കൊച്ചി: കപ്പൽമാർഗം കൊച്ചിയിൽ എത്തിയ കരസേനയുടെ ആയുധങ്ങൾ ജബൽപൂരിലെ ആയുധ സംഭരണ ശാലയിലേക്ക് കൊണ്ടുപോയ ട്രക്കും കാറും കൂട്ടിയിടിച്ചു. ഇന്നലെ രാത്രി 11 മണിയോടെയായിരുന്നു സംഭവം.
Also Read: കോതമംഗലം താലൂക്കിൽ 145 പേർക്ക് പട്ടയം
തേവര കുണ്ടന്നൂർ പാലത്തിലൂടെ വാഹനം കടന്നു പോകുമ്പോൾ, എതിരെ വന്ന ബിഎംഡബ്ല്യു കാറിൽ ഇടിക്കുകയായിരുന്നു. കാറിനെ രക്ഷിക്കാനുള്ള ശ്രമത്തിൽ ഒരു വശത്തേക്ക് വെട്ടിച്ച ട്രക്ക് പാലത്തിൻ്റെ കൈവരി തകർത്ത് കായലിലേക്ക് ചെരിഞ്ഞു. രാത്രി തന്നെ കരസേന,നാവിക സേന, പോലീസ്, ഫയർഫോഴ്സ് ഉദ്യോഗസ്ഥരെത്തി ആയുധങ്ങൾ സുരക്ഷിത സ്ഥാനത്തേക്ക് മാറ്റിയ ശേഷം വാഹനം നീക്കം ചെയ്തു.
Also Read:സര്‍ക്കാരിന്റെ ഓണ സമ്മാനം; എറണാകുളത്ത് 1006 കുടുംബങ്ങള്‍ക്ക് പട്ടയം
രാത്രി ഈ പ്രദേശത്തുകൂടിയുള്ള ഗതാഗതവും നിരോധിച്ചിരുന്നു. സംഭവത്തിൽ ഗുരുതരമായി പരുക്കേറ്റ കാർ ഡ്രൈവറെ ആശുപത്രിയിൽ പ്രവേശിപ്പിച്ചു.