വീട്ടിൽ അതിക്രമിച്ചു കയറി ആക്രമണം, കൊലപാതകശ്രമം, ദേഹോപദ്രവം, തുടങ്ങി അഞ്ച് കേസുകളിൽ പ്രതിയാണ് ഗോഡ്‌സൻ. ഇവരെ രണ്ടു പേരെയും 2019 ജൂണിൽ ആറു മാസത്തേക്ക് നാടുകടത്തിയിരുന്നു. ശിക്ഷ കാലാവധി കഴിഞ്ഞ് നാട്ടിൽ എത്തിയ ഇവർ നീലീശ്വരത്തെ ഒരു വീട്ടിൽ അതിക്രമിച്ചു കയറി ഗ്രഹനാഥനെ വടിവാൾ കൊണ്ട് ആക്രമിക്കുകയും വീട്ടമ്മയെ കൊല്ലുമെന്ന് ഭീഷണിപ്പെടുത്തുകയും ചെയ്തു. കാലടി പോലിസ് രജിസ്റ്റർ ചെയ്ത ഈ കേസിൽ ഇവർ ഒന്നും, രണ്ടും പ്രതികളാണ്. തുടർന്നാണ് കാപ്പ ചുമത്തി വിയ്യൂർ സെൻട്രൽ ജയിലിൽ അടച്ചത്.

Also Read: പോലീസുകാര്‍ക്കെന്താ നിയമം ബാധകമല്ലെ? സിഐ മദ്യപിച്ച് വാഹനമോടിച്ച് ബൈക്ക് യാത്രക്കാരെ തട്ടിത്തെറിപ്പിച്ചു, ടൗണിലെത്തിയത് ആടിക്കുഴഞ്ഞ് മാസ്ക് പോലുമില്ലാതെ, സംഭവം വയനാട്ടില്‍

ഓപ്പറേഷൻ ഡാർക്ക് ഹണ്ടിന്‍റെ ഭാഗമായി ഗുണ്ടകൾക്കെതിരെ ജില്ലാ പോലിസ് മേധാവി കെ. കാർത്തിക്കിന്‍റെ നേതൃത്വത്തിൽ ശക്തമായ നടപടി തുടരുകയാണ്. ഇതുവരെ കാപ്പ നിയമപ്രകാരം 15 പേരെ ജയിലിൽ അടച്ചു. 23 പേരെ നാടുകടത്തി. റൂറൽ ജില്ലയിലെ മറ്റ് കുറ്റവാളികളെ നിരീക്ഷിച്ചു വരികയാണ്. ഇവർക്കെതിരെ റൂറൽ ജില്ലാതലത്തിൽ റിപ്പോർട്ട് തയ്യാറാക്കിയിട്ടുണ്ട്. വരും ദിവസങ്ങളിൽ കാപ്പ പ്രകാരം കൂടുതൽ നടപടികൾ ഉണ്ടാകുമെന്ന് എസ്പി കെ കാർത്തിക് പറഞ്ഞു.

എറണാകുളം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ
എറണാകുളം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ