ഇടുക്കി: ഇടുക്കി ജില്ലയിൽ തെരഞ്ഞെടുപ്പ് ബോധവത്കരണത്തിന് (സ്വീപ്) യന്ത്രമനുഷ്യനെത്തി. സംസ്ഥാന ഇലക്ഷന്‍ വിഭാഗം ആവിഷ്‌കരിച്ചിട്ടുള്ള ഏറ്റവും പുതിയ ഡിജിറ്റല്‍ ബോധവത്കരണ പരിപാടിയുടെ ഭാഗമായിട്ടാണ് സാന്‍ബോട്ട് എന്ന പേരിലുള്ള രണ്ട് ഇന്‍കര്‍ റോബോട്ടുകളെ രംഗത്തിറക്കിയത്. തൊടുപുഴ മുനിസിപ്പല്‍ ബസ് സ്റ്റാന്‍ഡ്, സിവില്‍ സ്റ്റേഷന്‍, ജില്ലാ കളക്ടറേറ്റ്, കട്ടപ്പന ബസ് സ്റ്റാന്‍ഡ് എന്നിവിടങ്ങളില്‍ ജില്ലാ ഇലക്ഷന്‍ വിഭാഗം നടത്തുന്ന സ്വീപ് പരിപാടിയുടെ ഭാഗമായി റോബോട്ടിനെ അവതരിപ്പിച്ചു.
വോട്ടര്‍മാരുമായി ഇലക്ഷൻ്റെ പ്രാധാന്യത്തെ കുറിച്ച് റോബോട്ട് സംവദിച്ചു. പൊതു ജനങ്ങളും സര്‍ക്കാര്‍ ജീവനക്കാരും ഉള്‍പ്പെടെ നിരവധിയാളുകള്‍ ബോധവല്‍ക്കരണ പരിപാടിയില്‍ സംബന്ധിച്ചു.
തെരഞ്ഞെടുപ്പുമായി ബന്ധപ്പെട്ട സംശയങ്ങള്‍ ചോദിക്കുന്ന വോട്ടര്‍മാരുമായി ഇംഗ്ലീഷിലാണ് റോബോട്ട് സംവദിക്കുക. ജില്ലാ ആസ്ഥാനത്ത് കളക്ടര്‍ എച്ച് ദിനേശന്‍, അസി. കളക്ടറും സ്വീപ് നോഡല്‍ ഓഫീസറുമായ സൂരജ് ഷാജി എന്നിവരുമായും റോബോട്ട് സംസാരിച്ചു. ജില്ലയിലെ എല്ലാ വിഭാഗം ആളുകളെയും പോളിങ് ബൂത്തിലെത്തിക്കുക എന്ന ലക്ഷ്യത്തിലാണ് ജില്ലയില്‍ റോബോട്ടിനെ ഉപയോഗിച്ച് ബോധവല്‍ക്കരണം സംഘടിപ്പിച്ചതെന്ന് കളക്ടര്‍ എച്ച് ദിനേശന്‍ പറഞ്ഞു.
ആള്‍ക്കൂട്ടത്തിലേക്ക് കടന്ന് ചെന്നാണ് റോബോട്ടുകളുടെ സംവാദമെന്ന പ്രത്യേകതയുമുണ്ട്. ഇതിന് പുറമേ റോബോട്ടില്‍ ഘടിപ്പിച്ചിരിക്കുന്ന സ്‌ക്രീനില്‍ ഇലക്ഷന്‍ സംബന്ധമായുള്ള വിവിധ വീഡിയോകള്‍ പ്രദര്‍ശിപ്പിക്കുന്നുമുണ്ട്. മനുഷ്യ സദൃശ്യ ആകാരത്തോടു കൂടിയ സാന്‍ബോട്ട് എന്ന റോബോട്ടിന് കണ്ടും കേട്ടും കാര്യങ്ങള്‍ ഗ്രഹിക്കുന്നതിന് 60 സെന്‍സറുകളാണുള്ളത്. മനുഷ്യൻ്റെ കണ്ണുകള്‍ പോലെ രണ്ട് ക്യാമറകളാണ് ചുറ്റുപാടുംതിരിച്ചറിയുന്നത്. മനുഷ്യരെപ്പോലെ തന്നെ ശബ്ദം കേള്‍ക്കാനും കഴിവുണ്ട്. കൈകള്‍ ചലിപ്പിക്കാനും ആശയ വിനിമയത്തിനും കഴിയും. സ്റ്റാര്‍ട്ട്അപ്പ് സംരംഭമായ തൃശൂരിലെ ഇന്‍കര്‍ റോബോട്ടിക്‌സാണ് റോബോട്ടുകളെ ജില്ലയിലെത്തിച്ചിട്ടുള്ളത്.
ഇടുക്കി ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ
ഇടുക്കി ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ
വോട്ടര്‍മാരുമായി ഇലക്ഷൻ്റെ പ്രാധാന്യത്തെ കുറിച്ച് റോബോട്ട് സംവദിച്ചു. പൊതു ജനങ്ങളും സര്‍ക്കാര്‍ ജീവനക്കാരും ഉള്‍പ്പെടെ നിരവധിയാളുകള്‍ ബോധവല്‍ക്കരണ പരിപാടിയില്‍ സംബന്ധിച്ചു.
തെരഞ്ഞെടുപ്പുമായി ബന്ധപ്പെട്ട സംശയങ്ങള്‍ ചോദിക്കുന്ന വോട്ടര്‍മാരുമായി ഇംഗ്ലീഷിലാണ് റോബോട്ട് സംവദിക്കുക. ജില്ലാ ആസ്ഥാനത്ത് കളക്ടര്‍ എച്ച് ദിനേശന്‍, അസി. കളക്ടറും സ്വീപ് നോഡല്‍ ഓഫീസറുമായ സൂരജ് ഷാജി എന്നിവരുമായും റോബോട്ട് സംസാരിച്ചു. ജില്ലയിലെ എല്ലാ വിഭാഗം ആളുകളെയും പോളിങ് ബൂത്തിലെത്തിക്കുക എന്ന ലക്ഷ്യത്തിലാണ് ജില്ലയില്‍ റോബോട്ടിനെ ഉപയോഗിച്ച് ബോധവല്‍ക്കരണം സംഘടിപ്പിച്ചതെന്ന് കളക്ടര്‍ എച്ച് ദിനേശന്‍ പറഞ്ഞു.
ആള്‍ക്കൂട്ടത്തിലേക്ക് കടന്ന് ചെന്നാണ് റോബോട്ടുകളുടെ സംവാദമെന്ന പ്രത്യേകതയുമുണ്ട്. ഇതിന് പുറമേ റോബോട്ടില്‍ ഘടിപ്പിച്ചിരിക്കുന്ന സ്‌ക്രീനില്‍ ഇലക്ഷന്‍ സംബന്ധമായുള്ള വിവിധ വീഡിയോകള്‍ പ്രദര്‍ശിപ്പിക്കുന്നുമുണ്ട്. മനുഷ്യ സദൃശ്യ ആകാരത്തോടു കൂടിയ സാന്‍ബോട്ട് എന്ന റോബോട്ടിന് കണ്ടും കേട്ടും കാര്യങ്ങള്‍ ഗ്രഹിക്കുന്നതിന് 60 സെന്‍സറുകളാണുള്ളത്. മനുഷ്യൻ്റെ കണ്ണുകള്‍ പോലെ രണ്ട് ക്യാമറകളാണ് ചുറ്റുപാടുംതിരിച്ചറിയുന്നത്. മനുഷ്യരെപ്പോലെ തന്നെ ശബ്ദം കേള്‍ക്കാനും കഴിവുണ്ട്. കൈകള്‍ ചലിപ്പിക്കാനും ആശയ വിനിമയത്തിനും കഴിയും. സ്റ്റാര്‍ട്ട്അപ്പ് സംരംഭമായ തൃശൂരിലെ ഇന്‍കര്‍ റോബോട്ടിക്‌സാണ് റോബോട്ടുകളെ ജില്ലയിലെത്തിച്ചിട്ടുള്ളത്.
ഇടുക്കി ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി വാട്സ്ആപ്പ് ഗ്രൂപ്പ് ഫോളോ ചെയ്യൂ
ഇടുക്കി ജില്ലയിൽ നിന്നുള്ള ഏറ്റവും പുതിയ നാട്ടുവാർത്തകൾക്കായി ഫേസ്ബുക്ക് പേജ് ഫോളോ ചെയ്യൂ