സമ്പര്‍ക്ക രോഗികള്‍ സാമൂഹ്യവ്യാപനത്തിന് കാരണമാകുമോ? ആശങ്കയില്‍ എറണാകുളം ജില്ല!

കൊച്ചി: എറണാകുളം ജില്ലയില്‍ സമ്പര്‍ക്ക രോഗികളുടെ എണ്ണം വര്‍ധിക്കുന്നു. ഇന്നലെ ജില്ലയിൽ സ്ഥിരീകരിച്ച 47 പോസിറ്റീവ് കേസുകളില്‍ 35 എണ്ണവും സമ്പര്‍ക്കം വ‍ഴി രോഗബാധിതരായവരാണ്. അഞ്ച് പേരുടെ ഉറവിടവും കണ്ടെത്താനായിട്ടില്ല. ഇതോടെ ജില്ലയിലെ ആശുപത്രികളിൽ കൊവിഡ് രോഗം സ്ഥിരീകരിച്ച് ചികിത്സയിൽ കഴിയുന്നവരുടെ എണ്ണം 274 ആയി. കളമശേരി മെഡിക്കൽ കോളേജിൽ 116 പേരും അങ്കമാലി അഡല്ക്സിൽ 153 പേരും ഐഎൻഎച്ച്എസ് സഞ്ജീവനിയിൽ 2 പേരും, സ്വകാര്യ ആശുപത്രിയിൽ 3 പേരും ചികിത്സയിലുണ്ട്. ആലുവ, ചെല്ലാനം മേഖലകളാണ് സമൂഹവ്യാപന സാധ്യതയായി ആശങ്കയുളളതും.

രോഗബാധിതരില്‍ വിദേശത്ത് നിന്ന് വന്നവർ/ ഇതര സംസ്ഥാനത്ത് നിന്ന് വന്നവർ

ജൂലൈ 5 ന് മുംബൈ കൊച്ചി വിമാനത്തിലെത്തിയ 46 വയസുള്ള പെരുമ്പാവൂർ സ്വദേശിനി, ജൂലൈ 4 ന് റഷ്യ കൊച്ചി വിമാനത്തിലെത്തിയ 24 വയസുള്ള ഉദയംപേരൂർ സ്വദേശി, ജൂലൈ 8 ന് ഹൈദരാബാദ് കൊച്ചി വിമാനത്തിലെത്തിയ 16 വയസുള്ള ഹൈദരാബാദ് സ്വദേശിനി, ജൂൺ 28 ന് മസ്കറ്റ് കൊച്ചി വിമാനത്തിലെത്തിയ 33 വയസുള്ള നായത്തോട് അങ്കമാലി സ്വദേശി, ജൂൺ 20 ന് റിയാദ് കൊച്ചി വിമാനത്തിലെത്തിയ ഒരേ കുടുംബത്തിലെ 40 ,36 ,7,11 വയസുള്ള മഴുവന്നൂർ സ്വദേശികൾ, ജൂൺ 27 ന് ദുബായ് കൊച്ചി വിമാനത്തിലെത്തിയ 32 വയസുള്ള എറണാകുളം സ്വദേശി, ജൂൺ 21 ന് സൗദി കൊച്ചി വിമാനത്തിലെത്തിയ 32 വയസുള്ള വെളിയത്തുനാട് സ്വദേശി, മഹാരാഷ്ട്രയിൽ നിന്നും റോഡ് മാർഗം കൊച്ചിയിലെത്തിയ 13 വയസുള്ള ചേന്ദമംഗലം സ്വദേശിനി, ജൂലൈ 7 ന് മുംബൈ കൊച്ചി വിമാനത്തിലെത്തിയ 54 വയസുള്ള മഹാരാഷ്ട്ര സ്വദേശിയായ സ്വകാര്യ ഷിപ്പിംഗ് കമ്പനി ജീവനക്കാരനും കൊവിഡ് സ്ഥിരീകരിച്ചു.

Also Read: സമൂഹ വ്യാപനത്തെ നേരിടാനൊരുങ്ങി ജില്ലാ ഭരണകൂടം: എറണാകുളം മെഡിക്കൽ കോളേജിൽ അത്യാധുനിക കൊവിഡ് ഐസിയു

സമ്പർക്കം വഴി രോഗം ബാധിച്ചവർ

ജൂലൈ 10 ന് രോഗം സ്ഥിരീകരിച്ച കീഴ്മാട് സ്വദേശിയുടെ സമ്പർക്ക പട്ടികയില്‍ അദ്ദേഹത്തിന്‍റെ കുടുംബത്തിലെ 12 പേര്‍ക്കാണ് രോഗം ബാധിച്ചത്. അദ്ദേഹത്തിന്‍റെ 11,5, 45, 17, 21, 9, 13, 16, 42, 36, 47, 69 വയസുള്ള കുടുംബാംഗങ്ങളും, 38 വയസുള്ള കവളങ്ങാട് സ്വദേശിക്കും രോഗം സ്ഥിരീകരിച്ചു. ഇവരെല്ലാം തന്നെ ഇദ്ദേഹത്തിൻ്റെ കുടുംബത്തിൽ നടന്ന വളയിടൽ ചടങ്ങിൽ പങ്കെടുത്തവരാണ്.

രോഗം സ്ഥിരീകരിച്ച 67 വയസ്സുള്ള വെളിയത്തുനാട് സ്വദേശി ആലുവ, മരട് മാർക്കറ്റുകൾ സന്ദർശിച്ചിട്ടുണ്ട്. ആലുവയിലെ ഒരു കമ്പനിയിൽ സെക്യൂരിറ്റി ഗാർഡായ 67 വയസുള്ള കീഴ്മാട് സ്വദേശിയും, അദ്ദേഹത്തിന്‍റെ അടുത്ത ബന്ധുവായ 64 വയസുകാരിക്കും രോഗം സ്ഥിരീകരിച്ചു.

Also Read: _{എറണാകുളത്ത് മരിച്ചയാളുടെ സമ്പര്‍ക്കം വിപുലം; ആലുവയില്‍ സൂപ്പര്‍ സ്പ്രെഡിന് സാധ്യത!!}

35 വയസുള്ള ചൂർണിക്കര സ്വദേശി, 51 വയസുള്ള ശ്രീമൂലനഗരം സ്വദേശി, രണ്ടുപേരും ആലുവ മാർക്കറ്റ് സന്ദർശിച്ചവരാണ്. ജൂലൈ 6ന് രോഗം സ്ഥിരീകരിച്ച ചെല്ലാനം സ്വദേശിയുടെ സമ്പർക്ക പട്ടികയിലുള്ള അടുത്ത ബന്ധുവായ 62 വയസുള്ള ചെല്ലാനം സ്വദേശി, ജൂലൈ 7ന് രോഗം സ്ഥിരീകരിച്ച ചെല്ലാനം സ്വദേശിയുടെ അടുത്ത ബന്ധുവായ 43വയസുള്ള ചെല്ലാനം സ്വദേശിനി, ജൂലൈ 8ന് രോഗം സ്ഥിരീകരിച്ച മരട് സ്വദേശിയുടെ സഹപ്രവർത്തകയായ 53 വയസ്സുള്ള ഇടപ്പള്ളി സ്വദേശിനിയും, അവരുടെ അടുത്ത ബന്ധുവായ 21 വയസ്സുകാരിയും, ജൂലൈ 6ന് രോഗം സ്ഥിരീകരിച്ച 23 വയസ്സുള്ള വെണ്ണല സ്വദേശിനിയുടെ സമ്പർക്കപ്പട്ടികയിലുള്ള 24 വയസ്സുള്ള തമ്മനം സ്വദേശിനി, ആലപ്പുഴയിൽ രോഗം സ്ഥിരീകരിച്ച വ്യക്തിയുമായി സമ്പർക്കത്തിൽ വന്ന ആലപ്പുഴ ജില്ലയിലെ ഒരു സ്വകാര്യ സ്ഥാപനത്തിലെ സഹപ്രവർത്തകരായ 29 ,54 വയസുള്ള കുമ്പളങ്ങി സ്വദേശി, 50 വയസുള്ള പുത്തൻകുരിശ് സ്വദേശി, 26 വയസുള്ള പാണ്ടിക്കുടി സ്വദേശി, 51 വയസുള്ള തൃക്കാക്കര സ്വദേശി, 27 വയസുള്ള ചെല്ലാനം സ്വദേശിക്കും രോഗം സ്ഥിരീകരിച്ചു.

Also Read: സ്വപ്ന സുരേഷ് വ്യാജ ബിരുദ സര്‍ട്ടിഫിക്കറ്റ് നിര്‍മ്മിച്ചു... അന്വേഷണം വേണം, എറണാകുളം സെൻട്രൽ സ്റ്റേഷനിൽ അഭിഭാഷകൻ്റ പരാതി

ജൂലൈ 7 ന് രോഗം സ്ഥിരീകരിച്ച അലങ്ങാട് സ്വദേശിയുടെ സമ്പർക്ക പട്ടികയിലുള്ള 27 വയസുള്ള ആലുവയിലുള്ള ഹോട്ടൽ ജീവനക്കാരനായ ചൂർണ്ണിക്കര സ്വദേശി, ജൂലൈ 10 ന് രോഗം സ്ഥിരീകരിച്ച കീഴ്മാട് സ്വദേശിയുടെ സമ്പർക്ക പട്ടികയിലുള്ള 45 വയസുള്ള സ്വകാര്യ ബസ് ജീവനക്കാരനായ കീഴ്മാട് സ്വദേശി, ആലുവ മുനിസിപ്പാലിറ്റിയിലെ ശുചീകരണ തൊഴിലാളിയായ 23 വയസുള്ള ആലുവ സ്വദേശി, ജൂലൈ 4 ന് രോഗം സ്ഥിരീകരിച്ച കടുങ്ങല്ലൂർ സ്വദേശിയുടെ സമ്പർക്ക പട്ടികയിലുള്ള ആലുവ മുനിസിപ്പാലിറ്റിയിലെ ശുചീകരണ തൊഴിലാളിയായ 25 വയസുള്ള എടത്തല സ്വദേശി, 40 വയസുള്ള ചെല്ലാനം സ്വദേശിക്കും ഇന്നലെ രോഗം സ്ഥിരീകരിച്ചു. ഇദ്ദേഹം ആലപ്പുഴ ജില്ലയിൽ രോഗം സ്ഥിരീകരിച്ച മത്സ്യതൊഴിലാളിയുമായി സമ്പർക്കത്തിൽ വന്നിരുന്നു.