ഇടുക്കി: അടിസ്ഥാന സംവിധാനങ്ങളിൽ ഇടുക്കിയിലെ സർക്കാർ ആശുപത്രികളിൽ ഒന്നാമനാണ് കട്ടപ്പന താലൂക്ക് ആശുപത്രി. ഇടുക്കി മെഡിക്കൽ കോളേജിന് പോലും അവകാശപ്പെടുവാൻ കഴിയാത്തത്ര നേട്ടമാണ് കഴിഞ്ഞ 10 മാസത്തിനിടയിൽ ആശുപത്രിക്ക് നേടിയെടുക്കാനായത്. ഹൈറേഞ്ചിലെ താലൂക്ക് ആശുപത്രികളിൽ ആദ്യമായി രണ്ട് ദിവസത്തിനുള്ളിൽ നാല് മേജർ ശസ്ത്രക്രിയകൾ വിജയകരമായി നടത്തിയ റെക്കോഡ് ആശുപത്രി സ്വന്തമാക്കി. പത്ത് മാസത്തിനിടയിൽ അതി സങ്കീർണ്ണമായ സന്ധി മാറ്റിവയ്ക്കൽ ശസ്ത്രക്രിയ 25 എണ്ണം പൂർത്തിയാക്കിയെന്ന റിക്കോഡും ആശുപത്രിക്ക് സ്വന്തം. ഒരു സർക്കാർ ആശുപത്രിക്ക് കയ്യെത്തി പിടിക്കുവാൻ കഴിയുന്നതിലും വലിയ നേട്ടങ്ങൾ നേടി ജനമനസ്സ് കീഴടക്കുകയാണ് ഇടുക്കി കട്ടപ്പനയിലെ താലൂക്ക് ആശുപത്രി. കഴിഞ്ഞ പത്ത് മാസത്തിനിടയിൽ സങ്കീർണ്ണമായ 25 സന്ധിമാറ്റി വയ്ക്കൽ ശസ്ത്രക്രിയയാണ് ആശുപത്രിയിൽ വിജയകരമായി പൂർത്തിയാക്കിയത്. ഇതിന് പുറമെ ചെറുതും വലുതുമായ ആയിരത്തോളം ശസ്ത്രക്രിയകളും ചുരുങ്ങിയ കാലയളവിൽ ഇവിടെ നടത്തിയിട്ടുണ്ട്. വണ്ടിപ്പെരിയാർ സ്വദേശിനിയായ അൻപതുകാരിയുടെ ഇടുപ്പെല്ല് മൂന്ന് മണിക്കൂർ നീണ്ട ശസ്ത്രക്രിയയിലൂടെ മാറ്റി വച്ചത് വാർത്താപ്രാധാന്യം നേടിയിരുന്നു.
സ്വകാര്യ അശുപത്രിയിൽ രണ്ട് മുതൽ രണ്ടര ലക്ഷം രൂപ വരെ ചിലവ് വരുന്നതാണ് സന്ധിമാറ്റി വയ്ക്കൽ ശസ്ത്രക്രിയ. സർക്കാരിന്റെ ആനുകൂല്യമുള്ളവരാണെങ്കിൽ ശസ്ത്രക്രിയ സൗജന്യമായി നടത്താം. ആധുനിക ഓപ്പറേഷൻ തീയറ്ററും അനുബന്ധ സംവിധാനങ്ങളുമുണ്ടെങ്കിലും മതിയായ ഡോക്ടർമാരും ജീവനക്കാരുമില്ലാത്തത് പ്രതിസന്ധിയാണ്. പലരും അധിക ഡ്യൂട്ടിയെടുത്താണ് ശസ്ത്രക്രിയകൾ പൂർത്തിയാക്കുന്നത്. അനസ്തേഷ്യ വിദഗ്ധന്റെ ഒഴിവ് നികത്തിയിട്ടില്ലാത്തതിനാൽ ആശുപത്രിയിലെ ഡോക്ടറെ ആശ്രയിക്കേണ്ടി വരുന്നുണ്ട്. ഇതുവരെ നടത്തിയ ശസ്ത്രക്രിയകളെല്ലാം വിജയിച്ചതോടെ ജില്ലയുടെ പല ഭാഗങ്ങളിൽ നിന്നായി നൂറ് കണക്കിന് രോഗികൾ ആശുപത്രിയിൽ എത്തുന്നുണ്ട്.
ഇടുക്കി ജില്ലയിലെ മുഴുവൻ വാര്ത്തകളും ഒറ്റ ക്ലിക്കിൽ ഇവിടെ വായിക്കാം
Read Latest Local News and Malayalam News
സ്വകാര്യ അശുപത്രിയിൽ രണ്ട് മുതൽ രണ്ടര ലക്ഷം രൂപ വരെ ചിലവ് വരുന്നതാണ് സന്ധിമാറ്റി വയ്ക്കൽ ശസ്ത്രക്രിയ. സർക്കാരിന്റെ ആനുകൂല്യമുള്ളവരാണെങ്കിൽ ശസ്ത്രക്രിയ സൗജന്യമായി നടത്താം. ആധുനിക ഓപ്പറേഷൻ തീയറ്ററും അനുബന്ധ സംവിധാനങ്ങളുമുണ്ടെങ്കിലും മതിയായ ഡോക്ടർമാരും ജീവനക്കാരുമില്ലാത്തത് പ്രതിസന്ധിയാണ്. പലരും അധിക ഡ്യൂട്ടിയെടുത്താണ് ശസ്ത്രക്രിയകൾ പൂർത്തിയാക്കുന്നത്. അനസ്തേഷ്യ വിദഗ്ധന്റെ ഒഴിവ് നികത്തിയിട്ടില്ലാത്തതിനാൽ ആശുപത്രിയിലെ ഡോക്ടറെ ആശ്രയിക്കേണ്ടി വരുന്നുണ്ട്. ഇതുവരെ നടത്തിയ ശസ്ത്രക്രിയകളെല്ലാം വിജയിച്ചതോടെ ജില്ലയുടെ പല ഭാഗങ്ങളിൽ നിന്നായി നൂറ് കണക്കിന് രോഗികൾ ആശുപത്രിയിൽ എത്തുന്നുണ്ട്.
ഇടുക്കി ജില്ലയിലെ മുഴുവൻ വാര്ത്തകളും ഒറ്റ ക്ലിക്കിൽ ഇവിടെ വായിക്കാം
Read Latest Local News and Malayalam News