തൃക്കാക്കര(Ernakulam): തൃക്കാക്കര ഉപതിരഞ്ഞെടുപ്പിൽ യുഡിഎഫ് സ്ഥാനാർത്ഥി ഉമാ തോമസ് കാക്കനാട് കളക്ട്രേറ്റിൽ വരണാധികാരി വിധു മേനോനു മുമ്പിൽ നോമിനേഷൻ സമർപ്പിച്ചു. പെട്രോൾ, ഡീസൽ, പാചക വാതക വില വർധനവിൽ പ്രതിഷേധിച്ച് സൈക്കിൾ റിക്ഷയിലെത്തിലാണ് നോമിനേഷൻ സമർപ്പിച്ചത്. കേന്ദ്ര സംസ്ഥാന സർക്കാരുകൾ ഇന്ധനവില വർധനവിലൂടെ നടത്തുന്ന ജനദ്രോഹ നടപടിയിലുള്ള പ്രതിഷേധമായാണ് ഇത്തരം ഒരു രീതി സ്വീകരിച്ചതെന്ന് ഉമാ തോമസ് പറഞ്ഞു. വിജയിക്കുമെന്ന് തികഞ്ഞ ആത്മവിശ്വാസമുണ്ടെന്നും പി.ടി തുടങ്ങി വച്ച പ്രവർത്തനങ്ങൾ പൂർത്തിയാക്കണമെന്നും ഉമ തോമസ് പറഞ്ഞു.
ബെന്നി ബെഹനാൻ എം.പി,എം എൽ എ മാരായ ടി.ജെ വിനോദ് , എൽദോസ് കുന്നപ്പിള്ളി, അൻവർ സാദത്ത്, യു ഡി എഫ് നേതാക്കളായ ഷിബു തെക്കുംപുറം , വി.പി സജീന്ദ്രൻ, കെ പി ധനപാലൻ, പി.കെ ജലീൽ, ജോസഫ് അലക്സ് , നൗഷാദ് പല്ലച്ചി, ജോഷി പള്ളൻ തുടങ്ങിയവർ സന്നിഹിതരായിരുന്നു. കോൺഗ്രസിൻ്റെ മുതിർന്ന നേതാക്കളായ ടി എച്ച് മുസ്തഫ, പി പി തങ്കച്ചൻ എന്നിവരെ നേരിൽ കണ്ട് അനുഗ്രഹം വാങ്ങിയ ശേഷമാണ് ഉമാ തോമസ് നാമനിർദേശ പത്രിക നൽകാൻ എത്തിയത്.
Topic: Ernakulam News, Thrikkakkara By-election, Uma Thomas Nomination