ഇടുക്കി(Idukki): 7 വയസുകാരനായ പേരക്കുട്ടിയെ പ്രകൃതി വിരുദ്ധ പീഡനത്തിന് ഇരയാക്കിയ മുത്തശ്ശന് 73 വര്‍ഷം തടവും ഒരു ലക്ഷത്തിന് അറുപതിനായിരം രൂപ പിഴയും ശിക്ഷ വിധിച്ച് കോടതി. 64കാരനായ വയോധികനെയാണ് കോടതി ശിക്ഷിച്ചത്. പോക്‌സോ ഉള്‍പ്പെടെ വിവിധ വകുപ്പുകള്‍ ചുമത്തിയാണ് ഇയാള്‍ക്കെതിരെ കേസെടുത്തിരുന്നത്. വിവിധ വകുപ്പുകളിലായി 73 വര്‍ഷം തടവിന് വിധിച്ചിട്ടുണ്ടെങ്കിലും ഒരുമിച്ച് 20 വര്‍ഷമാണ് ജയില്‍ ശിക്ഷ അനുഭവിക്കേണ്ടത്.
കേസിന്റെ വിചാരണ വേളയില്‍ കുട്ടിയുടെ അച്ഛന്‍ കൂറുമാറിയിരുന്നു. പ്രതി പിഴയൊടുക്കേണ്ട തുക പൂര്‍ണമായും കുട്ടിയുടെ പുനരധിവാസത്തിന് ഉപയോഗിക്കും. അമ്പതിനായിരം രൂപ ഇരകള്‍ക്കുള്ള നഷ്ടപരിഹാര പദ്ധതിയില്‍ നിന്ന് കുട്ടിക്ക് നല്‍കുവാന്‍ ജില്ലാ ലീഗല്‍ സര്‍വീസ് അതോരിറ്റിയോട് നിര്‍ദ്ദേശിച്ചിട്ടുണ്ട്. പ്രോസിക്യൂഷന് വേണ്ടി സെപ്ഷ്യല്‍ പബ്ലിക് പ്രോസിക്യൂട്ടര്‍ അഡ്വ. സനീഷ് എസ്എസ് ആണ് ഹാജരായത്.
Topic: Idukki, Idukki Pocso case, 73 years imprisonment