ഹണി ട്രാപ്പിൽ നടുങ്ങി കോതമംഗലം; വീണ്ടും അറസ്റ്റ്, 2 പേർ കൂടി പോലീസ് വലയിൽ!

കോതമംഗലം: ഹണി ട്രാപ്പിൽ കുടുക്കി പണം തട്ടിയ കേസിൽ രണ്ട് പേർ കൂടി അറസ്റ്റിലായി. ഇതോടെ ഒരു യുവതി ഉൾപ്പടെ ഏഴ് പേർ പിടിയിലായി. കുട്ടമ്പുഴ കല്ലേലിമേട് തോബ്രയിൽ റ്റി വി നിഖിൽ (24), കുറ്റിലഞ്ഞി പുതുപ്പാലം പാറയ്ക്കൽ പുത്തൻപുര അഷ്ക്കർ (21 ) എന്നിവരാണ് വെള്ളിയാഴ്ച്ച പിടിയിലായത്. നെല്ലിക്കുഴിയിൽ വാടകയ്ക്കു താമസിക്കുന്ന മുളയംകോട്ടിൽ ആര്യ (25), കുറ്റിലഞ്ഞി കപ്പടക്കാട്ട് അശ്വിൻ (19), നെല്ലിക്കുഴി സ്വദേശികളായ കാപ്പുചാൽ മുഹമ്മദ് യാസിൻ (22), പറമ്പിൽ റിസ്വാൻ ( 21 ) കുറ്റിലഞ്ഞി, കാഞ്ഞിരകുഴി ആസിഫ് (19) എന്നിവരെ നേരത്തെ പിടികൂടിയിരുന്നു.

Also Read: ബിൻലാദനെ കുടുക്കിയ പാരമ്പര്യം; മാർലിയും ബെർട്ടിയും എത്തി, കരുത്തോടെ ഡോഗ് സ്ക്വാഡ്

ചൊവ്വാഴ്ച്ച രാത്രിയാണ് കേസിനാസ്പദമായ സംഭവത്തിൻ്റെ തുടക്കം. മൂവാറ്റുപുഴയിലെ സ്ഥാപന ഉടമയെ ഇതേ സ്ഥാപനത്തിലെ ജീവനക്കാരിയായിരുന്ന ആര്യ കോതമംഗലത്തെ ലോഡ്ജിൽ വിളിച്ചു വരുത്തിയ ശേഷം കെണിയിൽ അകപ്പെടുത്തി ഇയാളോട് പണം ആവശ്യപ്പെടുകയായിരുന്നു. പണം നൽകാത്ത പക്ഷം ചിത്രങ്ങൾ സമൂഹ മാധ്യങ്ങളിൽ പ്രചരിപ്പിക്കുമെന്ന് സംഘം ഭീക്ഷണിപ്പെടുത്തി. ഇയാളുടെ എറ്റിഎം, പാൻ കാർഡുകൾ കൈക്കലാക്കി. കോതമംഗലം കോട്ടപ്പടി ഭാഗങ്ങളിലൂടെ ഇയാളുമായി സംഘം കാറിൽ കയറ്റി കറങ്ങി. ഇതിനിടയിൽ ഇയാളുടെ അക്കൗണ്ടിൽ നിന്ന് 35,000 രൂപയും പിൻവലിച്ചു.

Also Read: 16 ലക്ഷത്തിൻ്റെ സവാള; മലയാളി ഡ്രൈവറെയും ലോറിയും കാണാനില്ല; പരാതിയുമായി വ്യാപാരി

മോചിപ്പിക്കണമെങ്കിൽ 3.50 ലക്ഷം രൂപയാണ് സംഘം ആവശ്യപ്പെട്ടിരുന്നത്. കോട്ടപ്പടിയിൽ വെച്ച് തന്ത്രത്തിൽ കാറിൽ നിന്ന് രക്ഷപ്പെട്ട സ്ഥാപന ഉടമ കോട്ടപ്പടി പോലീസ് സ്റ്റേഷനിലെത്തുകയായിരുന്നു. ഇയാൾ നൽകിയ വിവരത്തിൻ്റെ അടിസ്ഥാനത്തിൽ ആര്യയെയും അശ്വിനെയും പിടികൂടുകയായിരുന്നു. തുടർന്നാണ് മറ്റ് പ്രതികൾ പിടിയിലാകുന്നത്. കോടതിയിൽ ഹാജരാക്കിയ പ്രതികളെ റിമാൻ്റ് ചെയ്തു. കോതമംഗലം പോലീസ് ഇൻസ്പെക്ടർ ബി അനിലിൻ്റെ നേതൃത്വത്തിലാണ് അന്വേഷണം.


എറണാകുളം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ


എറണാകുളം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ