കൊച്ചി: കേരളത്തിലെത്തുന്ന പ്രധാനമന്ത്രി നരേന്ദ്രമോദിക്കെതിരെ ചാവേർ ആക്രമണം നടത്തുമെന്ന് ഭീഷണി ഉയർത്തി കത്തയച്ചയാളെ കണ്ടെത്താൻ അന്വേഷണം ഊർജ്ജിതമാക്കി പോലീസ്. കൊച്ചി സ്വദേശിയുടെ പേരിലാണ് ഭീഷണി സന്ദേശം എത്തിയത്. കത്തിൽ കൊടുത്തിരിക്കുന്ന ഫോൺ നമ്പർ കേന്ദ്രീകരിച്ച് പോലീസ് അന്വേഷണം നടത്തിയെങ്കിലും ഫോൺ നമ്പർ ഉടമയല്ല കത്തയച്ചതെന്ന് വ്യക്തമായിട്ടുണ്ട്. കലൂർ സ്വദേശിയായ എൻകെ ജോണിയുടെ പേരിലാണ് ഭീഷണിക്കത്ത് വന്നത്. എന്നാൽ പോലീസ് ചൊവ്വാഴ്ച തന്നെ വീട്ടിൽ എത്തി കൈയ്യക്ഷരം അടക്കം പരിശോധിച്ചെന്നും കത്തെഴുതിത് താനല്ലെന്ന് ഉദ്യോഗസ്ഥർക്ക് ബോധ്യപ്പെട്ടെന്നും എൻകെ ജോണി പ്രതികരിച്ചു.
അതേസമയം കേരളത്തിലെത്തുന്ന പ്രധാനമന്ത്രിക്ക് ശക്തമായ സുരക്ഷയാണ് ഒരുക്കുന്നതെന്ന് കൊച്ചി കമ്മീഷണർ കെ സേതുരാമൻ പ്രതികരിച്ചു. രണ്ടായിരത്തിലധികം പോലീസുകാരെയാണ് സുരക്ഷയ്ക്കായി വിന്യസിക്കുന്നത്. സുരക്ഷാ ക്രമീകരണങ്ങൾ ചർച്ച ചെയ്യുന്നതിനായി നാളെ ഉന്നതതലയോഗം ചേരുന്നുണ്ട്. പ്രധാനമന്ത്രി റോഡ് ഷോ നടത്തുന്ന സമയത്ത് നഗരത്തിൽ ഗതാഗത ക്രമീകരണങ്ങൾ നടത്തുമെന്നും ഇക്കാര്യങ്ങൾ പൊതുജനങ്ങളോട് വിശദീകരിക്കുമെന്നും അദ്ദേഹം വ്യക്തമാക്കി.
Read Latest Local News and Malayalam News
എറണാകുളം ജില്ലയിലെ മുഴുവൻ വാര്ത്തകളും ഒറ്റ ക്ലിക്കിൽ ഇവിടെ വായിക്കാം