തൃപ്പൂണിത്തുറ: യുവാവിൻ്റെ അലക്ഷ്യമായ ബൈക്ക് യാത്രയിൽ പൊലിഞ്ഞ് 26 കാരി കാവ്യ. തൃപ്പൂണിത്തുറ എസ്എൻ ജംഗ്ഷനിലാണ് യുവതിയുടെ ജീവനെടുത്ത അപകടം നടന്നത്. ഉദയംപേരൂർ സ്വദേശി സിബിൻ്റെ ഭാര്യ കാവ്യയ്ക്കാണ് ദാരുണാന്ത്യം സംഭവിച്ചത്. കാവ്യ സഞ്ചരിച്ച സ്കൂട്ടറിൻ്റെ ഇടതുവശത്തുകൂടി വന്ന ബൈക്ക് യാത്രികൻ സ്കൂട്ടറിനെ ഓവർടേക്ക് ചെയ്തു യൂ ടേൺ എടുക്കാനായി പെട്ടെന്ന് വലത്തേക്ക് തിരിഞ്ഞതോടെയാണ് അപകടം. ബൈക്കിൽ തട്ടി ഇടതുവശത്തേക്ക് മറിഞ്ഞ കാവ്യയ്ക്ക് ബസിനടിയിൽ പെട്ടാണ് ജീവൻ നഷ്ടമായത്. അപകടത്തിൻ്റെ സിസിടിവി ദൃശ്യങ്ങൾ പുറത്തുവന്നു.
എസ്എൻ ജംഗ്ഷനു സമീപം അലയൻസ് ജംഗ്ഷനിൽ വ്യാഴാഴ്ച രാവിലെ 8.45 ഓടെയാണ് അപകടമുണ്ടായത്. പാലാരിവട്ടത്തെ സിനർജി ഓഷ്യാനിക് സർവീസ് സെൻ്ററിലെ സീനിയർ എക്സിക്യൂട്ടിവായിരുന്നു കാവ്യ. സ്കൂട്ടറിൽ ജോലിക്കു പോകുന്നതിനിടെയാണ് അപകടം ഉണ്ടായത്. ആമ്പല്ലൂർ സ്വദേശി വിഷ്ണുവാണ് അപകടത്തിനു കാരണമായ ബൈക്ക് ഓടിച്ചത്. ഇടതുവശത്തുകൂടി ഓവർടേക്ക് ചെയ്ത വിഷ്ണു അലക്ഷ്യമായി യൂ ടേൺ എടുത്തതാണ് അപകടത്തിനു കാരണമായതെന്ന് പുറത്തുവന്ന സിസിടിവി ദൃശ്യങ്ങൾ വ്യക്തമാക്കുന്നു. ബസിനടിയിൽ പെട്ട് ഗുരുതരമായി പരിക്കേറ്റ കാവ്യയെ ഉടൻ തന്നെ ആശുപത്രിയിൽ പ്രവേശിപ്പിച്ചെങ്കിലും മരണം സംഭവിക്കുകയായിരുന്നു.
ബൈക്ക് ഓടിച്ചിരുന്ന കാഞ്ഞിരമറ്റം ആമ്പല്ലൂർ സ്വദേശി കെ എൻ വിഷ്ണു (29), ബസ് ഡ്രൈവർ കാഞ്ഞിരമറ്റം ആമ്പല്ലൂർ സ്വദേശി സുജിത്ത് (38) എന്നിവരെ പോലീസ് അറസ്റ്റു ചെയ്തു. അപകടത്തിനു പിന്നാലെ കടന്നുകളഞ്ഞ വിഷ്ണുവിനെ സിസിടിവി ദൃശ്യങ്ങളുടെ സഹായത്തോടെയാണ് കസ്റ്റഡിയിലെടുത്തത്. കാവ്യയുടെ സംസ്കാരം ഇന്ന് രാവിലെ 11 മണിക്കു തൃപ്പൂണിത്തുറ ശ്മശാനത്തിൽ നടക്കും. മകൻ സിദ്ധാർഥ്.
എറണാകുളം ജില്ലയിലെ മുഴുവൻ വാര്ത്തകളും ഒറ്റ ക്ലിക്കിൽ ഇവിടെ വായിക്കാം
Read Latest Local News and Malayalam News
എസ്എൻ ജംഗ്ഷനു സമീപം അലയൻസ് ജംഗ്ഷനിൽ വ്യാഴാഴ്ച രാവിലെ 8.45 ഓടെയാണ് അപകടമുണ്ടായത്. പാലാരിവട്ടത്തെ സിനർജി ഓഷ്യാനിക് സർവീസ് സെൻ്ററിലെ സീനിയർ എക്സിക്യൂട്ടിവായിരുന്നു കാവ്യ. സ്കൂട്ടറിൽ ജോലിക്കു പോകുന്നതിനിടെയാണ് അപകടം ഉണ്ടായത്. ആമ്പല്ലൂർ സ്വദേശി വിഷ്ണുവാണ് അപകടത്തിനു കാരണമായ ബൈക്ക് ഓടിച്ചത്. ഇടതുവശത്തുകൂടി ഓവർടേക്ക് ചെയ്ത വിഷ്ണു അലക്ഷ്യമായി യൂ ടേൺ എടുത്തതാണ് അപകടത്തിനു കാരണമായതെന്ന് പുറത്തുവന്ന സിസിടിവി ദൃശ്യങ്ങൾ വ്യക്തമാക്കുന്നു. ബസിനടിയിൽ പെട്ട് ഗുരുതരമായി പരിക്കേറ്റ കാവ്യയെ ഉടൻ തന്നെ ആശുപത്രിയിൽ പ്രവേശിപ്പിച്ചെങ്കിലും മരണം സംഭവിക്കുകയായിരുന്നു.
ബൈക്ക് ഓടിച്ചിരുന്ന കാഞ്ഞിരമറ്റം ആമ്പല്ലൂർ സ്വദേശി കെ എൻ വിഷ്ണു (29), ബസ് ഡ്രൈവർ കാഞ്ഞിരമറ്റം ആമ്പല്ലൂർ സ്വദേശി സുജിത്ത് (38) എന്നിവരെ പോലീസ് അറസ്റ്റു ചെയ്തു. അപകടത്തിനു പിന്നാലെ കടന്നുകളഞ്ഞ വിഷ്ണുവിനെ സിസിടിവി ദൃശ്യങ്ങളുടെ സഹായത്തോടെയാണ് കസ്റ്റഡിയിലെടുത്തത്. കാവ്യയുടെ സംസ്കാരം ഇന്ന് രാവിലെ 11 മണിക്കു തൃപ്പൂണിത്തുറ ശ്മശാനത്തിൽ നടക്കും. മകൻ സിദ്ധാർഥ്.
എറണാകുളം ജില്ലയിലെ മുഴുവൻ വാര്ത്തകളും ഒറ്റ ക്ലിക്കിൽ ഇവിടെ വായിക്കാം
Read Latest Local News and Malayalam News