ക്വാറൻ്റൈൻ സെൻ്റർ കിട്ടിയില്ല; യുവാക്കള്‍ക്ക് സ്വന്തം വീട് വിട്ടു നൽകി വനിതാ മെമ്പർ, കുന്നുകരയിൽ നിന്ന് ഒരു ഉദാത്ത മാതൃക

കൊച്ചി: കൊവിഡ് കേസുകളുടെ എണ്ണം കൂടിയതോടെ വാർഡിൽ ഫസ്റ്റ് ലൈൻ ട്രീറ്റ്മെൻ്റ് സെൻ്റർ ഒരുക്കാൻ കഴിയാതെയായി. വീടുകൾ അന്വേഷിച്ചെങ്കിലും കിട്ടിയില്ല. ഒടുവിൽ വാർഡ് മെംബർ സ്വന്തം വീട് തന്നെ ക്വാറൻ്റൈൻ കേന്ദ്രമാക്കി മാറ്റി. ആലുവ കുന്നുകര ഗ്രാമപഞ്ചായത്തിലെ അഞ്ചാം വാർഡ് വനിത മെമ്പറായ ഷിജി ജോഷിയാണ് ഒരു കൂട്ടം ചെറുപ്പക്കാർക്ക് ക്വാറൻ്റൈനിൽ കഴിയാനായി സ്വന്തം വീട് വിട്ടുനൽകി മറ്റൊരിടത്തേക്ക് താമസം മാറിയത്.

Also Read: കസ്റ്റഡി മരണങ്ങളും മര്‍ദ്ദനങ്ങളുമെല്ലാം ഇനി പഴങ്കഥ, ലോകത്തിലെ നമ്പര്‍ വണ്‍ പോലീസാകാന്‍ ഒരുങ്ങി കേരള പോലീസ്

വാർഡിൽ മാത്രം 37 ലധികം പേർ കൊവിഡ് രോഗികളുമായി നേരിട്ട് സമ്പർക്കം വന്നതോടെയാണ് പ്രതിസന്ധിയിലായത്. തുടർന്ന് മൂന്ന് ഒഴിഞ്ഞുകിടന്ന കെട്ടിടങ്ങൾ ക്വാറൻ്റൈൻ കേന്ദ്രമാക്കാൻ നോക്കിയെങ്കിലും കഴിഞ്ഞില്ല. ഇതോടെ സ്വന്തം വീട് തന്നെ വിട്ടു നൽകുകയായിരുന്നു. 15 ലധികം ചെറുപ്പക്കാരാണ് ഇപ്പോൾ മെമ്പറുടെ വീട്ടിൽ ക്വാറൻ്റൈനിൽ കഴിയുന്നത്. കൊവിഡ് പ്രതിരോധ പ്രവർത്തനങ്ങൾക്ക് ഉദാത്ത മാതൃകയായി മാറുകയാണ് ഷിജി ജോഷി.


എറണാകുളം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ

എറണാകുളം ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ