ഇടുക്കി: കൊവിഡ് പ്രതിസന്ധിക്ക് ഇടയിലും സിനിമാക്കാരുടെ ഭാഗ്യലൊക്കേഷനായി ഇടുക്കി. കൊവിഡില് ഏര്പ്പെടുത്തിയിരുന്ന വിലക്കുകള് നീങ്ങി തുടങ്ങിയതോടെ ഇടുക്കിയില് സിനിമാ ചിത്രീകരണങ്ങളും സജീവമായി. ഹൈറേഞ്ചിന്റെ ദൃശ്യചാരുതയ്ക്കു നടുവില് നിരവധി സിനിമകളുടെ ചിത്രീകരണമാണ് പുരോഗമിക്കുന്നത.
ജിത്തു ജോസഫ് സംവിധാനം ചെയുന്ന ദൃശ്യം 2 വിന്റെ ചിത്രീകരണം തൊടുപുഴയില് ഏറെക്കുറെ പൂര്ത്തിയായപ്പോള് സുരേഷ് ഗോപി നായകനാകുന്ന കാവല് എന്ന സിനിമയുടെ ചിത്രീകരണം ഇടുക്കിയില് പുരോഗമിക്കുകയാണ്. വിജയ് സേതുപതി നായകനാകുന്ന അന്യഭാക്ഷ ചിത്രത്തിന്റെ പ്രധാന ലൊക്കേഷനുകളിലൊന്നും ഇടുക്കിയാണ്.
Also Read: ബിനീഷ് കോടിയേരിക്കെതിരെ പറഞ്ഞാല് ഇതാണ് അവസ്ഥ!! മുന് ഡ്രൈവറുടെ നേതൃത്വത്തില് ക്രൂരമായ ആക്രമണം, പരാതിയുമായി ലോറന്സ്
അതേസമയം ഇടുക്കിയിലെ തന്നെ പ്രാദേശിക കലാകാരന്മാര് വേഷമിടുന്ന എയ്ഡന് എന്ന സിനിമയുടെ ചിത്രീകരണവും രാജകുമാരി രാജാക്കാട് മേഖലകളില് പുരോഗമിക്കുന്നു. ഹൈറേഞ്ചിന്റെ പശ്ചാത്തലത്തില് ഒരുങ്ങുന്ന ഹൊറര് മൂവിയാണ് എയ്ഡന്. അടിമാലി, രാജാക്കാട് ,രാജകുമാരി സേനാപതി തുടങ്ങി ഹൈറേഞ്ചിന്റെ വിവിധ മേഖലകളില് ചിത്രീകരണങ്ങള് നടന്നു വരുന്നു. മലഞ്ചെരുവുകളുടെ വശ്യതയും മനോഹര ദൃശ്യങ്ങളും ക്യാമറയില് ഒപ്പിയെടുത്ത് പ്രേക്ഷകര്ക്ക് സമ്മാനിക്കൊനുരുങ്ങുന്ന തിരക്കിലാണ് പല സിനിമകളുടെയും അണിയറ പ്രവര്ത്തകര്.
ചിലവ് ചുരുക്കി സിനിമയെടുക്കാം എന്നതും ഇടുക്കിയില് നിര്മിച്ച സിനിമളുടെ വിജയനിരക്ക് കൂടുതലാണെന്നതുമാണ് പല സംവിധായകരും ഇടുക്കിയെ ഭാഗ്യലോക്കേഷനായി തിരഞ്ഞെടുക്കുന്നതിനുള്ള കാരണം. ഈറ്റ, വൈശാലി തുടങ്ങിയ പഴയകാല സിനിമ മുതല് ന്യൂജന് സിനിമകളായ മഹേഷിന്റെ പ്രതികാരം, കെട്ടിയോളാണ് മാലാഖ തുടങ്ങി നിരവിധി ചിത്രങ്ങളിലും ഇടുക്കി പ്രധാന ലൊക്കേഷനായി മാറിയിരുന്നു. ഡിസംബര് മാസത്തോടെ മ്റ്റ് ചില സിനിമകളുടെ ചിത്രീകരണങ്ങളും ഇടുക്കിയില് ആരംഭിക്കും.