ബഥേല്‍ വടക്കേതുരുത്തേല്‍ ജോര്‍ജ് കുട്ടിയുടെ വീടിന്‍റെ സംരക്ഷണ ഭിത്തി വ്യാപക മണ്ണിടിച്ചിലില്‍ തകര്‍ന്നു. മേലേചിന്നാര്‍ - കട്ടപ്പന റോഡില്‍ കനത്ത മഴയെതുടര്‍ന്ന് മണ്ണിടിഞ്ഞു ഗതാഗതം പൂര്‍ണ്ണമായും തടസ്സപ്പെട്ടു.കട്ടപ്പന- കുട്ടിക്കാനം, കുട്ടിക്കാനം- കുമളി, കട്ടപ്പന- കുമളി, കട്ടപ്പന- ഇടുക്കി റോഡുകളില്‍ വ്യാപകമായി മണ്ണിടിഞ്ഞു വീണു. മരങ്ങള്‍ കടപുഴകി റോഡുകളിലേക്ക് വീണു കിടക്കുകയാണ്. വലിയ കല്ലുകള്‍ റോഡിലേക്ക് വീണതോടെ ഗതാഗതം താറുമാറായി. പലയിടത്തും ഫയര്‍ഫോഴ്‌സും പോലീസും നാട്ടുകാരും രാത്രി വൈകിയും രക്ഷാ പ്രവര്‍ത്തനം നടത്തിക്കൊണ്ടിരിക്കുകയാണ്. ഏലപ്പാറയില്‍ കുതിച്ചെത്തിയ വെള്ളം ടൗണിനെ മുക്കി.
കോഴിക്കാനം ജംങ്ഷന്‍ പൂര്‍ണമായി വെള്ളത്തില്‍ മുങ്ങി. ചപ്പാത്ത് പാലത്തില്‍ വെള്ളം കയറി. ഇതിനു തൊട്ടു മുമ്പ് ശാന്തിപ്പാലത്തിലും വെള്ളം കയറി. ഉപ്പുതറ ടൗണില്‍ രാത്രി വെള്ളം കയറി തുടങ്ങിയിട്ടുണ്ട്. ഇതോടെ വ്യാപാരികള്‍ കടകളില്‍ നിന്നും സാധനങ്ങള്‍ മാറ്റിക്കൊണ്ടിരിക്കുകയാണ്. വണ്ടിപ്പെരിയാറ്റില്‍ വീടുകളില്‍ വെള്ളം കയറി. ഹൈറേഞ്ചിന്‍റെ പല ഭാഗങ്ങളും ഇപ്പോഴും ഇരുട്ടിലാണ്. റോഡുകളില്‍ വലിയ കല്ലുകളും മണ്ണും മരവും വീണു കിടക്കുന്നതിനാല്‍ അപകടം പതിയിരിക്കുകയാണ്. രാത്രി വൈകിയും ഇടുക്കിയില്‍ പെരുമഴ തുടരുകയാണ്.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
