മയക്കുവെടി ഉത്തരവ് തയ്യാർ, അരിക്കൊമ്പന്റെ ആക്രമണം വീണ്ടും, വീടും കൃഷി സ്ഥലവും തകർത്തു
അരിക്കൊമ്പനെ മയക്കുവെടിവെച്ച് കീഴ്പ്പെടുത്താനുള്ള ഉത്തരവ് നിലനിൽക്കെ വീണ്ടും ആക്രമണം. കൃഷി തോട്ടവും വീടും കാട്ടാന നശിപ്പിച്ചു. തോണ്ടിമല ചുണ്ടലിലാണ് വീണ്ടും അരിക്കൊമ്പന്റെ ആക്രമണം ഉണ്ടായത്. നാട്ടുകാർ ബഹളം വെടച്ചതോടെയാണ് ആന പിന്മാറിയത്.
ഹൈലൈറ്റ്:
- ഇടുക്കിയിൽ വീണ്ടും കാട്ടാന ആക്രമണം.
- അരിക്കൊമ്പനാണ് കൃഷി സ്ഥലവും വീടും നശിപ്പിച്ചത്.
- മയക്കുവെടിവെച്ച് പിടികൂടാനിരിക്കെയാണ് ആക്രമണം നടന്നത്.
ഇടുക്കി: മയക്കുവെടി വെച്ച് പിടികൂടാൻ സർക്കാർ ഉത്തരവ് തയാറായിരിക്കേ അരിക്കൊമ്പന്റെ ആക്രമണം വീണ്ടും. ചിന്നക്കനാൽ തോണ്ടിമല ചുണ്ടലിൽ വീടും കൃഷിസ്ഥലവും കാട്ടുക്കൊമ്പൻ നശിപ്പിച്ചു. ഇന്ന് പുലർച്ചയാണ് തോണ്ടിമല ചുണ്ടലിൽ വീണ്ടും അരിക്കൊമ്പന്റെ ആക്രമണമുണ്ടായത്. ചൂണ്ടിൽ സ്വദ്ദേശി ചുരുളീനാഥൻ എന്ന ആളുടെ വീട് ആന ഭാഗികമായി തകർത്തു. ചുണ്ടൽ സ്വദേശി ജോൺസന്റെ കൃഷി സ്ഥലം പൂർണ്ണമായും ആന നശിപ്പിച്ചു. ആക്രമണം നടത്തിയ ആന ജനവാസ മേഖലയിൽ തന്നെ ഏറെ നേരം തുടർന്നു. പിന്നീട് തോണ്ടിമലയിൽ നിന്നും പിൻവാങ്ങിയ അരിക്കൊമ്പൻ പന്നിയാർ എസ്റ്റേറ്റ് മേഖലയിലേക്ക് നീങ്ങി.
നാട്ടുകാർ ശബ്ദം ഉണ്ടാക്കിയതോടെയാണ് അരിക്കൊമ്പൻ പിൻവാങ്ങിയത്. അരിക്കൊമ്പനെ പിടികൂടി മാറ്റാൻ ചീഫ് വൈൽഡ് ലൈഫ് വാർഡൻ കഴിഞ്ഞദിവസം ഉത്തരവിട്ടിരുന്നു. അതിനുശേഷം മാത്രം അഞ്ച് വീടുകൾ അരിക്കൊമ്പൻ തകർത്തു. ആനയെ പിടികൂടി മാറ്റുന്ന നടപടി എത്രയും വേഗം തുടങ്ങണം എന്നാണ് നാട്ടുകാരുടെ ആവശ്യം. എന്നാൽ അരിക്കൊമ്പനെ പിടികൂടണമെങ്കിൽ രണ്ടാഴ്ച കൂടി കാത്തിരിക്കണം എന്നാണ് വനം വകുപ്പിൽ നിന്ന് ലഭിക്കുന്ന സൂചന.
കഴിഞ്ഞ ഏഴ് വര്‍ഷത്തിനിടെ ദേവികുളം റേഞ്ചില്‍ കാട്ടാന ആക്രമണത്തില്‍ 13 ജീവനുകള്‍ നഷ്ടപെടുകയും മൂന്ന് പേര്‍ക്ക് ഗുരുതരമായി പരുക്കേല്‍ക്കുകയും ചെയ്തു. നിരവധി വീടുകളും ഏക്കറു കണക്കിന് ഭൂമിയിലെ കൃഷിയും നശിച്ചു. നാശ നഷ്ടങ്ങളില്‍ ഏറിയ പങ്കും വരുത്തിയത്, അരികൊമ്പനാണ്. ഈ സാഹചര്യത്തിലാണ് അപകടകാരിയായ ഒറ്റയാനെ പിടികൂടാന്‍ വനം വകുപ്പ് നടപടി ആരംഭിക്കുന്നത്.
വാഹനത്തിൽ കയറ്റാനായില്ലങ്കിൽ റേഡിയോ കോളർ നിരീക്ഷണം
മേഖലയിലെ ദുര്‍ഘടമായ ഭൂപ്രകൃതി മൂലം, മയക്ക് വെടി വെച്ച ശേഷം ആനയെ വാഹനത്തില്‍ കയറ്റാന്‍ സാധിക്കില്ലെങ്കില്‍ റേഡിയോ കോളര്‍ ഘടിപ്പിച്ച് നിരീക്ഷിക്കും. ഹൈറേഞ്ച് സര്‍ക്കിള്‍ സി.സി.എഫിന്റെ സാനിധ്യത്തില്‍ ചീഫ് വെറ്റിനറി ഓഫീസറുടെ മേല്‍നോട്ടത്തില്‍, നടപടികള്‍ സ്വീകരിക്കാനും ഉത്തരവ് നിര്‍ദേശിക്കുന്നു.
ഇടുക്കി ജില്ലയിലെ മുഴുവൻ വാ‍ര്‍ത്തകളും ഒറ്റ ക്ലിക്കിൽ ഇവിടെ വായിക്കാം
Read Latest Local News and Malayalam News
നാട്ടുകാർ ശബ്ദം ഉണ്ടാക്കിയതോടെയാണ് അരിക്കൊമ്പൻ പിൻവാങ്ങിയത്. അരിക്കൊമ്പനെ പിടികൂടി മാറ്റാൻ ചീഫ് വൈൽഡ് ലൈഫ് വാർഡൻ കഴിഞ്ഞദിവസം ഉത്തരവിട്ടിരുന്നു. അതിനുശേഷം മാത്രം അഞ്ച് വീടുകൾ അരിക്കൊമ്പൻ തകർത്തു. ആനയെ പിടികൂടി മാറ്റുന്ന നടപടി എത്രയും വേഗം തുടങ്ങണം എന്നാണ് നാട്ടുകാരുടെ ആവശ്യം. എന്നാൽ അരിക്കൊമ്പനെ പിടികൂടണമെങ്കിൽ രണ്ടാഴ്ച കൂടി കാത്തിരിക്കണം എന്നാണ് വനം വകുപ്പിൽ നിന്ന് ലഭിക്കുന്ന സൂചന.
കഴിഞ്ഞ ഏഴ് വര്‍ഷത്തിനിടെ ദേവികുളം റേഞ്ചില്‍ കാട്ടാന ആക്രമണത്തില്‍ 13 ജീവനുകള്‍ നഷ്ടപെടുകയും മൂന്ന് പേര്‍ക്ക് ഗുരുതരമായി പരുക്കേല്‍ക്കുകയും ചെയ്തു. നിരവധി വീടുകളും ഏക്കറു കണക്കിന് ഭൂമിയിലെ കൃഷിയും നശിച്ചു. നാശ നഷ്ടങ്ങളില്‍ ഏറിയ പങ്കും വരുത്തിയത്, അരികൊമ്പനാണ്. ഈ സാഹചര്യത്തിലാണ് അപകടകാരിയായ ഒറ്റയാനെ പിടികൂടാന്‍ വനം വകുപ്പ് നടപടി ആരംഭിക്കുന്നത്.
വാഹനത്തിൽ കയറ്റാനായില്ലങ്കിൽ റേഡിയോ കോളർ നിരീക്ഷണം
മേഖലയിലെ ദുര്‍ഘടമായ ഭൂപ്രകൃതി മൂലം, മയക്ക് വെടി വെച്ച ശേഷം ആനയെ വാഹനത്തില്‍ കയറ്റാന്‍ സാധിക്കില്ലെങ്കില്‍ റേഡിയോ കോളര്‍ ഘടിപ്പിച്ച് നിരീക്ഷിക്കും. ഹൈറേഞ്ച് സര്‍ക്കിള്‍ സി.സി.എഫിന്റെ സാനിധ്യത്തില്‍ ചീഫ് വെറ്റിനറി ഓഫീസറുടെ മേല്‍നോട്ടത്തില്‍, നടപടികള്‍ സ്വീകരിക്കാനും ഉത്തരവ് നിര്‍ദേശിക്കുന്നു.
ഇടുക്കി ജില്ലയിലെ മുഴുവൻ വാ‍ര്‍ത്തകളും ഒറ്റ ക്ലിക്കിൽ ഇവിടെ വായിക്കാം
Read Latest Local News and Malayalam News