കൊച്ചി (Eranakulam): പിടി തോമസിന്റെ പൊതുദര്ശനത്തിനായി നാല് ലക്ഷത്തോളം രൂപ ചെലവഴിച്ച തൃക്കാക്കര നഗരസഭക്കെതിരെ പ്രതിഷേധം ശക്തമായതോടെ പണം തിരികെ നല്കി കോണ്ഗ്രസ്. ഡിസിസി പ്രസിഡന്റ് മുഹമ്മദ് ഷിയാസ് നാല് ലക്ഷം രൂപയുടെ ചെക് നഗരസഭാ സൂപ്രണ്ടിന് കൈമാറിയതായി അധ്യക്ഷ അജിത തങ്കപ്പന് അറിയിച്ചു. നഗരസഭയില് പ്രതിപക്ഷ പ്രതിഷേധം ശക്തമായ സാഹചര്യത്തിലായിരുന്നു അധ്യക്ഷ മാധ്യമങ്ങളെ വിളിച്ച് കാര്യം അറിയിച്ചത്.
ഒരു പൂവ് പോലും പറിക്കരുതെന്ന് പറഞ്ഞ പിടിക്കായി 1.27 ലക്ഷം രൂപയുടെ പൂക്കളുടെ ബില്ലായിരുന്നു അധ്യക്ഷ അജിതാ തങ്കപ്പന് നഗരസഭാ സെക്രട്ടറിക്ക് കൈമാറി പണമാക്കിയത്. നഗരസഭയ്ക്ക് 25,000 രൂപയിലധികം ഇത്തരത്തില് പിന്വലിക്കാന് കഴിയില്ലെന്നിരിക്കെയായിരുന്നു ഇത്. സംഭവം പ്രതിപക്ഷം വിവാദമാക്കിയതോടെ കോണ്ഗ്രസ് വെട്ടിലായി. പ്രതിപക്ഷ നേതാവ് വി ഡി സതീശനടക്കം മുഴുവന് ചെവലും കോണ്ഗ്രസ് വഹിക്കുമെന്ന് അറിയിച്ചു. എന്നിട്ടും പണം തിരികെ നല്കാന് വൈകിയതോടെ എല്ഡിഎഫ് അധ്യക്ഷയുടെ രാജി ആവശ്യപ്പെട്ട് കുത്തിയിരിപ്പ് സമരത്തിലായി. പിന്നാലെയാണ് ഡിസിസി അധ്യക്ഷന് പണം നല്കി തടിയൂരിയത്.
Topic: PT Thomas Funeral Controversy, PT Thomas, PT Thomas Public Viewing Issue