മൂന്നാം പ്രതി
ഇതിന് പിന്നാലെയാണ് ഞെട്ടിക്കുന്ന വെളിപ്പെടുത്തലുമായി അഞ്ജലി രംഗത്ത് എത്തിയിരിക്കുന്നത്. പ്രായപൂർത്തിയാകാത്ത പെൺകുട്ടികളെ ഫോർട്ട്കൊച്ചി നമ്പർ 18 ഹോട്ടലിൽ എത്തിച്ചു പീഡിപ്പിച്ചെന്നാണ് കേസ്. കേസിലെ മൂന്നാം പ്രതിയാണ് റീമദേവ്. എറണാകുളം പോക്സോ കോടതി മുൻപാകെ അഞ്ജലി കഴിഞ്ഞ ദിവസം കീഴടങ്ങുകയും ചെയ്തിരുന്നു. ഹൈക്കോടതി മുൻകൂർ ജാമ്യം അനുവദിച്ചതിനെ തുടർന്നായിരുന്നു അഞ്ജലി കോടതി മുൻപാകെ ജാമ്യക്കാർക്കൊപ്പം ഹാജരായത്.
എംഎൽഎയുടെ ഭാര്യ
ഗൂഢാലോചന നടത്തിയത് എംഎൽഎയുടെ ഭാര്യ ഉൾപ്പെടെ ആറുപേരാണെന്നാണ് അഞ്ജലിയുടെ വെളിപ്പെടുത്തൽ. ഇവരുടെ പേരുകൾ അന്വേഷണ സംഘത്തിനു മുന്നില്‍ വെളിപ്പെടുത്തുമെന്നും കള്ളപ്പണ ഇടപാടിനെ എതിർത്തതാണ് ഇത്തരത്തിൽ വിരോധം ഉണ്ടാകാൻ കാരണമെന്നുമാണ് അഞ്ജലി ഒരു സ്വകാര്യ മാധ്യമത്തിൽ വെളിപ്പെടുത്തൽ നടത്തിയിരിക്കുന്നത്.
ബ്ലാക്ക് മെയിലിങ്ങിന്റെ ഭാഗം
വയനാട് സ്വദേശിനിയായ പ്രായപൂര്‍ത്തിയാകാത്ത പെണ്‍കുട്ടിയെ നമ്പര്‍ 18 ഹോട്ടലിലെത്തിച്ച് പീഡിപ്പിച്ചെന്നാണ് കേസ്. കേസിലെ ആദ്യ രണ്ടു പ്രതികളാണ് റോയ് വയലാറ്റും സൈജു തങ്കച്ചനും. തങ്ങള്‍ക്ക് എതിരായ പരാതി ബ്ലാക്ക് മെയിലിങ്ങിന്റെ ഭാഗമാണെന്നാണ് പ്രതികളുടെ വാദം. 3 മാസം കഴിഞ്ഞ് പെണ്‍കുട്ടിയും അമ്മയും പരാതി നല്‍കിയത് അതിന്റെ തെളിവാണെന്നും പ്രതികൾ കോടതിയിൽ വാദിക്കുകയായിരുന്നു.