നിരവധി കമന്റുകള്‍
സാര്‍... വല്ല ഒഴിവും?, പറ്റിപ്പോയി മാസ്‌കിട്ടില്ല, നാടനാണ് പക്ഷെ നല്ല ട്രെയിനിംഗ് തന്നാല്‍ ഞാന്‍ പൊളിക്കും സാറേ...., പിള്ളേര്‍ക്ക് ഭക്ഷണം വാങ്ങാന്‍ ഇറങ്ങിയതാ സാറേ.... തുടങ്ങി രസകരമായ നിരവധി കമന്റുകളാണ് ചുരുങ്ങിയ സമയത്തിനുള്ളില്‍ ചിത്രത്തിന് താഴെ വന്നത്. പ്രമുഖരടക്കം നിരവധി പേര്‍ ഈ അടിക്കുറുപ്പ് മത്സരത്തിന്റെ ഭാഗമായതോടെ ചിത്രം ഹിറ്റായി.
അതൊരു തമാശയല്ല
തമാശയെന്ന് തോന്നാമെങ്കിലും മനോഹരമായൊരു ബന്ധത്തിന്റെ കഥകൂടിയുണ്ട് ഈ ചിത്രത്തിന് പറയാന്‍. ആലുവ യുസി കോളേജ് പോസ്റ്റ് ഓഫീസിന് മുമ്പില്‍ നിന്നാണ് ഈ ചിത്രം പകര്‍ത്തിയിരിക്കുന്നത്. നിര്‍ത്തിയിട്ടിരിക്കുന്ന പോലീസ് ജീപ്പിന് മുമ്പില്‍ നിന്നും ഒരു പോലീസുകാരന്‍ നായയ്ക്ക് എന്തോ കഴിക്കാന്‍ കൊടുക്കുന്നത് ചിത്രത്തില്‍ കാണാം.
ഇത് ലോക്ക് ഡൗണ്‍ കാലത്തെ ബന്ധം
ലോക്ക് ഡൗണ്‍ കാലത്ത് തുടങ്ങിയതാണ് ഈ നായയും പോലീസകാരും തമ്മിലുള്ള ബന്ധം. ഈ സമയത്ത് പോസ്റ്റ് ഓഫീസിന് മുമ്പില്‍ സ്ഥിരം പോലീസ് പിക്കറ്റ് ഉണ്ടായിരുന്നു. ലോക്ക് ഡൗണില്‍ എല്ലാവരും ബുദ്ധിമുട്ടിലായപ്പോള്‍ കഥയിലെ നായികയായ ഈ തെരുവുനായയും അല്‍പ്പം വലഞ്ഞു 5 കുഞ്ഞുങ്ങളുമായി അലഞ്ഞു നടന്ന നായയ്ക്ക് അന്ന് അവിടെ ഡ്യൂട്ടിയിലുണ്ടായിരുന്ന പോലീസുകാര്‍ ബിസ്‌ക്കറ്റും മുട്ടയും മറ്റും നല്‍കുന്നത് പതിവായിരുന്നു. ഇടയ്ക്ക് വാഹനം ഇടിച്ച് അപകടത്തില്‍പ്പെട്ടെപ്പോഴും തുണയായത് പോലീസുകാര്‍ തന്നെയാണ്.
മറക്കാതെ ഉദ്യോഗസ്ഥരും
പിക്കറ്റ് അവസാനിപ്പിച്ച് ഒരുമാസം കഴിഞ്ഞെങ്കിലും പോലീസ് ജീപ്പ് കണ്ടപ്പോള്‍ സ്‌നേഹത്തോടെ ഓടിയെത്തിയതാണ് അവള്‍. നായയുടെ സ്‌നേഹ പ്രകടനം കണ്ടപ്പോള്‍ ഒന്നും കൊടുക്കാതെ മടങ്ങാന്‍ പോലീസുകാര്‍ക്കും കഴിഞ്ഞില്ല. ഇതോടെ അടുത്തുള്ള കടയില്‍ നിന്നും ബിസ്‌ക്കറ്റ് വാങ്ങി നല്‍കി ഉദ്യോഗസ്ഥര്‍ നായയ്ക്ക് കൊടുക്കുന്നതാണ് ഈ രംഘം. സിപിഒ ദീപേഷാണ് ചിത്രം പകര്‍ത്തിയത്. 5 കുഞ്ഞുങ്ങളില്‍ ആരും ഇപ്പോള്‍ ഇവള്‍ക്കൊപ്പം ഇല്ല