Rahul N Kutty Death: 'മരണകാരണം വ്യക്തമല്ല, വിവരം ലഭിച്ചത് ആശുപത്രിയിലേക്ക് മാറ്റിയശേഷം'; രാഹുൽ എൻ കുട്ടിയുടെ മരണത്തിൽ പോലീസ്

കൊച്ചി: ഫുഡ് വ്ലോഗർ രാഹുൽ എൻ കുട്ടിയുടെ മരണകാരണം വ്യക്തമല്ലെന്ന് പനങ്ങാട് പോലീസ്. മൃതദേഹം തൃപ്പൂണിത്തുറയിലെ വീട്ടിൽനിന്ന് സ്വകാര്യ ആശുപത്രിയിലേക്ക് മാറ്റിയ ശേഷമാണ് വിവരം ലഭിച്ചത്. പോസ്റ്റുമോർട്ടത്തിനുശേഷമേ മരണകാരണം സംബന്ധിച്ച് വ്യക്തതവരൂവെന്നും പനങ്ങാട് പോലീസ് അറിയിച്ചു. 'സമയം മലയാള'ത്തോട് പ്രതികരിക്കുകയായിരുന്നു പോലീസ്.ഭക്ഷണപ്രേമികൾക്ക് സുപരിചിതനായിരുന്ന രാഹുൽ എൻ കുട്ടിയെ ഇന്നലെ രാത്രിയിൽ തൃപ്പൂണിത്തുറയിലെ വീട്ടിൽ മരിച്ച നിലയിൽ കണ്ടെത്തിയതെന്നാണ് റിപ്പോ‍ർട്ട്. കൊച്ചിയിലെ ഫുഡ് കമ്യൂണിറ്റിയായ 'ഈറ്റ് കൊച്ചി ഈറ്റി'ലെ പ്രധാനിയായിരുന്നു രാഹുൽ എൻ കുട്ടി. ഇടപ്പള്ളി ഗണപതി ക്ഷേത്രത്തിലെ ഉണ്ണിയപ്പത്തെക്കുറിച്ചുള്ള വീഡിയോയാണ് രാഹുൽ അവസാനമായി ചാനലിൽ പങ്കുവെച്ചത്.


ഇന്ത്യയിലെ ആദ്യത്തെ ഫുഡ് കമ്യൂണിറ്റിയാണ് ഈറ്റ് കൊച്ചി ഈറ്റ്. 2015ലാണ് ഇവരുടെ തുടക്കം. കൊച്ചിയിലെ രുചിവൈവിധ്യങ്ങളാണ് ഇവരുടെ സമൂഹമാധ്യമ അക്കൗണ്ടുകളിൽ ഏറെയും. നടൻ മോഹൻലാൽ ഉൾപ്പെടെ ഇവരുടെ വീഡിയോയിൽ എത്തിയിട്ടുണ്ട്. 'ഓ കൊച്ചി' എന്ന സമൂഹമാധ്യമ അക്കൗണ്ടുകളിലും രാഹുലിൻ്റെ ഉൾപ്പെടെ വീഡിയോ പങ്കുവെക്കാറുണ്ട്.

Eat Kochi Eat Rahul Death: 'ഈറ്റ് കൊച്ചി ഈറ്റ്' വ്ലോഗർ രാഹുൽ എൻ കുട്ടി വീട്ടിൽ മരിച്ച നിലയിൽ
രാഹുലിൻ്റെ മരണത്തിൽ അതിയായ ദുഖം രേഖപ്പെടുത്തി ഈറ്റ് കൊച്ചി ഈറ്റ് സമൂഹമാധ്യമങ്ങളിൽ പോസ്റ്റ് പങ്കുവെച്ചു. ഈറ്റ് കൊച്ചി ഈറ്റിന് ഇൻസ്റ്റഗ്രാമിൽ മാത്രം 4.17 ലക്ഷം ഫോളോവേഴ്സുണ്ട്. ഫേസ്ബുക്കിൽ 1.88 ലക്ഷമാണ് ഫോളോവേഴ്സ്. 75000 പേരാണ് യൂട്യൂബിൽ സബ്സ്ക്രൈബ് ചെയ്തിട്ടുണ്ട്.

എറണാകുളം ജില്ലയിലെ മുഴുവൻ വാ‍ര്‍ത്തകളും ഒറ്റ ക്ലിക്കിൽ ഇവിടെ വായിക്കാം

Read Latest Local News and Malayalam News