കട്ടപ്പന: ഗ്രൂപ്പ് പോരിനെ തുടർന്ന് കട്ടപ്പന നഗരസഭയിൽ ഭരണ പ്രതിസന്ധി രൂക്ഷമാക്കി നഗരസഭാ വൈസ് ചെയർമാനും ഡിസിസി വൈസ് പ്രസിഡൻ്റുമായ ജോയി വെട്ടിക്കുഴി രാജിവെച്ചു. വൈസ് ചെയർമാൻ്റെ രാജിക്കു പിന്നാലെ കട്ടപ്പനയിലെ കോൺഗ്രസിൽ വിവാദം പുകയുകയാണ്. ഭരണനേതൃത്വത്തിലുള്ളവരുടെ ഏകപക്ഷീയ നിലപാടുകളാണ് ജോയി വെട്ടിക്കുഴി രാജിവെക്കാൻ ഇടയാക്കിയതെന്ന നിലപാടുമായി എ വിഭാഗം രംഗത്തെത്തി. എന്നാൽ നഗരസഭയിൽ ഭരണപ്രതിസന്ധിയില്ലെന്ന് ഐ വിഭാഗം നേതാവും മുൻ നഗരസഭാ ചെയർമാനുമായ ജോണി കുളംപ്പള്ളി തുറന്നടിച്ചു.
ചെയർപേഴ്സൺ ചെയ്യേണ്ട ജോലികൾ കൃത്യമായി ചെയ്യുന്നുണ്ടെന്നും അത് വൈസ് ചെയർമാൻ ചെയ്യാൻ ശ്രമിക്കുന്നത് ഉചിതമല്ലെന്നും അദ്ദേഹം പറഞ്ഞു.
കഴിഞ്ഞ വ്യാഴാഴ്ചയാണ് നഗരസഭാ വൈസ് ചെയർമാനും ധനകാര്യ സ്റ്റാൻഡിങ് കമ്മിറ്റി അധ്യക്ഷനുമായിരുന്ന എ വിഭാഗത്തിൻ്റെ ഇടുക്കിയിലെ പ്രമുഖ നേതാവ് ജോയി വെട്ടിക്കുഴി രാജിവെച്ചത്. വ്യക്തിപരമായ കാരണങ്ങളാലാണ് താൻ രാജിവെച്ചതെന്നായിരുന്നു ജോയി വെട്ടിക്കുഴി ഫേസ്ബുക്കിലൂടെ നൽകിയ വിശദീകരണം. എന്നാൽ രാജിക്ക് കാരണം കോൺഗ്രസ് എ-ഐ ഗ്രൂപ്പുകൾക്കിടയിലെ അഭിപ്രായ ഭിന്നതയാണെന്നാണ് ആക്ഷേപം.
കട്ടപ്പന നഗരസഭയിൽ ചെയർപേഴ്സൺ സ്ഥാനം ഐ ഗ്രൂപ്പ് പ്രതിനിധിക്കാണ്. നഗരസഭയിൽ ചെയർപേഴ്സൺ വനിതാസംവരണം ആയതിനാൽ ഐ ഗ്രൂപ്പ് നേതാവിൻ്റെ നോമിനിയാണ് ഇവിടെ ചെയർപേഴ്സണായത്. ഐ ഗ്രൂപ്പ് നോമിനിയായ ചെയർപേഴ്സൻ്റെ ഏകപക്ഷീയ നിലപാടുകൾ വൈസ് ചെയർമാൻ അടക്കം ചൂണ്ടിക്കാണിച്ചാൽ പരിഹരിക്കാനോ കേൾക്കാനോ ഭരണനേതൃത്വം തയ്യാറാകുന്നില്ലെന്നും ഐ വിഭാഗം പകപോക്കുകയാണെന്നും എ വിഭാഗം നേതാക്കൾ ആരോപിക്കുന്നു. എന്തായാലും ഗ്രൂപ്പ് പോരിനെ തുടർന്ന് കട്ടപ്പന നഗരസഭയിൽ ഭരണ പ്രതിസന്ധി രൂക്ഷമായിരിക്കുകയാണ്.
ഇടുക്കി ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ
ഇടുക്കി ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ
ചെയർപേഴ്സൺ ചെയ്യേണ്ട ജോലികൾ കൃത്യമായി ചെയ്യുന്നുണ്ടെന്നും അത് വൈസ് ചെയർമാൻ ചെയ്യാൻ ശ്രമിക്കുന്നത് ഉചിതമല്ലെന്നും അദ്ദേഹം പറഞ്ഞു.
കഴിഞ്ഞ വ്യാഴാഴ്ചയാണ് നഗരസഭാ വൈസ് ചെയർമാനും ധനകാര്യ സ്റ്റാൻഡിങ് കമ്മിറ്റി അധ്യക്ഷനുമായിരുന്ന എ വിഭാഗത്തിൻ്റെ ഇടുക്കിയിലെ പ്രമുഖ നേതാവ് ജോയി വെട്ടിക്കുഴി രാജിവെച്ചത്. വ്യക്തിപരമായ കാരണങ്ങളാലാണ് താൻ രാജിവെച്ചതെന്നായിരുന്നു ജോയി വെട്ടിക്കുഴി ഫേസ്ബുക്കിലൂടെ നൽകിയ വിശദീകരണം. എന്നാൽ രാജിക്ക് കാരണം കോൺഗ്രസ് എ-ഐ ഗ്രൂപ്പുകൾക്കിടയിലെ അഭിപ്രായ ഭിന്നതയാണെന്നാണ് ആക്ഷേപം.
കട്ടപ്പന നഗരസഭയിൽ ചെയർപേഴ്സൺ സ്ഥാനം ഐ ഗ്രൂപ്പ് പ്രതിനിധിക്കാണ്. നഗരസഭയിൽ ചെയർപേഴ്സൺ വനിതാസംവരണം ആയതിനാൽ ഐ ഗ്രൂപ്പ് നേതാവിൻ്റെ നോമിനിയാണ് ഇവിടെ ചെയർപേഴ്സണായത്. ഐ ഗ്രൂപ്പ് നോമിനിയായ ചെയർപേഴ്സൻ്റെ ഏകപക്ഷീയ നിലപാടുകൾ വൈസ് ചെയർമാൻ അടക്കം ചൂണ്ടിക്കാണിച്ചാൽ പരിഹരിക്കാനോ കേൾക്കാനോ ഭരണനേതൃത്വം തയ്യാറാകുന്നില്ലെന്നും ഐ വിഭാഗം പകപോക്കുകയാണെന്നും എ വിഭാഗം നേതാക്കൾ ആരോപിക്കുന്നു. എന്തായാലും ഗ്രൂപ്പ് പോരിനെ തുടർന്ന് കട്ടപ്പന നഗരസഭയിൽ ഭരണ പ്രതിസന്ധി രൂക്ഷമായിരിക്കുകയാണ്.
ഇടുക്കി ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ
ഇടുക്കി ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ