നെട്ടൂരിൽ കഞ്ചാവുമായി കൊലക്കേസ് പ്രതിയടക്കം 3 പേർ അറസ്റ്റിൽ

കൊച്ചി: നെട്ടൂരിൽ കഞ്ചാവുമായി കൊലക്കേസ് പ്രതിയടക്കം മൂന്ന് പേർ പിടിയിൽ. നെട്ടൂർ, കളപ്പുരയ്ക്കൽ വീട്ടിൽ, അനന്തു ശിവൻ (22), നെട്ടൂർ കളപ്പുരയ്ക്കൽ നന്ദു (22), നെട്ടൂർ, പാറയിൽ വീട്ടിൽ, ഷഫീഖ് (27) എന്നിവരാണ് പിടിയിലായത്. കൊച്ചി സിറ്റി ഡാൻസാഫും, പനങ്ങാട് പോലീസും നടത്തിയ രഹസ്യാന്വേഷണത്തിലാണ് പ്രതികൾ വലയിലായത്.

Also Read: മോഷണ കേസ് പ്രതി കൊവിഡ് സെന്‍ററില്‍ നിന്ന് രണ്ടാമതും രക്ഷപെട്ടു...വെട്ടിലായി പോലീസ്!

മുൻപ് നെട്ടൂരിൽ നടന്ന അർജുൻ വധക്കേസിലെ മൂന്നാം പ്രതിയാണ് അനന്തു ശിവൻ. നന്ദുവിനെ 130 ലഹരി ഗുളികകളുമായി പിടികൂടിയതിന് സെൻട്രൽ സ്റ്റേഷനിൽ കേസ് നിലവിലുണ്ട്. കുറച്ചു ദിവസങ്ങൾക്ക് മുൻപ് നെട്ടൂർ ജംങ്ഷനിൽ കഞ്ചാവ് മാഫിയകൾ തമ്മിലുണ്ടായ സംഘട്ടനത്തിൽ ഒരു യുവാവ് കൊല്ലപ്പെട്ടിരുന്നു. ഈ സംഭവത്തിന് ശേഷം പനങ്ങാട് പ്രദേശം കർശനമായ പോലീസ് നിരീക്ഷണത്തിലാണ്.

Also Read: അമ്പലങ്ങളുടെയും പള്ളികളുടെയും ഭണ്ഡാരo കുത്തി തുറന്നു മോഷണം; പുല്ലുവഴി സ്വദേശി പിടിയിൽ

കൊച്ചി സിറ്റി പോലീസ് കമ്മീഷണർ വിജയ് സാഖറെ IPS ന്റെ നിർദ്ദേശപ്രകാരം പനങ്ങാട് സ്റ്റേഷന്റെ പരിധിയിലുള്ള സ്ഥലങ്ങളിൽ പനങ്ങാട് പോലീസ് ഇൻസ്പെക്ടർ എ. അനന്തലാലിന്റെ നേതൃത്വത്തിൽ ഡാൻസാഫ് SI ജോസഫ് സാജൻ, പനങ്ങാട് SI റിജിൻ. എം.തോമസ്. ഡാൻ സാഫിലെ പൊലീസുകാർ എന്നിവർ ചേർന്ന് തുടർച്ചയായി പരിശോധനകൾ നടത്തിവരുന്നതിനിടയിലാണ് മൂന്ന് പേരും പിടിയിലാകുന്നത്. ഇവർക്ക് വൻതോതിൽ കഞ്ചാവ് എത്തിച്ചു കൊടുക്കുന്ന ലഹരി മാഫിയ സംഘത്തിനെ പിടികൂടുന്നതിന് പൊലീസ് അന്വേഷണം ഊർജിതമാക്കിയിട്ടുണ്ട്.