ആലുവ: ബൈക്കില്‍ ഇന്ധനമില്ലാത്തതിന് പോലീസ് പിഴ ചുമത്തി ചെലാന്‍ നല്‍കിയെന്ന സംഭവത്തില്‍ വിശദീകരണം. ചെലാന്‍ മെഷീനില്‍ കോഡ് തെറ്റായി രേഖപ്പെടുത്തിയതിനാലാണ് ചെലാന്‍ മാറിപ്പോയതെന്ന് കേരള പോലീസിന്റെ ഔദ്യോഗിക ഫേസ്ബുക്ക് പേജില്‍ നല്‍കിയ വിശദീകരണത്തില്‍ പറയുന്നു.
ഫേസ്ബുക്കില്‍ പങ്കുവെച്ച കുറിപ്പ് ഇങ്ങനെ: '22 ന് എടതല പോലീസ് സ്‌റ്റേഷന്‍ പരിധിയിലെ പൂക്കാട്ടുപടിയിലാണ് സംഭവം. അമിതപ്രകാശം പരത്തുന്ന ലൈറ്റുകള്‍ ഘടിപ്പിച്ച ബൈക്കില്‍ റണ്‍വേ തെറ്റിച്ചുവന്ന യുവാവിനെ പോലീസ് തടയുകയും പിഴ അടയ്ക്കാന്‍ നിര്‍ദേശിക്കുകയും ചെയ്തു. അനുവദനീയമല്ലാത്ത ലൈറ്റ് ഘടിപ്പിച്ചതിന് പിഴത്തുകയായ 250 രൂപ അടയ്ക്കാനാണ് ആവശ്യപ്പെട്ടത്. എന്നാല്‍, ചെലാന്‍ മെഷീനില്‍ പിഴ സംബന്ധിച്ച കുറ്റകൃത്യത്തിന്റെ കോഡ് നമ്പര്‍ സെലക്ട് ചെയ്തപ്പോള്‍ പോലീസ് ഉദ്യോഗസ്ഥന് അബദ്ധം സംഭവിക്കുകയായിരുന്നു'.
എറണാകുളം ജില്ലയിലെ മുഴുവൻ വാ‍ര്‍ത്തകളും ഒറ്റ ക്ലിക്കിൽ ഇവിടെ വായിക്കാം 'മോട്ടോര്‍ വാഹന നിയമത്തിലെ സെക്ഷന്‍ 46(2)ഇ ആണ് തെറ്റായി വന്നത്. പിഴയടച്ച യുവാവ് ചെലാനില്‍ സൂചിപ്പിച്ചിരിക്കുന്ന കുറ്റകൃത്യം കൗതുകമായി തോന്നിയതോടെ ചെലാന്‍ വാട്‌സാപ്പില്‍ സ്റ്റാറ്റസ് ആയി പോസ്റ്റ് ചെയ്യുകയായിരുന്നു. പിന്നീടത് സാമൂഹിക മാധ്യമത്തില്‍ പ്രചരിച്ചതോടെ പോലീസ് ഇതു സംബന്ധിച്ച് അന്വേഷണം ആരംഭിച്ചു. അബദ്ധം മനസ്സിലാക്കിയ പോലീസ് യുവാവിനെ ബന്ധപ്പെട്ട് ഇക്കാര്യം ബോധ്യപ്പെടുകയും പുതിയ ചെലാന്‍ നല്‍കുകയും ചെയ്തിട്ടുണ്ട്'.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
